Home ព័ត៌មានសំខាន់ៗ ស្លាប់​២ និង​...

ស្លាប់​២ និង​ឆ្លង​២៧៩​នាក់​បន្ថែម​នៅ​ថៃ​

​ប្រែ​សម្រួលៈ​វាសនា​/​បាងកក​៖ ថៃ​នៅ​ថ្ងៃ​០១​មករា ឆ្នាំ​២០២១​នេះ បាន​រាយការណ៍​មនុស្ស​ស្លាប់​២​នាក់​ដោយសារ​ជំងឺ​កូវី​ដ​១៩ និង​២៧៩​នាក់​ទៀត​ឆ្លង​វីរុស​កូរ៉ូណា ចំ​ពេល​មាន​ការព្រួយបារម្ភ​ថា​និន្នាការ​​នេះ​នឹង​នៅ​បន្ត​ដោយសារ​មនុស្ស​រាប់​ម៉ឺន​រាប់សែន​នាក់​ធ្វើដំណើរ​ក្នុងអំឡុងពេល​ឈប់សម្រាក​ចូលឆ្នាំ​សកល​នេះ​។​

​តួលេខ​ថ្មី​នេះ​នាំអោយ​ថៃ​មាន​អ្នក​ស្លាប់​ដោយកូវី​ដ​១៩​កើន​ដល់​៦៣​នាក់​និង​ឆ្លង​៧.១៦៣​នាក់ នេះ​បើ​តាម​មជ្ឈមណ្ឌល​គ្រប់គ្រង​សភាពការណ៍​កូវី​ដ​១៩​ថៃ​។​

​មជ្ឈមណ្ឌល​នេះ​បាន​និយាយថា អ្នកស្លាប់​ថ្មី​ជា​បុរស​អាយុ​៤៤​ឆ្នាំ​ដែល​បាន​ទៅ​ចូលភោ​ជ្ជនី​យដ្ឋា​ន​មួយ​នៅ​បាងកក និង​បុរស​អាយុ​៧០​ឆ្នាំ​ដែល​បាន​ចូល​ពី​មី​យ៉ាន់​ម៉ា​មក​ក្នុង​ប្រទេស​ថៃ​ដោយ​ខុសច្បាប់​កាល​​ពី​ថ្ងៃ​អង្គារ​។​

​ក្នុងចំណោម​អ្នក​ឆ្លង​ថ្មី​ទាំង​២៧៩​នាក់ មាន​២៥៧​នាក់​ឆ្លង​ក្នុងស្រុក រួម​មាន​អ្នក​ឆ្លង​ពី​ការផ្ទុះកូ​វីដ​១៩​ជា​កញ្ចុំ​នៅ​សាមុត សា​ខន​ចំនួន​៣​នាក់ រ៉ា​យ៉ង ២​នាក់ និង​ឈុន ប៊ូ​រី ម្នាក់ នៅពេល​១៦​នាក់​ទៀត​ជា​​អ្នក​មាន​វិជ្ជាជីវៈ​ងាយ​នឹង​ប្រឈម​ការឆ្លង​។​

​អ្នក​ឆ្លង​ក្នុងស្រុក​២៣៥​នាក់​ទៀត កំពុង​ស្ថិត​ក្រោម​ការស៊ើបអង្កេត​នៅឡើយ​។​

​កូវី​ដ​១៩​នៅ​ថៃ​ឥឡូវ​រីក​រាលដាល​ដល់​៥៣​ខេត្ត​ដោយ​ខេត្ត​សា កែវ និង​ឡាំ​ភូ​ន ជា​ខេត្ត​ត្រូវបាន​រក​ឃើញ​អ្នក​ឆ្លងកូវី​ដ​១៩​ចុងក្រោយ​គេ​។​

​ការ​ឈប់សម្រាក​ចុង​ឆ្នាំ​រយៈពេល​៤​ថ្ងៃ​បាន​ចាប់ផ្តើម​កាលពី​ថ្ងៃ​ព្រហស្បតិ៍​និង​ចប់​នៅ​ថ្ងៃអាទិត្យ​។​ការព្រួយបារម្ភ​ឥឡូវនេះ​គឺ​ការឆ្លង​វីរុស​ច្រើន​ទៀត​នឹង​កើត​ឡើង​នៅ​ប៉ុន្មាន​ថ្ងៃ​ខាង​មុខ​ដោយសារ​មនុស្ស​​អាច​ចម្លង​វីរុស​ទៅកាន់​អ្នក​ដទៃ​នៅ​តាម​ផ្ទះ ឬ​នៅ​តាម​កន្លែង​ទេសចរណ៍​៕

​អ្នកដំណើរ​ថៃ​រង់ចាំ​រថយន្តក្រុង​ទៅកាន់​គោលដៅ​របស់​គេ​។​អាជ្ញាធរ​ថៃ​បារម្ភ​អំពី​ការកើនឡើង​នៃ​ការ​ឆ្លងកូវី​ដ​១៩​ក្រោយ​ការ​ឈប់សម្រាក​ដំណាច់ឆ្នាំ​៤​ថ្ងៃ​

 

 

 

ទីតាំងផ្សាយពាណិជ្ជកម្ម

- Advertisment -



Most Popular