Home ព័ត៌មានសំខាន់ៗ នគរបាល ដកហូត​...

នគរបាល ដកហូត​បានតែ​វត្ថុតាង​ថ្នាំញៀន ជិត ១​គ​.​ក្រ និង​អ្នកប្រើប្រាស់ ៦​នាក់​, តែ​មុខសញ្ញា​ជួញដូរ រត់គេចខ្លួន​

​ដោយៈ ប​.​ជ័យ / បន្ទាយ​មាន​ជ័​យៈ កម្លាំង​នគរបាល​ប្រឆាំង​គ្រឿងញៀន នៃ​អធិការដ្ឋាន​នគរបាល ក្រុង​សិរីសោភ័ណ បានចុះ​ប្រតិបត្តិ​ការបង្ក្រាប ករណី​ជួញដូរ ចែកចាយ និង​ប្រើប្រាស់​គ្រឿងញៀន រយៈពេល ២​ថ្ងៃ លើ ២ គោលដៅ ដោយឡែក​ពីគ្នា ក្នុងនោះ ឃាត់ខ្លួន​អ្នកប្រើប្រាស់ ចំនួន​៦​នាក់ មក​សាកសួរ និង​ដកហូត​វត្ថុតាង​មួយចំនួន ប៉ុន្តែ​មេខ្លោង​ជួញដូរ និង​ចែកចាយ (​លក់​) បាន​គេ​ខ្លួន​បាត់ តាំងពី​មុនពេល នគរបាល បាន​ទៅដល់​។​

​លោក​វរសេនីយ៍ឯក ស៊ី ឌី អធិការ និង​លោក​វរសេនីយ៍ត្រី កាន សៀង អធិការរង ទទួល​ការងារ ប្រឆាំង​គ្រឿងញៀន នៃ​អធិការដ្ឋាន​នគរបាល ក្រុង​សិរីសោភ័ណ បាន​ឲ្យ​ដឹងថាៈ ការបង្ក្រាប​នោះ ធ្វើឡើង​តាម​បទបញ្ជា របស់លោក​ឧ​ត្ត​ម​សេនីយ៍​ទោសិទ្ធិ ឡោះ ស្នងការ​នគរបាល ខេត្តបន្ទាយមានជ័យ និង​មានការ​សម្របសម្រួល ពី​លោក មាស ច័ន្ទ​ពិសិដ្ឋ ព្រះរាជអាជ្ញា អមសាលាដំបូង ខេត្តបន្ទាយមានជ័យ ។ ក្នុងនោះ កម្លាំង​នគរបាល​ប្រឆាំង​គ្រឿងញៀន ក្រុង​សិរីសោភ័ណ និង​កម្លាំង​នគរបាល ស្រុកមង្គល​បូរី បាន​ចុះបង្ក្រាប​បទល្មើស​គ្រឿងញៀន ចំនួន ២ គោលដៅ ក្នុងភូមិ​សាស្ត្រ​ក្រុង​សិរីសោភ័ណ និង​ស្រុក​មង្គល​បូរី នៅ​ថ្ងៃទី​២៩ – ៣០ ខែធ្នូ ឆ្នាំ​២០២០ ដោយបាន​ឃាត់ខ្លួន អ្នកប្រើប្រាស់ ជា​មនុស្ស​ប្រុស បាន​ចំនួន ៦​នាក់ រួមមានៈ ១.​ឈ្មោះ ម៉ៅ គង្គា ហៅ គង់ អាយុ​២៨​ឆ្នាំ នៅ​ភូមិ​ចម្ការ​តា​ដោក ឃុំ​ប្ញ​ស្សី​ក្រោក ស្រុក​មង្គល​បូរី , ២.​ឈ្មោះ អ៊ុក អាន ហៅ មាន អាយុ​៣៨​ឆ្នាំ​, ៣.​ឈ្មោះ តាន់ ប៊ុន​ហោ ហៅ សាន់ អាយុ​២៤​ឆ្នាំ​, ៤.​ឈ្មោះ ឈុន ចន្ថា ហៅ ពន្លក អាយុ​៣២​ឆ្នាំ , ៥.​ឈ្មោះ នួន ឆៃ​អៀង អាយុ​៣០​ឆ្នាំ​, ៦.​ឈ្មោះ ធី ភី​រម្យ ហៅ ម៉ាប់ អាយុ​២០​ឆ្នាំ ។ ៥ នាក់​នេះ ស្នាក់នៅ​ភូមិ​សាលា​ដែង ឃុំ​ប្ញ​ស្សី​ក្រោក ស្រុកមង្គល​បូរី ។​

​លោក​អធិការ បាន​បន្តថាៈ ជាមួយគ្នា​នោះ សមត្ថកិច្ច​ឆែកឆេរ​រកឃើញ វត្ថុតាង​ថ្នាំញៀន ម្សៅ​ក្រាម​ស​ថ្លា ២​កូន​ថង់​, ពង់​ទែ​រ​ម៉ូ​ម៉ែត្រ ៤ , សំបក​ទែ​ម៉ូ​ម៉ែត្រ ២, ដប​ជក់​១, ដែកកេះ​១០, បំពង់​ប៊ឺ​ត​មួយចំនួន​, កាំបិត​២​ដើម​, ទូរស័ព្ទ ១​គ្រឿង​,​។​

យោង​ចម្លើយសារភាព របស់​ជន​ទាំង ៦​នាក់ ពិសេស​មានការ​សហកា​រ ពី​ជនសង្ស័យ​ឈ្មោះ តាន់ ប៊ុន​ហោ ហៅ សាន់នៅវេលា​ម៉ោងជាង ១០ ព្រឹក​ថ្ងៃទី​៣០ ខែធ្នូ ឆ្នាំ​២០២០ លោក​វរសេនីយ៍ឯក ធិ​ន ស៊ិន​ដេ​ត ស្នងការរង​ទទួល​ផែនការ​ងារ ប្រឆាំងគ្រឿងញៀន និង​មានការ​ចូលរួម​សម្របសម្រួល ពី​លោក ប៊ុន សុភ័ក្ត្រ ព្រះរាជអាជ្ញារង​ផង​នោះ កម្លាំង​យើង បាន​ហ៊ុមព័ទ្ធផ្ទះ​ជនសង្ស័យ ឈ្មោះ ស៊ូ អោម ហៅ ង៉ា ភេទ​ប្រុស អាយុ​៣១​ឆ្នាំ នៅ​ភូមិ​ភ្នំ​បាក់ សង្កាត់​ទឹកថ្លា ក្រុង​សិរីសោភ័ណដែលជា​មេខ្លោង​ជួញដូរ​ថ្នាំញៀន ។ ប៉ុន្តែ​មេខ្លោង​នោះ បានគេច​ខ្លួន តាំងពី​កម្លាំង​សមត្ថកិច្ច មិនទាន់​ទៅដល់​ម្ល៉េះ​។ ប៉ុន្តែ​ក្នុងនោះកម្លាំង​សមត្ថកិច្ច បាន​ឆែកឆេរ​រកឃើញ​វត្ថុ នៅ​នឹង​ផ្ទះ ដោយមាន​ឈ្មោះ ណ​យ ស៊ីនួន អាយុ​២៦​ឆ្នាំ ជា​ប្រពន្ធ​ជនសង្ស័យ​ឈ្មោះស៊ូ អោម ហៅ ង៉ា ចូលរួម​ផង​នោះបាន​រកឃើញ​ថ្នាំញៀន ម្សៅ​ក្រាម​ពណ៌ ស​ថ្លា ចំនួន​៦​ថង់ (​ថង់​ធំ​១, ថង់​តូច​៥), ជញ្ជីង​សម្រាប់ថ្លឹង​១, ដែកកេះ​១, បំពង់​ប៊ឺ​ត​កាត់ សម្រាប់​ចូក​ថ្នាំញៀន​១, ថង់​ថ្មី​សម្រាប់​ច្រក​ថ្នាំញៀន មួយចំនួន និង​បំពង់​កែ សម្រាប់​ជក់ ១​។​

លោក​វរសេនីយ៍ឯក​ធិ​ន ស៊ិន ដេ​ត បានបញ្ជាក់​ថាៈ ក្នុងចំណោម ៦ នាក់ សមត្ថកិច្ច បានរៀបចំ​សំណុំរឿង បញ្ជូន​ខ្លួនទៅ​សាលាដំបូង​ខេត្ត ៣ នាក់ មានៈ ១.​ឈ្មោះ តាន់ ប៊ុន​ហោ ហៅ សាន់ មុខរបរ រត់​ម៉ូតូឌុប ពីបទ​ដឹកជញ្ជូន​នូវ សារធាតុ​ញៀនខុសច្បាប់​, ២.​ឈ្មោះ នួន ឆៃ​ហៀ​ង​, ៣.​ឈ្មោះ ធី ភិរម្យ ហៅ ម៉ាប់ អ្នកប្រើប្រាស់​ ​រួម​ម​ទាំង​វត្ថុតាង​ថ្នាំញៀន របស់​អ​ញ្ញាត់​ជន (​ម្ចាស់​គេចខ្លួន បន្សល់ទុក​តែ​វត្ថុតាង​) និង​វត្ថុតាង​ដកហូត ពី​អ្នកប្រើប្រាស់ ២ ថង់​តូច សរុប​រួម​ចំនួន ៨ ថង់ (​ថង់​ធំ​១ និង​ថង់​តូច ៧) ទម្ងន់​សរុប ចំនួន ៧៨៥,៧៧ ក្រាម ។ សមត្ថកិច្ច ក៏បាន​រៀបចំ​សំណុំរឿង បញ្ជូនទៅ​សាលាដំបូង​ហើយ ។ ដោយឡែក ជនសង្ស័យ​ឈ្មោះ អ៊ុក អាន ហៅ មាន ក៏មាន​ដីកា​បង្គាប់​ឲ្យ​ចាប់ខ្លួន និង ២ នាក់ទៀត ឈ្មោះ ឈុន ចន្ថា ហៅ ពន្លក និង​ឈ្មោះ ម៉ៅ គង្គា ហៅ គង់ សុំ​យកទៅ​មណ្ឌល​អប់រំ​កែប្រែ ៕/V​

នគរបាល ដកហូត​បានតែ​វត្ថុតាង​ថ្នាំញៀន ជិត ១​គ​.​ក្រ និង​អ្នកប្រើប្រាស់ ៦​នាក់​, តែ​មុខសញ្ញា​ជួញដូរ រត់គេចខ្លួន​

នគរបាល ដកហូត​បានតែ​វត្ថុតាង​ថ្នាំញៀន ជិត ១​គ​.​ក្រ និង​អ្នកប្រើប្រាស់ ៦​នាក់​, តែ​មុខសញ្ញា​ជួញដូរ រត់គេចខ្លួន​

នគរបាល ដកហូត​បានតែ​វត្ថុតាង​ថ្នាំញៀន ជិត ១​គ​.​ក្រ និង​អ្នកប្រើប្រាស់ ៦​នាក់​, តែ​មុខសញ្ញា​ជួញដូរ រត់គេចខ្លួន​

នគរបាល ដកហូត​បានតែ​វត្ថុតាង​ថ្នាំញៀន ជិត ១​គ​.​ក្រ និង​អ្នកប្រើប្រាស់ ៦​នាក់​, តែ​មុខសញ្ញា​ជួញដូរ រត់គេចខ្លួន​

ទីតាំងផ្សាយពាណិជ្ជកម្ម

- Advertisment -

Most Popular