Home ព័ត៌មានអន្តរជាតិ ករណី​កូវី​ដ​១...

ករណី​កូវី​ដ​១៩​នៅ​អាម៉េរិក​កើនឡើង​ដល់ ២០ លាន​នាក់ ខណៈ​ចំនួន​អ្នកស្លាប់​បន្ត​កើនឡើង​

​ប្រែ​សម្រួល : កញ្ញា​ដា​លី​ស ៖ ករណី​ឆ្លង​វីរុស​កូរ៉ូ​ណា​នៅ​សហរដ្ឋអាម៉េរិក​បានឈា​ន​ដល់​ចំនួន​២០ លាន​នាក់​កាលពី​ថ្ងៃ​សុក្រ​ទី​០១​មករា ខណៈ​ក្រុម​មន្ត្រី​ព្យាយាម​បង្កើនល្បឿន​ការចាក់​វ៉ាក់សាំង និង​វីរុស​​កូរ៉ូ​ណា​បំលែងខ្លួន​ថ្មី​ឆ្លង​ខ្លាំង​ជាង​មុន​បាន​លេចឡើង​ឡើង​នៅ​រដ្ឋ​ខូ​ឡូ​រ៉ាដូ រដ្ឋ​កាលីហ្វ័​រញ៉ា និង​រដ្ឋ​ផ្លរីដា​។​

​សហរដ្ឋ​អាម៉េរិក​បានឃើញ​ការកើនឡើង​ចំនួន​អ្នកស្លាប់​ប្រចាំថ្ងៃ​ដោយសារកូ​វីដ​១៩ ចាប់តាំងពី​ពិធីបុណ្យ​ថ្លែងអំណរគុណ ឬ Thanksgiving ដោយ​មាន​មនុស្ស ៧៨.០០០​នាក់​បាន​បាត់បង់​ជីវិត​​នៅក្នុង​ខែ​ធ្នូ​។ ចំនួន​មនុស្ស​សរុប ៣៤៥.០០០ នាក់​បាន​ស្លាប់​ដោយសារកូ​វីដ​១៩ ឬ​ម្នាក់​ក្នុងចំណោម​ប្រជាជន​អាម៉េរិក​ចំនួន ៩៥០ នាក់​បាន​ស្លាប់​ចាប់តាំងពី​វីរុស​នេះ​បាន​លេចឡើង​ដំបូង​នៅ​ប្រទេស​​ចិន​កាលពី​ចុងឆ្នាំ ២០១៩​។​

​ដើម្បី​បន្ថយ​ចំនួន​អ្នក​ស្លាប់ ព្រឹទ្ធ​សមាជិក​លោក​មី​ត រ៉ូម​នី​កាលពី​ថ្ងៃ​សុក្រ​បាន​ទទូច​ដល់​រដ្ឋាភិបាល​អាម៉េរិក​ឱ្យ​ចុះបញ្ជី​គ្រូពេទ្យ​សត្វ​និង​គ្រូពេទ្យ​សង្គ្រោះ​បឋម​ឱ្យ​ជួយ​ក្នុង​ការចាក់​វ៉ាក់សាំង​ការពារ​វីរុស​កូរ៉ូណា​។​

​អត្រា​នៃ​ការ​ឆ្លងកូវី​ដ​១៩ នៅ​សហរដ្ឋ​អាម៉េរិក​បាន​កើនឡើង​នៅ​ឆមាស​ទី ២ នៃ​ឆ្នាំ​មុន​។

​រដ្ឋ​កាលីហ្វ័​រញ៉ា​មាន​ករណី​សរុប​ច្រើន​ជាង​រដ្ឋ​ណាៗ​ទាំងអស់ ដោយ​មាន​ករណី​ឆ្លង ២,២៨ លាន​នាក់ បន្ទាប់មក​គឺ​រដ្ឋ​តិច​សាស់ ដែលមាន ១,៧៦ លាន​ករណី និង​រដ្ឋ​ផ្លរីដា​មាន ១,៣២ លាន​ករណី​។​

​សហរដ្ឋ​អាម៉េរិក​មាន​អត្រា​ឆ្លង​ជា​មធ្យម ១៨៦.០០០ ករណី​ក្នុង​មួយថ្ងៃ ពោលគឺ​ធ្លាក់ចុះ​ពី​កម្រិត​ខ្ពស់​បំផុត​នៅ​ពាក់កណ្តាល​ខែ​ធ្នូ គឺ​ជាង ២១៨.០០០ ករណី​ក្នុង​មួយថ្ងៃ​។ មន្ត្រី​សុខាភិបាល​បាន​ព្រមាន​ថា ករណី​ឆ្លង​ទំនងជា​នឹង​កើនឡើង​ម្តងទៀត បន្ទាប់​ពី​ការជួបជុំ​វិស្សមកាល​។​

​រដ្ឋាភិបាល​អាម៉េរិក​ដាក់​គោលដៅ​ចាក់​វ៉ាក់សាំង​ដល់​ប្រជាជន​ឱ្យ​បាន​១០០​លាន​នាក់​ត្រឹម​ថ្ងៃទី​០១​មីនា​៕

​ម្នាក់​ក្នុងចំណោម​ប្រជាជន​អាម៉េរិក​ចំនួន ៩៥០ នាក់​បាន​ស្លាប់ ចាប់តាំងពី​វីរុស​កូរ៉ូណា​បានលេចឡើង​ដំបូង​នៅ​ចិន​កាលពី​ចុងឆ្នាំ ២០១៩

ទីតាំងផ្សាយពាណិជ្ជកម្ម

- Advertisment -

Most Popular