Home ព័ត៌មានអន្តរជាតិ អ៊ីរ៉ង់​ព្រមា...

អ៊ីរ៉ង់​ព្រមាន​អាម៉េរិក​ថា យោធា​ត្រៀមខ្លួន​រួច​អស់ហើយ​ដើម្បី​ទប់ទល់​រាល់​សម្ពាធ​ទាំងឡាយ​

​ប្រែ​សម្រួល : កញ្ញា​ដា​លី​ស​/​តេ​អេ​រ៉ង់ ៖ មេបញ្ជាការ​កំពូល​នៃ​កង​ឆ្មាំ​បដិវត្តន៍​អ៊ីរ៉ង់​បាន​និយាយ​កាលពី​ថ្ងៃ​សុក្រ​ទី​១​មករា​ថា​ប្រទេស​របស់​លោក​បាន​ត្រៀម​ខ្លួន​ជា​ស្រេច​ដើម្បី​ឆ្លើយតប​នឹង​សម្ពាធ​យោធា​ណា​​មួយ​ពី​សហរដ្ឋ​អាម៉េរិក ខណៈ​ភាព​តានតឹង​រវាង​រដ្ឋាភិបាល​ក្រុងតេអេ​រ៉ង់​និងក្រុង​វ៉ាស៊ីនតោ​ននៅតែមាន​កម្រិត​ខ្ពស់​នៅ​ប៉ុន្មាន​ថ្ងៃ​ចុងក្រោយ​នៃ​អាណត្តិ​របស់​រដ្ឋបាល​លោក​ប្រធានាធិបតី​ដូណាល់ ត្រាំ​។​

​លោក​ឧត្តមសេនីយ៍ ហូ​ស​សេន សាឡា​មី បាន​ថ្លែង​បែបនេះ​នៅក្នុង​ពិធី​មួយ​នៅឯ​សាកលវិទ្យាល័យ​តេ​អេ​រ៉ង់​ដើម្បី​រំលឹក​ដល់​ខួប​មួយ​ឆ្នាំ​នៃ​ការវាយប្រហារ​ដោយ​ដ្រូ​ន​របស់​អាម៉េរិក​នៅ​ទីក្រុង​បាក​ដា​ដដែល​​បានសម្លាប់​ឧត្តមសេនី​យ៍របស់​កង​ឆ្មាំ​បដិវត្តន៍​គឺ​លោក​ឧត្តមសេនីយ៍ កាស​សេម សូ​ឡេ​ម៉ានី ដែល​ដឹកនាំ​កងកម្លាំង​ឃូដ កាលពី​ថ្ងៃទី ៣១ ខែ​មករា ឆ្នាំ ២០២០​។​

​នៅ​គ្រានោះ អ៊ីរ៉ង់​បាន​សងសឹក​វិញ​ដោយ​បើក​ការវាយប្រហារ​មី​ស៊ី​ល​ឆ្លង​ទ្វីប​ទៅលើ​មូលដ្ឋាន​យោធា​អាម៉េរិក​នៅ​អ៊ីរ៉ាក់ ដែល​បណ្តាល​ឱ្យ​មាន​ការ​ប៉ះទង្គិច​ខួរក្បាល​ដល់​ទាហាន​អាម៉េរិក​ប្រហែល ១០០ នាក់​។ វ៉ាស៊ីនតោន​និង​តេ​អេ​រ៉ង់​ប៊ិះ​តែ​ផ្ទុះ​សង្គ្រាម​នឹង​គ្នា ខណៈ​វិបត្តិ​កើនឡើង​។​

​ដោយ​មិន​សំដៅលើ​សហរដ្ឋ​អាម៉េរិក​ដោយផ្ទាល់ លោក​សាមី​បាន​និយាយថា “​ថ្ងៃនេះ​យើង​មិន​មាន​ការបារម្ភ​ឬ​កង្វល់​អ្វី​ទេ​ចំពោះ​ការប្រឈមមុខ​ជា​មួយ​ម​ហា​អំណាច​ណាមួយ​។​យើង​នឹង​ផ្តល់​ពាក្យសម្តី​​ចុង​ក្រោយ​ដល់​សត្រូវ​របស់​យើង​នៅ​សមរភូមិ​”​។

​មន្ត្រីជាន់ខ្ពស់​អ៊ីរ៉ង់​ជាច្រើន​នាក់​រួម​ជាមួយ​សម្ព័ន្ធមិត្ត​ស៊ី​រី​ប៉ាឡេ​ស្ទី​ន​និង​លីបង់​និង​សមាជិក​នៃ​ក្រុមគ្រួសារ​លោក​សូ​ឡេ​ម៉ានី​បាន​ចូលរួម​ក្នុង​ពិធី​នោះ​។​

​អ្នក​ជំនួស​លោក​សូ​ឡេ​ម៉ានី គឺ ឧត្តមសេនីយ៍ អ៊ី​ស្មា​អ៊ី​ល ហ្គា​អានី បាន​និយាយ​នៅ​ឯ​ពិធី​នោះ​ថា អ៊ីរ៉ង់​មិន​ខ្លាច​ប្រឈម​មុខ​ជាមួយ “​មហាអំណាច​” ជាថ្មី​ម្តងទៀត​គឺ​មិន​និយាយ​ចំឈ្មោះ​អាម៉េរិក​ទេ​ហើយ​លោក​​ក៏​បាន​ព្រមាន​ដែរ​ថា “​អ្នកស្វែងរក​សិទ្ធិសេរីភាព​” នៅ​អាម៉េរិក​អាច​សងសឹក​ចំពោះ​ការវាយប្រហារ​ដែល​បាន​សម្លាប់​លោក​សូ​ឡេ​ម៉ានី ដោយ​ប្រាប់​ទៅ​អាម៉េរិក​ថា “​នៅ​ខាង​ក្នុង​ប្រទេស​របស់​អ្នក​ប្រហែល​​ជា​មាន​មនុស្ស​ចង់​ឆ្លើយតប​នឹង​ឧក្រិដ្ឋកម្ម ដែល​អ្នក​បាន​ប្រព្រឹត្ត​”​។​

​ប្រមុខ​យុត្តិធម៌​របស់​អ៊ីរ៉ង់​លោក អ៊ីប្រាហ៊ីម រ៉ៃ​ស៊ី និយាយថា អ្នក​ទាំងអស់ ដែល​មាន​តួនាទី​ក្នុងការ​សម្លាប់​លោក​សូ​ឡេ​ម៉ានី នឹង​មិន​អាច “​គេចផុត​ពី​ច្បាប់​និង​យុត្តិធម៌​បានឡើយ​”​ទោះបី​ពួកគេ​ជា​ប្រធា​​នា​ធិបតី​អាម៉េរិក​ក៏ដោយ​។​

​ក្រសួងការបរទេស​អ៊ីរ៉ង់​ក៏​សរសេ​រលើ Twitter ដែរ​ថា អ៊ីរ៉ង់​នឹង​មិន​សម្រាក​បានឡើយ​ដរាបណា​ជនល្មើស​ដែល​សម្លាប់​លោក​សូឡី​ម៉ា​នី​ត្រូវបាន​នាំ​ខ្លួន​មក​កាត់ទោស​៕

លោក​ឧត្តមសេនីយ៍ អ៊ី​ស្មា​អ៊ី​ល ហ្គា​អានី ជា​អ្នក​ជំនួស​លោក​សូ​ឡេ​ម៉ានី

ទីតាំងផ្សាយពាណិជ្ជកម្ម

- Advertisment -

Most Popular