Home ព័ត៌មានជាតិ សន្តិសុខ ស្លាប់​ម្នាក់...

ស្លាប់​ម្នាក់ របួស​ម្នាក់ ដោយសារ​រ៉ឺម៉ក​ម៉ូតូ​២​គ្រឿង​បុក​គ្នា

​ដោយៈ​គូលែន​/​សៀមរាបៈ​មាន​ករណី​រ៉ឺម៉ក​ម៉ូតូ​១​គ្រឿង​បាន​បុក​ជាមួយនិង​ម៉ូតូ​រ៉ឺម៉ក​ម៉ូតូ​១​គ្រឿង​ទៀត​បណ្តាលឱ្យ​ស្លាប់​មនុស្ស​ម្នាក់ និង​ម្នាក់ទៀត​រងរបួស កាលពី​វេលា​ម៉ោង​១៨​និង​៣០​នាទី​ថ្ងៃទី​១ ខែមករា ឆ្នាំ​២០២១ លើផ្លូវ​ក្រាល​កៅស៊ូ ពី​ស្រុក​ពួក ទៅ​ស្រុក​អង្គ​ជុំ ក្នុងភូមិ​ចំបក់​ហែ ឃុំ​ពួក ស្រុក​ពួក​ខេត្តសៀមរាប ។​

​នគរបាល​ចរាចរណ៍​ស្រុក​ពួក​បាន​និយាយថា មធ្យោបាយ​ដែល​ជួប​គ្រោះថ្នាក​ទាំងពីរ​ខាងលើ មាន ម៉ូតូ​ម៉ាក​ហុង​ឌ្រី​ម ពណ៌​ខ្មៅ ផលិត​ឆ្នាំ​២០០៧​ពាក់​ផ្លាកលេខ សៀមរាប 1A.4410 សណ្តោង​រ៉ឺម៉ក​ក្រោយ​ពណ៌​ខៀវ បើកបរ​ដោយ​ឈ្មោះ​មាន វី​តា​ភេទ ប្រុស​អាយុ​២៩​ឆ្នាំ នៅ​ភូមិ​ចំបក់​ហែ ឃុំ​ពួក ស្រុក​ពពួក ខេត្ត​សៀម​រាម​បើកបរ​ទិសដៅ​ពី​ត្បូង​ទៅ​ជើង និង​១​គ្រឿង​ទៀត ម៉ូតូ​ម៉ាកវីវ៉ា ពណ៌​ខ្មៅ ពាក់​ផ្លាកលេខ សៀមរាប 1F.9595 សណ្តោង​រ៉ឺម៉ក បើកបរ​ដោយ​ឈ្មោះ នូវ រតនៈ ភេទ​ប្រុស អាយុ ៤០​ឆ្នាំ នៅ​ភូមិ​ឈូក ឃុំ​ត្រី​ញ័រ ស្រុក​ពួក ខេត្តសៀមរាប បើកបរ​ទិសដៅ​ពី​ជើង​ទៅ​ត្បូង​។​

​ប្រភព​នៅ​កន្លែងកើតហេតុ​បាន​មានការ​សង្ស័យ​ដែរ​ថា ដំបូង​រ៉ឺម៉ក​ម៉ូតូ​ទាំង​២​គ្រឿង បាន​បុក​គ្នា ហើយ​ជនរងគ្រោះ​ឈ្មោះ មាន វី​តា បាន​ខ្ទាតចូល​រថយន្ត​១​គ្រឿង​ទៀត​មិន​ស្គាល់​ម៉ាក​បើកបរ​ទិសដៅ​ពី​ត្បូង​ទៅ​ជើង​ហើយ​កិន​ចំក្បាល​បណ្តាល​អោយស្លាប់ ហើយ​រថយន្ត​បាន​របើ​កត់​គេច​បាត់ ចំណែក​ឈ្មោះ នូវ រតនៈ របួសស្រាល​៕​

ទីតាំងផ្សាយពាណិជ្ជកម្ម

- Advertisment -

Most Popular