Home ព័ត៌មានអន្តរជាតិ បារាំង​ដាក់ចេ...

បារាំង​ដាក់ចេញ​បម្រាម​គោចរ​ចាប់ពី​ម៉ោង​៦​ល្ងាច​តទៅ​នៅ​តំបន់​ចំនួន​១៥

​ប្រែ​សម្រួល : កញ្ញា​ដា​លី​ស ៖ បារាំង​បាន​ប្រកាស​បម្រាម​គោចរ​ដើម្បី​ទប់ស្កាត់​វីរុស​កូរ៉ូ​ណា​ចាប់ពី​ម៉ោង ៦ ល្ងាច​នៅក្នុង​តំបន់​ចំនួន ១៥​ចំ​ពេល​មាន​ការបារម្ភ​ខ្លាំង​ឡើង​អំពី​ការ​ផ្ទុះ​ឡើង​ជា​ថ្មី​នៃ​រា​ត​វីរុស​​ត្បាត​នេះ​។​

​រដ្ឋាភិបាល​កំពុង​ប្រឈម​នឹង​ការរិះគន់​រួច​ទៅ​ហើយ​សម្រាប់​ល្បឿន​យឺតយ៉ាវ​នៃ​របប​វ៉ាក់សាំង​របស់ខ្លួន​ដោយ​មាន​មនុស្ស​តែ​ពីរ​បី​រយ​នាក់​បាន​ចាក់​វ៉ាក់សាំង​នៅក្នុង​ថ្ងៃ​ដំបូង​បន្ទាប់​ពី​វ៉ាក់សាំង​ត្រូវបាន​​អនុម័ត​។​

​បម្រាម​គោចរ​ម៉ោង ៨ យប់​ទូទាំង​ប្រទេស​នា​ពេលបច្ចុប្បន្ន​នឹង​ត្រូវ​អនុវត្ត​ឆាប់​ជាង​មុន​ពីរ​ម៉ោង និង​ដាក់​ចេញ​នៅ​ទូទាំង​តំបន់​ចំនួន ១៥ ក្នុងចំណោម​តំបន់​ចំនួន ១០១​របស់​បារាំង​រួម​ទាំង​តំបន់​ជួរ​ភ្នំ​​អាល់​-​ម៉ា​រី​ទី​ម ដែល​មាន​ទីក្រុង​នី​ស​ស្ថិតនៅ​។​

​បម្រាម​គោចរ​នេះ​កើតឡើង​បន្ទាប់ពី​មនុស្ស ២.៥០០ នាក់​បាន​រៀបចំ​ពិធីជប់លៀង​ថ្ងៃ​ចូលឆ្នាំ​សកល​នៅ​រូង​ក្រោម​ដី​មួយ​នៅ​ភាគ​ខាងលិច​ប្រទេស​បារាំង​មុន​ពេល​ពួកគេ​វាយប្រហារ​និង​ធ្វើឱ្យ​រង​របួស​ដល់​​ប៉ូលិស ដែល​គេ​បញ្ជូន​ឱ្យ​បង្ក្រាប​ពួក​នេះ​។​

​បម្រាម​គោចរ​នៅ​តំបន់​ទាំង​១៥​នឹង​ចាប់ផ្តើម​ពី​ម៉ោង​៦​ល្ងាច​ដល់​ម៉ោង​៦​ព្រឹក​។

​បារាំង​មក​ទល់​ពេល​នេះ​មាន​អ្នកស្លាប់​សរុប​ចំនួន ៦៤.៦៣២ នាក់​និង​ឆ្លង ២.៦២០.៤២៥ នាក់​ដោយកូវី​ដ​១៩៕

​តំបន់​ចំនួន​១៥​នឹង​ត្រូវ​ដាក់​ចេញ​បម្រាម​គោចរ​ពី​ម៉ោង​៦​ល្ងាច​ដល់​ម៉ោង​៦​ព្រឹក

ទីតាំងផ្សាយពាណិជ្ជកម្ម

- Advertisment -



Most Popular