ខាន់ ជេមស៍ រំភើបស្រក់ទឹកភ្នែក ពេលសម្ដេចតេជោ ចូល Share នឹង Comment ពេល កំពុង Live វីដេអូ

ដោយ:បញ្ញាសាស្រ្ត/ភ្នំពេញ: តារាចម្រៀង លោក ខាន់ ជេមស៍ បានស្រក់ទឹកភ្នែក ព្រោះក្ដីរំភើប យ៉ាងក្រៃ​លែង ក្រោយទទួលបាននូវការផ្ដល់មហាកិត្តិយសពីសំណាក់សម្ដេចតេជោ ហ៊ុន សែន នាយក​រដ្ឋមន្រ្តីនៃកម្ពុជា ដោយសម្ដេចធ្វើការ Share វីដេអូ នៃការ Live លក់ ធុងបាសរបស់តារាចម្រៀង ផលិតកម្មសាន់ដេ រូបនេះ​កាលពីយប់ថ្ងៃទី២៩ ខែធ្នូ ឆ្នាំ២០២០។

សម្ដេចតេជោបានធ្វើការចុច Share នោះ ខាន់ ជេមស៍ ពុំទាន់បានដឹងនោះឡើយ ក្រោយដឹង ភ្លាមលោក ក៏បាន ច្រៀងចម្រៀងមួយបទមានចំណងជើងថា «ស្ពានសាងស្នេហ៍» ជូនសម្ដេចតេជោ សណ្ដាប់ និងទស្សនាភ្លាមៗ។

អ្វីដែល ខាន់ ជេមស៍ ភ្ញាក់ផ្អើលនោះ ត្រូវបាន សម្ដេចតេជោ Comment ធ្វើឲ្យលោកស្រក់ទឹកភ្នែកថា ៖ «អរគុណកូនដែលបានច្រៀងបទពុក»។ សម្ដេចតេជោក៏បាន Comment ទៀតថា៖ «ជូនពរកូន មានជោគជ័យ»។

ក្រោយបញ្ចប់ការ Live ភ្លាមៗលោក ខាន់ ជេមស៍ បានថ្លែងថា លោកពិត ជារំភើបណាស់រំភើប ដល់ហូរ ទឹកភ្នែក។ លោកបានចាត់ទុកថ្ងៃនោះ ជាថ្ងៃដែលជោគជ័យធំបំផុតក្នុងជីវិតរបស់លោកលើសអ្វីៗទាំងអស់។ “កូនពិតជាមានមហាកិត្តិយសខ្លាំងណាស់!!! ដែលកាលពីយប់មិញ (សម្ដេចពុក) ដែលបានចូល comment និង share នូវវីដេអូរបស់កូន កូនសូមគោរព ជូនពរសម្ដេចពុក និង សម្ដេចម៉ែ សមប្រកបដោយសុខភាពល្អបរិបូរណ៍!! កម្លាំងខ្លាំងក្លាបញ្ញាឈ្លាសវៃ ជន្មាយុ យឺនយូរ ដើម្បីនៅជាម្លប់ដ៏ត្រជាក់របស់ប្រទេសកម្ពុជា និង ប្រជាពលរដ្ឋខ្មែរគ្រប់រូប សូមគោរពអរគុណ សម្តេចពុក អរគុណសន្តិភាព។” ៕

ទីតាំងផ្សាយពាណិជ្ជកម្ម

- Advertisment -

Most Popular