Home ព័ត៌មានសំខាន់ៗ ​រាជរដ្ឋាភិបា...

​រាជរដ្ឋាភិបាល សម្រេច​លើក​ពេល​រៀបចំ​ពិធីបុណ្យ​ទន្លេ​លើក​ទី​៧ ឆ្នាំ​២០២១ ទៅ​ឆ្នាំ​២០២២ វិញ​

ដោយ​: សុផល / ភ្នំពេញ​:​ រាជរដ្ឋាភិបាល​កម្ពុជា​បានសម្រេច​លើក​ពេល​រៀបចំ​ពិធីបុណ្យ​ទន្លេ​លើក​ទី​៧ ដែល​គ្រោង​នឹង​រៀបចំ​នៅ​ឆ្នាំ​២០២១ ទៅធ្វើ​នៅ​ឆ្នាំ​២០២២ វិញ។​

​រាជរដ្ឋាភិបាល​បានបញ្ជាក់​ឱ្យ​រដ្ឋបាល​ខេត្តកំពង់ធំ ធ្វើជា​ម្ចាស់ផ្ទះ​ក្នុង​ការរៀបចំ​ពិធីបុណ្យ​ទន្លេ នៅ​ឆ្នាំ​២០២២ ខាងមុខ​នោះ​។​

​សូម​រម្លឹកថា ពិធីបុណ្យ​ទន្លេ​លើក​ទី​៦ បាន​ប្រារព្ធ​ធ្វើ​នៅ​ខេត្តបាត់ដំបង​ក្រោម​ប្រធានបទ ”​ទន្លេ​នៃ​សន្តិភាព ទន្លេ​នៃ​វិបុលភាព​” នៅ​ខេត្តបាត់ដំបង ក្រោម​អធិបតីភាព​ដ៏​ខ្ពង់ខ្ពស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​។​

​សូមជម្រាបថា​ពិធីបុណ្យ​ទន្លេ​ត្រូវបាន​រៀបចំឡើង ក្នុង​គោលបំណង​៖​បង្កើត​ព្រឹត្តិការណ៍​ទេសចរណ៍ សម្រាប់​ខេត្ត​ជាប់​ដង​ទន្លេ ដើម្បី​រួមចំណែក​ដល់​ការ​ជម្រុញ និង​អភិវឌ្ឍ​ខេត្ត​តាម​ដង​ទន្លេ​កម្ពុជា ឲ្យ​ក្លាយជា​តំបន់​ទេសចរណ៍​ដ៏​ទាក់ទាញ ស្របតាម​យុទ្ធសាស្ត្រ​ពិពិធ​កម្ម​ផលិតផល​ទេសចរណ៍​របស់​រាជរ​ដ្ឋា​ភិ​បាល​កម្ពុជា​។ លើកកម្ពស់​គុណភាព​សេវាកម្ម​ទេសចរណ៍ និង​បំផុស​មហាជន​ក្នុងការ​អភិរក្ស​ធនធាន​ធម្មជាតិ ជាពិសេស​ការការពារ និង​អភិរក្ស​ធនធានធម្មជាតិ ដោយ​ឈរលើ​ការប្ដេជ្ញាចិត្ត​រួមមួយ​ច្បាស់លាស់​ក្នុងការ​រក្សា​តុ​ល្យា​ភាព រវាង​ផលប្រយោជន៍ខាង​ផ្នែក​បរិស្ថាន សេដ្ឋកិច្ច​-​សង្ក​ម និង​វប្បធម៌​ព្រមទាំង រួមចំណែក​សម្រេច​ផែនការ​យុទ្ធសាស្ត្រ​ទេសចរណ៍​អាស៊ាន​៕​

ទីតាំងផ្សាយពាណិជ្ជកម្ម

- Advertisment -

Most Popular