Home ព័ត៌មានអន្តរជាតិ គ្រាប់បែក​សម្...

គ្រាប់បែក​សម្លាប់​ទាហាន​បារាំង​២​នាក់​នៅ​ម៉ាលី​

​ប្រែ​សម្រួលៈ​វាសនា​៖​ទាហាន​បារាំង​២​នាក់​បាន​ស្លាប់​នៅ​ពេល​រថយន្ត​របស់​គេ​បើក​ជាន់​គ្រឿងផ្ទុះ​នៅ​ម៉ាលី​ភាគ​ឦសាន​កាលពី​ថ្ងៃ​សៅរ៍ ។​ឧបទ្ទវហេតុ​នេះ​កើតឡើង​តែ​ប៉ុន្មាន​ថ្ងៃ​ក្រោយ​ពី​ទាហាន​បារាំង​៣​នាក់​​ទៀត​បាន​ស្លាប់​ក្នុង​ការវាយប្រហារ​ស្រដៀង​គ្នា​។​

​ប្រធានាធិបតី​បារាំង លោក អេម​ម៉ានុយ​អែល ម៉ា​ក្រុង បាន​ដឹង​ដំណឹង​ដ៏​ក្រៀម​ក្រំ​អំពី​មរណភាព​របស់ ពល​ទោ អ៊ី​វ៉ា នុយ​វ៉ង់ និង​មេកង ឡូ​អ៊ិក ស៊ី​ស​ស៊ែ​រ នៅ​តំបន់ មេ​ណា​កា​។​

​យោង​តាម​ទាហាន​បារាំង ការស្លាប់​ចុងក្រោយ​នេះ​នាំ​អោយ​​ទាហាន​បារាំង​ស្លាប់​នៅ​ម៉ាលី​កើន​ដល់​៥០​នាក់​ចាប់​តាំងពី​បារាំង​ចូល​អន្តរាគមន៍​យោធា​ដំបូង​នៅ​ខែ​មករា​ឆ្នាំ​២០១៣​ដើម្បី​ជួយ​រុញច្រាន​​ពួក​ជី​ហាត​អ៊ីស្លាម ដែល​គ្រប់គ្រង​ផ្នែក​ជាច្រើន​នៅក្នុង​ប្រទេស​នៅ​អាហ្វ្រិក​ខាងលិច​នេះ​។​

​កងកម្លាំង​Barkhane​របស់​បារាំង​មាន​ទាហាន​ចំនួន​៥.១០០​នាក់​នៅ​ទូទាំង​តំបន់​សាហែល​ហើយ​បាននិងកំពុ​ង​ប្រយុទ្ធ​ទល់​នឹង​ក្រុម​ជី​ហាត​រួម​ជាមួយ​ទាហាន​មកពី មួ​រី​តានី ឆាត ម៉ាលី បួ​គី​ណា ហ្វា​សូ​​និង​នី​ហ្សេ ដែល​រួម​គ្នា​បង្កើតបានជា​ក្រុម​G5 Sahel៕

​ទាហាន​បារាំង​ទាំង​ពីរ​អ៊ី​វ៉ា នុយ​វ៉ង់ និង ឡូ​អ៊ិក ស៊ី​ស​ស៊ែ​រ ដែល​ស្លាប់​ក្នុង​ការផ្ទុះ​គ្រាប់​ត្រូវ​រថយន្ត​របស់​គេ​នៅ​ម៉ាលី​កាលពី​ថ្ងៃ​សៅរ៍

ទីតាំងផ្សាយពាណិជ្ជកម្ម

- Advertisment -

Most Popular