Home ព័ត៌មានអន្តរជាតិ មេដឹកនាំ​ក្រុ...

មេដឹកនាំ​ក្រុម​ដែល​ជាប់​ពាក់ព័ន្ធ​នឹង​ការវាយប្រហារ​នៅ​ទីក្រុង​ឥណ្ឌា ត្រូវបាន​ចាប់ខ្លួន​នៅ​ប៉ា​គី​ស្ថាន​

​ប្រែ​សម្រួលៈ​វាសនា​៖​អាជ្ញាធរ​ប៉ា​គី​ស្ថាន​កាលពី​ថ្ងៃ​សៅរ៍ បាន​ចាប់ខ្លួន​អ្នកធ្វើ​ផែនការ​វាយប្រហារ​ទីក្រុង​មុំ​បៃរបស់​ឥណ្ឌា​កាលពី១៣ឆ្នាំមុន។​

​ហ្សា​គី​-​អ៊ឺ​-​រេ​ម៉ាន ឡា​ក់វី មេដឹកនាំ​អង្គការ​សកម្មប្រយុទ្ធ​Lashkar-e-Taiba (LeT)​ត្រូវបាន​ចាប់ខ្លួន​នៅ​ទីក្រុង​ឡាហ័​រ កន្លែង​ដែល​ជន​នេះ​បើក​មន្ទីរ​ចែកចាយ​ឳ​សថ​មួយ ។​ហ្សា​គី​-​អ៊ឺ​-​រេ​ម៉ាន ឡាក់​វី​បាន​ប្រើ​​ទីតាំង​នេះ​ដើម្បី​ប្រមូលប្រាក់​សំរាប់​សកម្មភាព​សកម្ម​ប្រយុទ្ធ​។​

​អង្គការ​LeT រួម​ទាំង​ឡា​ក់វី ត្រូវបាន​ឥណ្ឌា​ចោទប្រកាន់ថា រៀបចំ​ផែនការ​វាយប្រហារ​ទីក្រុង​ហិរញ្ញវត្ថុ​ឥណ្ឌា​កាលពី​ឆ្នាំ​២០០៨​ដែល​បាន​សម្លាប់​មនុស្ស​អស់​១៦៦​នាក់​។​

​ឥណ្ឌា​បាន​សម្តែង​ការ​មិន​ពេញចិត្ត​នឹង​ប៉ា​គី​ស្ថាន​ជា​យូរ​មក​ហើយ​ចំពោះ​បរាជ័យ​ក្នុង​ការចាប់ខ្លួន​ ឬ​ដាក់ទោស​អ្នក​ដែល​ត្រូវបាន​ចោទប្រកាន់​ថា​បានរៀបចំ​ផែនការ​វាយប្រហារ​នៅ​មុំ​បៃ​។​

តាមពិត​ឡា​ក់វី ត្រូវបាន​ចាប់ខ្លួន​នៅ​ឆ្នាំ​២០១៥ម្តង​ចំពោះ​ការវាយប្រហារ​នេះ តែ​ត្រូវបាន​ដោះលែង​វិញ​នៅ​ប៉ុន្មាន​ខែក្រោយ​។​រដ្ឋាភិបាល​បាន​សុំ​ចាប់ខ្លួន​ជន​នេះ​ជា​ច្រើនលើក​តែ​ចៅក្រម​បាន​បដិសេធ​ម្តង​ហើយ​ម្តង​​ទៀត​៕

​មេ​ផែនការ​វាយប្រហារ​ទីក្រុង​មុំ​បៃ​កាលពី​ឆ្នាំ​២០០៨ ត្រូវបាន​ចាប់ខ្លួន ហើយ​នឹង​ត្រូវ​ឡើង​តុលាការ​ប្រឆាំង​ភេរវកម្ម​នៅ​ក្រុង​ឡាហ័​រ​

ទីតាំងផ្សាយពាណិជ្ជកម្ម

- Advertisment -

Most Popular