Home ព័ត៌មានសំខាន់ៗ សីតុណ្ហភាព​កើ...

សីតុណ្ហភាព​កើនឡើង​វិញ និង​អាចមាន​ភ្លៀង​ខុសរដូវ​នៅ​ថ្ងៃទី​៥​មករា​

ដោយ​: ប​.​ខុន / ភ្នំពេញ​: សីតុណ្ហភាព​អប្បបរមា​ជាទូទៅ​បាន​ងើប​ឡើងវិញ ក្នុង​រង្វង់​លើសពី ២០​អង្សា​សេ នៅសល់តែ​ខេត្តមណ្ឌលគិរី​មួយ​ទេ ដែល​ស្ថិតនៅក្នុង​រង្វង់​១៩ អង្សា​សេ និង​នៅពេល​បន្ទាប់​ពីនេះ អាច​នឹងមាន​ភ្លៀង​ខុសរដូវ​ធ្លាក់​តិចតួច​លើ​ផ្នែក​ខាងក្រោម នៃ​ប្រទេស​កម្ពុជា​ដូចជា​ខេត្ត​ត្បូងឃ្មុំ ព្រៃវែង​ស្វាយរៀង និង​រាជធានី​ភ្នំពេញ នៅ​ព្រលឹម​ស្រាងៗ​ថ្ងៃទី​៥ ខែមករា​ឆ្ន​២០២១ ដោយសារ​ឥទ្ធិពល​សម្ពាធ​ទាប​។​

​រូបភាព​អាកាសធាតុ​ពី​ផ្កាយរណប​

​លោក ចាន់ យុ​ត្ថា អ្នកនាំពាក្យ និង​ជា​រដ្ឋលេខាធិការ​ក្រសួង​ធនធានទឹក និង ឧតុនិយម ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​៣​ខែមករា​ឆ្នាំ​២០២១​ថា ជាទូទៅ​សី​តុ​ណ្ហ ភាព​អប្បបរមា​នៅក្នុង​ក្របខណ្ឌ​ទូទាំងប្រទេស ចាប់ផ្តើម​ងើបឡើង​វិញ​ដល់​ក្នុង រង្វង់​លើសពី​២០​អង្សា​សេ​ហើយ លើកលែងតែ​ខេត្តមណ្ឌលគិរី​មួយ​ទេ ដែល​ស្ថិតនៅក្នុងរ​ង្វ​ង​១៩​អង្សា​សេ បន្ទាប់ពី​បាន​ចុះ​ទាប​ដល់​រង្វង់​១៣​ទៅ​១៤​អង្សា​សេ​នៅ កន្លែង​ខ្លះ​កាលពី​ថ្ងៃ​ឆ្លង​ឆ្នាំ​សកល​។​

​អ្នកនាំពាក្យ​ក្រសួង​ជំនាញ​ខាងលើ​បញ្ជាក់ថា សីតុណ្ហភាព​អ​ប្បរមា​បន្ត​កើន​ឡើងជា​លំដាប់ តែ​វា​ឡើង​មិន​ខ្ពស់​ទេ ហើយ​វា​នឹង​ចុះ​ត្រជាក់​ជាថ្មី នៅក្នុង​សប្តាហ៍​ខាងមុខ បន្ទាប់ពី​មាន​ភ្លៀង​ខុសរដូវ​ធ្លាក់​តិចតួច ដោយសារ​ឥទ្ធិពល​សម្ពាធ​ទាប រុញ​មកពី​សមុទ្រ​ចិន​ខាងត្បូង​(​កើត​)​។​

​លោក ចាន់ យុ​ត្ថា និយាយ​ឱ្យដឹងទៀតថា សម្ពាធ​ទាប​ជា​ប្រព័ន្ធ​ដែល​បានធ្វើ មាន​ជំនន់​នៅ​តំបន់​ខ្លះ​ក្នុងប្រទេស​ហ្វីលីពីន និង​ប្រទេស​សឹង្ហ​បុរី កាលពី​ថ្ងៃទី​២​ខែ មករា​ឆ្នាំ​២០២១ ពេលនេះ​វា​បាន​ដើរចូល​ក្នុង​សមុទ្រ​ចិន​ខាងត្បូង តែដោយសារ សម្ពាធ​ខ្ពស់​រុញ​ចុះមក​ខ្លាំង​បានធ្វើឱ្យ​សម្ពាធ​ទាប​ដើរ​ចុះទៅ​ក្រោម​នៅពេល​រំ​កឹ​ល មក​ជិត​ឆ្នេរ​ប្រទេស​វៀតណាម​។ សម្ពាធ​ទាប​ដែល​រុញ​មកជា​ប្រព័ន្ធ​នេះ​នឹង​បង្ក​ឱ្យ មាន​ភ្លៀង​ខុសរដូវ​ធ្លាក់​តិចតួច​នៅ​ផ្នែក​ខាងក្រោម​(​ត្បូង​)​លើ​ប្រទេស​កម្ពុជា​ដូចជា ខេត្ត​ត្ពុ​ង​ឃ្មុំ ព្រៃវែង ស្វាយរៀង និង រាជ​ធា​ភ្នំពេញ ក៏​អាចមាន​ដល់​ដែរ​នៅ​ព្រលឹម ស្រាង​ថ្ងៃទី​៥​ខែ​កម​រា​ឆ្នាំ​២០២១៕

ទីតាំងផ្សាយពាណិជ្ជកម្ម

- Advertisment -

Most Popular