Home ព័ត៌មានអន្តរជាតិ លោកស្រី​ប៉េ​ឡ...

លោកស្រី​ប៉េ​ឡូ​ស៊ី​ជាប់ឆ្នោត​ជា​ប្រធានសភា​អាម៉េរិក​មួយ​អាណត្តិ​ទៀត​ទាំង​ប្រផុតប្រផើយ​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ លោកស្រី ណាន់​ស៊ី ប៉េ​ឡូ​ស៊ី ត្រូវបាន​បោះឆ្នោត​ជ្រើសតាំង​ឡើង​វិញ​ជា​ប្រធាន​សភា​កាលពី​ថ្ងៃអាទិត្យ​ទី​៣​មករា​ដោយ​ផ្តល់​ឱ្យ​លោកស្រី​នូវ​តំណែង​របស់​សភា​ដែល​កាន់​​កាប់​ដោយ​គណបក្ស​ប្រជាធិបតេយ្យ​ដែល​មាន​សំឡេង​ភាគច្រើន ខណៈ​លោកស្រី​និង​ប្រធានាធិបតី​ជាប់ឆ្នោត ចូ បៃ​ដិន បាន​កំណត់​ទិសដៅ​នៃ​ការបង្កើត​ច្បាប់​ដើម្បី​ដោះស្រាយ​ជំងឺ​រាតត្បាត ស្តារ​សេដ្ឋ​​កិច្ច​ឡើងវិញ និង​ដោះស្រាយ​បញ្ហា​អាទិភាព​ដទៃទៀត​។​

​សមាជិក​បក្ស​ប្រជាធិបតេយ្យ​មក​ពី​រដ្ឋកា​លី​ហ្វ័​រ​ញ៉ា​រូបនេះ​បាន​ប្រាប់​អង្គប្រជុំ​សភា​ខណៈ​លោកស្រី​ទទួលយក​អាណត្តិ​ថ្មី​ពីរ​ឆ្នាំ​នៅក្នុង​មុខតំណែង​របស់​គាត់​ដែល​ប្រហែល​ជា​អាណត្តិ​ចុងក្រោយ​របស់​គាត់​​យ៉ាង​ដូច្នេះ​ថា “​យើង​ទទួលយក​ការទទួលខុសត្រូវ​មួយ ដែល​គួរឱ្យខ្លាច​និង​ទាមទារ​ការប្រឹងប្រែង​បំផុត ដែល​ថ្នាក់ដឹកនាំ​ជំនាន់​មុន​មិន​ធ្លាប់​ប្រឈម​”​។

​ដោយ​លើកឡើង​ពី​ជនជាតិ​អាម៉េរិក​ចំនួន​៣៥០.០០០ នាក់ ដែល​បាន​ស្លាប់​ដោយសារ​ជំងឺ​កូវី​ដ​១៩ និង​មនុស្ស​រាប់លាន​នាក់​បាត់បង់​ការងារ​និង​ជីវភាព​រស់នៅ លោកស្រី​បាន​ទទួល​ការ​ទះដៃ​សាទរ​នៅពេល​​លោក​ស្រី​និយាយថា “​អាទិភាព​បន្ទាន់​បំផុត​របស់​យើង​នឹង​បន្ត​កម្ចាត់​វីរុស​កូរ៉ូណា​។ ហើយ​យើង​នឹង​កម្ចាត់​វា​ឱ្យបាន​”​។​

​ទោះជា​យ៉ាងណា មុន​ពេល​មេដឹកនាំ​សំឡេង​ភាគតិច លោក ខេ​វិន ម៉ាក​ខា​ធី ជា​សមាជិក​សភា​បក្ស​សាធារណរដ្ឋ​មក​ពី​រដ្ឋ​កាលីហ្វ័​រញ៉ា ប្រគល់​ញញួរ​ឈើ​ដល់​ប្រធាន​សភា គាត់​បាន​ផ្តល់​នូវ​ការ​រំលឹក​ដ៏​គួរ​​ឱ្យ​កត់សម្គាល់​មួយ​ចំពោះ​សភា​ដែល​បែកបាក់​និង​បែងចែក​ពណ៌​សម្បុរ​៕

​លោកស្រី​ប៉េ​ឡូ​ស៊ី ដែល​បាន​ដឹកនាំ​គណបក្ស​របស់​លោកស្រី​នៅក្នុង​សភា​តាំងពី​ឆ្នាំ ២០០៣ និង​ជា​ស្ត្រី​តែ​ម្នាក់​គត់​ដែល​ធ្វើជា​ប្រធាន​សភា បានទទួល​សំឡេង​គាំទ្រ ២១៦ ទល់នឹង ២០៩ សម្រាប់​បេក្ខជន​មកពី​គណបក្ស​សាធារណរដ្ឋ​លោក​ម៉ាក​ខា​ធី ដែល​នឹង​នៅតែ​បន្ត​ធ្វើ​ជា​មេដឹកនាំ​សំឡេង​ភាគតិច​នៅ​ក្នុង​សភា​

ទីតាំងផ្សាយពាណិជ្ជកម្ម

- Advertisment -

Most Popular