Home ព័ត៌មានសំខាន់ៗ កងកម្លាំងប្រដ...

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

ដោយៈ សុ​ផានី​តា / កោះកុងៈ ក្រោយពី​ទទួល​ព័ត៌មាន ពី​ខេត្ត​ត្រាត ប្រទេស​ថៃ ដែល​កំពុង​ចម្លងជំងឺ​កូ​វីដ​១៩ អាជ្ញាធរ មន្ត្រី​ជំនាញ និង​កម្លាំងប្រដាប់អាវុធ ខេត្តកោះកុង ត្រៀម​តាមដាន​ពិនិត្យ លំហូ​ពលករ​ខ្មែរ គ្រប់​ច្រកចេញចូល​របស់ខ្លួន ដោយ​អនុវត្ត​វិធានការ​ទប់ស្កាត់ និង​ទទួល​ពលករ យកមក​ធ្វើ​ច​ត្តា​ឡី​ស័ក តាម​គោលការណ៍​ណែនាំ របស់​រាជរដ្ឋាភិបាល និង​ក្រសួងសុខាភិបាល​។​

​លោក ទូ សាវុធ អភិបាលរង ខេត្តកោះកុង បានឱ្យដឹង​កាលពី​ថ្ងៃទី​៣ ខែមករា ឆ្នាំ​២០២១ ក្នុង​ដំណើរ​ចុះ​ពិនិត្យ ស្ថានភាព​តំបន់​ទីតាំង​ឈរជើង របស់​កម្លាំង​នគរបាល និង​យោធា​ការពារ​ព្រំដែន​ថាៈ តាម​បញ្ជា​សម្តេច​តេ​ជោ នាយករដ្ឋមន្ត្រី នៃ​ព្រះរាជាណាចក្រ​កម្ពុជា លោកស្រី មិថុនា ភូ​ថង អភិបាលខេត្ត​កោះកុង ដាក់ចេញ​ផែនការ​ពិនិត្យ ដ៏​ម៉ត់​ហ្មត់​មួយ ដល់​កងកម្លាំងប្រដាប់អាវុធ មិន​ថា តែ​ច្រក​ផ្លូវគោក ឬ​ផ្លូវទឹក​នោះទេ ក្នុង​បំណង​ដើម្បី ធ្វើ​យ៉ាងម៉េច ទប់ស្កាត់​ចំនួន​ពលករ​ខ្មែរ ដែល​ឆ្លងកាត់ មក​កម្ពុជា តាមរយៈ​ព្រំដែន ខេត្តកោះកុង ក្បែរ​នឹង​ខេត្ត​ត្រាត ប្រទេស​ថៃ​។ ជាពិសេស​ច្រក​ធម្មជាតិ ឬ​ច្រករបៀង​។​

​លោក ទូ សាវុធ អភិបាលរង​ខេត្តកោះកុង បាន​និយាយទៀតថាៈ បច្ចុប្បន្ន ខេត្ត​ត្រាត ប្រទេស​ថៃ ជាប់​ព្រំដែន​ខេត្តកោះកុង ប្រទេស​កម្ពុជា​យើង កំពុង​ផ្ទុះ​ជំងឺ​កូ​វីដ​១៩ ដែល​គេ​ចាត់ទុកថា ជា​ព្រឹត្តិការណ៍ ១ មករា ២០២១ ដោយមាន​ករណី​វិជ្ជា​មាន ចំនួន ៧ នាក់ ជា​ក្រុម​អ្នក​បាន​ទៅលេង​ល្បែង នៅ​ឃុំ​សែន​តុង ស្រុក​ខៅ​សា​មីង ខេត្ត​ត្រាត​។ ក្នុងចំណោម ៧ នាក់​នោះ គឺមាន ៣ នាក់ ជា​ជនជាតិខ្មែរ​។​

​បើតាម​អភិបាលរង​ខេត្ត បានឱ្យដឹង​ទៀតថាៈ បើ​អាជ្ញាធរ និង​កងកម្លាំង ពុំ​អាច​កាត់ផ្តាច់​ខ្សែចម្លង​ជំងឺ​កូ​វីដ​១៩ ជាយថាហេតុ អាច​ឲ្យ​មាន​ការបិទ​សាលារៀន ឈានទៅ​បិទ​សហគមន៍ ដែល​នាំ​ប៉ះពាល់ ចំណូល​សេដ្ឋកិច្ច និង​ជីវភាព​របស់​បងប្អូន ប្រជាពលរដ្ឋ នៅក្នុង​ខេត្ត​។​

​គិត​ចាប់ពី​ថ្ងៃទី​២០ ខែធ្នូ ឆ្នាំ​២០២០ មកដល់​ម៉ោង​នេះ អាជ្ញាធរ​ខេត្តកោះកុង ទទួលបាន​ពលករ​ខ្មែរ មកពី​ប្រទេស​ថៃ ចំនួន ៥២ នាក់​ហើយ ក្នុងនោះ បានធ្វើ​តេស្ត​ស្វែងរក​វីរុស ជំងឺ​កូ​វីដ បាន ១៨ នាក់ ក្រៅពីនេះ កំពុង​បន្ត​យក​សំណាក​ទៅពិនិត្យ​។​

​លោក​ឧ​ត្ត​ម​សេនីយ៍​ទោ សុខ សុវត្ថិ​ទុម មេបញ្ជាការ​ប្រតិបត្តិកា​រ​សឹក​រង ខេត្តកោះកុង បាន​អះអាងថាៈ ស្ថានភាព​បច្ចុប្បន្ន តាម​គោលដៅ​នីមួយៗ របស់​កងកម្លាំង​យោធា ឈរជើង​នៅតាម​បណ្តោយ ខ្សែបន្ទាត់​ព្រំដែន គឺ​ប្រព្រឹត្តទៅ​ធម្មតា ពុំមាន​ហេតុការណ៍​ណាមួយ កើតឡើង គួរឱ្យកត់សម្គាល់​ឡើយ​។

​ទោះ​បែបនេះ ក៏ពិតមែន ក៏​លោក​បានដាក់​បទបញ្ជា កងកម្លាំង​របស់លោក ត្រូវ​ប្រុងប្រយ័ត្ន តាមដាន ពិនិត្យមើល​លំហូរ​ពលករ​ខ្មែរ ដែល​លួច​ឆ្លងដែន ខុសច្បាប់ ចូលមក​ក​កម្ពុជា ដោយ​ចា​ប់ប​ញ្ចូ​ន មក​មណ្ឌល​ធ្វើ​ច​ត្តា​ឡី​ស័ក ដែល​ត្រៀម​ទុកជា​ស្រេច​។​

​ថ្មីៗ​នេះ សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជណាចក្រ​កម្ពុជា ក៏បាន​បញ្ជា​ឲ្យ​អាជ្ញាធរខេត្ត ជាប់​ព្រំដែន​ថៃ ត្រូវ​គ្រប់គ្រង​លំហូរ ពលករ​ខ្មែរ ដែល​វិលត្រឡប់​ពី​ថៃ ត្រូវ​ឆែក​សុខភាព ឲ្យ​បាន​ហ្មត់ចត់​បំផុត ធ្វើតេស្ត​សំណាក និង​ត្រូវធ្វើ​ច​ត្តា​ឡី​ស័ក ឲ្យ​គ្រប់ ១៤ ថ្ងៃ ជា​ចាំបាច់ ដើម្បី​ការពារ​ការឆ្លង រាលដាល​ក្នុងប្រទេស​៕/V​/សរន

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

កងកម្លាំងប្រដាប់អាវុធ តាម​ព្រំដែន ខេត្តកោះកុង បង្កើន​ការប្រុងប្រយ័ត្ន លំហូរ​ពលករ​ខ្មែរ ចេញពី​ថៃ​

ទីតាំងផ្សាយពាណិជ្ជកម្ម

- Advertisment -

Most Popular