Home ព័ត៌មានជាតិ សន្តិសុខ ប្រជាពលរដ្ឋ​ប...

ប្រជាពលរដ្ឋ​ប្រទះឃើញ​សព​បុរស​ម្នាក់​ក្នុង​សភាព​ស្អុយរលួយ​

ដោយ​: អង្គា​រ៍​ហេង / ភ្នំពេញ​: ប្រជាពលរដ្ឋ​ប្រទះឃើញ​សព​បុរស​ម្នាក់ ដេកស្លាប់​ក្នុង​សភាព​ស្អុយរលួយ ដោយ​ពុំទាន់​ដឹងថា ជា​ករណី​អ្វី​ឲ្យ​ពិតប្រាកដ​។ ហេតុការណ៍​នេះ បង្ក​ឲ្យ​មានការ​ភ្ញាក់ផ្អើល​ឡើង​កាលពី​ម៉ោង ៧ និង​៣០​នាទី យប់​ថ្ងៃទី​៣ ខែមករា ឆ្នាំ​២០២១ ស្ថិតនៅតាម​បណ្តោយ​ផ្លូវ​បេតុង ក្នុងភូមិ​១០០​ខ្នង សង្កាត់​ទឹកថ្លា ខណ្ឌ​សែន​សុខ​។

​ប្រភពព័ត៌មាន​ពី​ប្រជាពលរដ្ឋ​នៅ​កន្លែងកើតហេតុ សុំ​មិន​បញ្ចេញ​ឈ្មោះ បាន​ឲ្យ​ដឹងថា មុនពេល​បង្ក​ឲ្យ​មានការ​ភ្ញាក់ផ្អើល​នេះ​ឡើង បងប្អូន​ប្រជាពលរដ្ឋ​បាននាំគ្នា​ទៅលេង​បោះ​ប៊ូល នៅក្នុង​ដីឡូត៍​ជាប់​កន្លែងកើតហេតុ ជា​រៀងរាល់ថ្ងៃ តែ​អត់​មាន​នាក់​ចាប់អារម្មណ៍​ថា មាន​មនុស្ស​ស្លាប់​នៅ​ទីនោះ​ទេ ស្រាប់តែ​នៅ​ថ្ងៃកើតហេតុ មាន​ក្មេងៗ បាននាំគ្នា​យក​ក្លែង​ទៅ​បង្ហោះ​លេង​នៅ​ជិត​កន្លែង​សព ស្រាប់តែ​បណ្តាល​ឲ្យ​ក្លែង​ដាច់​ខ្សែ​ធ្លាក់ចំ​ពីលើ​សព ហើយ​ក្មេងៗ បាន​ទៅ​រើស ស្រាប់តែ​ឃើញ​សព​បុរស​ម្នាក់​ដេកស្លាប់ មាន​សភាព​ស្អុយរលួយ​បាត់ទៅហើយ រួច​បាននាំគ្នា​រត់​ទៅប្រាប់​អ្នកភូមិ​ឲ្យ​រាយការណ៍​ប្រាប់​សមត្ថកិច្ច ចុះមក​ជួយ​ពិ​និត្យនៅ​កន្លែងកើតហេតុ​ភ្លាមៗ​។

​បន្ទាប់ពី​កើតហេតុ សមត្ថកិច្ច​បាន​ចុះមក​ទីតាំង​កន្លែងកើតហេតុ​ភ្លាមៗ រួច​បាន​យក​ខ្សែ​ហ៊ុមព័ទ្ធ​នៅ​ជុំវិញ​សព ហើយ​បាន​រាយការណ៍​ទៅ​សមត្ថកិច្ច​ជំនាញ​កោសល្យវិច័យ ឲ្យ​ចុះមក​ពិនិត្យ ហើយ​ខាង​ជំនាញ​នៅ​មិនទាន់​អាច​បញ្ជាក់ថា សព​ស្លាប់​ដោយសារ​អ្វី​ឲ្យ​ពិតប្រាកដ​នៅឡើយ​៕​

ទីតាំងផ្សាយពាណិជ្ជកម្ម

- Advertisment -

Most Popular