Home ព័ត៌មានជាតិ សន្តិសុខ ​ឃាត់ខ្លួន​បា...

​ឃាត់ខ្លួន​បាន​ជនសង្ស័យ ចំនួន បីនាក់ ពាក់ព័ន្ធ​ករណី​គ្រឿងញៀន​

​ដោយៈ រ៉ា​ម៉ន / ភ្នំពេញៈ កាលពី​ថ្ងៃទី​៣ ខែមករា ឆ្នាំ​២០២១ កម្លាំង​ល្បាត​របស់ កងរាជអាវុធហត្ថ ខណ្ឌ​ជ្រោយចង្វារ បាន​ឃាត់ខ្លួន​ជនសង្ស័យ ចំនួន​បីនាក់ ពាក់ព័ន្ធ​ករណី​គ្រឿងញៀន នៅត្រង់​ចន្លោះ​ស្ពាន ទី​១១-១២ បណ្តោយ​ផ្លូវជាតិ​លេខ​៦ ភូមិ​ចំបក់​មាស សង្កាត់​បាក់​ខែង ខណ្ឌ​ជ្រោយចង្វារ ។​

​មន្ត្រី​កងរាជអាវុធហត្ថ​ខណ្ឌ បានឱ្យដឹងថាៈ ក្នុងការ​បង្ក្រាប​នេះ សមត្ថកិច្ច បាន​ឃាត់ខ្លួន​ជនសង្ស័យ និង​វត្ថុតាង រួមមានៈ ១.​ឈ្មោះ រិ​ន ចំណាប់ អាយុ​១៩​ឆ្នាំ មុខរបរ បុគ្គលិក​ក្រុមហ៊ុន​ស្មា​ត , ២.​ឈ្មោះ ធឿន វិ​ទ្ធី អាយុ​២៥​ឆ្នាំ មុខរបរ ជាងភ្លើង និង ៣.​ឈ្មោះ សេង ម៉ាប់ អាយុ​២៤​ឆ្នាំ មុខរបរ កម្មករ​កាប់​អំពៅ ។ យុវជន​ទាំងបី​នាក់​នេះ មាន​លំនៅ នៅ​ភូមិ​រកា​ទ្វារ ឃុំ​ព្រែក​ពោធិ៍ ស្រុក​ស្រី​សន្ធរ ខេត្តកំពង់ចាម ជាមួយគ្នា ។ សមត្ថកិច្ច បាន​ដកហូត​វត្ថុតាង ក្រាម ស ថ្លា ចំនួន ២​កញ្ចប់​តូច​, IPad ១​គ្រឿង​, ទូរស័ព្ទ ២​គ្រឿង​, អត្តសញ្ញាណប័ណ្ណ ១​សន្លឹក​, កាត​គ្រី​ម៉ូតូ ១​សន្លឹក , ប័ណ្ណសមាជិក ប​.​ស​.​ស ១​សន្លឹក , ប្រាក់ ៥០០ រៀល និង​ម៉ូតូ​១​គ្រឿង ពណ៌​លឿង ស្លាក​លេខ ខេត្តកំពង់ចាម 1Y.0692​។​

​បច្ចុប្បន្ន ជនសង្ស័យ និង​វត្ថុតាង បាន​ត្រូវបញ្ជូន ទៅ​ការិយាល័យ​គ្រឿងញៀន នៃ​កង​រា​អាវុធហត្ថ រាជធានី​ភ្នំពេញ ដើម្បី​ចាត់ការ តាម​នីតិវិធី​បន្ត​៕/V​.mara

ទីតាំងផ្សាយពាណិជ្ជកម្ម

- Advertisment -

Most Popular