Home ព័ត៌មានសំខាន់ៗ ទឹកទន្លេ​មេគង...

ទឹកទន្លេ​មេគង្គ​ជន់​ឡើង​ខុសរដូវ​

​ដោយ​: ប​.​ខុន / ភ្នំពេញ​: ទឹកទន្លេ​មេគង្គ​ដែលមាន​ចលនា​ឡើង​ចុះ​នៅពេលនេះ កើតឡើង​ពី​ការបញ្ចេញ​ទឹក​ពី​តាម​បណ្តា​វា​រី​អគ្គិសនី ដែលមាន​នៅតាម​ដង​ទន្លេ​នេះ ឯ​ទឹក​បឹង​ទន្លេសាប​នៅតែ​បន្ត​ស្រក​ចុះ និង​នៅមាន​កម្ពស់​ខ្ពស់ជាង​កាលពី​ឆ្នាំ​២០២០ តែ​ទាប​ជាង​កម្ពស់​ទឹក​មធ្យម​ច្រើន​ឆ្នាំ បើ​ធៀប​រយៈពេល​ដូចគ្នា​។​

​លោក ចាន់ យុ​ត្ថា អ្នកនាំពាក្យ និង​ជា​រដ្ឋលេខាធិការ​ក្រសួង​ធនធានទឹក និង​ឧតុនិយម បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​៤​ខែមករា​ឆ្នាំ​២០២១​ថា នៅតាម​ដង​ទន្លេមេគង្គ​លើ​ទាំង​នៅក្នុង​ប្រទេស​កម្ពុជា និង​ក្នុងប្រទេស​ឡាវ ប៉ុន្មាន​ថ្ងៃ​មកនេះ មិនមាន​ភ្លៀង​ធ្លាក់​ទេ តែ​ទឹកទន្លេ​នេះ​បែរ​ជាមាន​ចលនា​ជន់​ឡើង​។​

​អ្នកនាំពាក្យ​ក្រសួង​ជំនាញ​ខាងលើ និយាយ​ឱ្យដឹងទៀតថា ទឹកទន្លេ​បាន​ជន់​ឡើង​ខុស​ប្រក្រតី​នេះ អាចជា​ទឹក​បញ្ចេញ​ពី​តាម​វា​រី​អគ្គិសនី​នៅក្នុង​ប្រទេស​កម្ពុជា និង​នៅក្នុង​ប្រទេស​ឡាវ នា​ពេលយប់​ដើម្បី​ផលិត​ថាមពល តែ​ជន់​ឡើង​មិន​ខ្ពស់​ទេ​។ ចំណែកឯ​ទឹក​បឹង​ទន្លេសាប​វិញ នៅ​ខ្ពស់ជាង​ឆ្នាំមុន និង​ខ្ពស់ជាង​កម្ពស់​ទឹក​មធ្យម​ច្រើន​ឆ្នាំ បើ​ធៀប​រយៈពេល​ដូចគ្នា​។​

​ស្ថានភាព​ទឹកទន្លេ​នៅតាម​ស្ថានីយ​ជល​សាស្ត្រ​ទន្លេមេគង្គ​-​ស្ទឹង ត្រែង ថ្ងៃទី​៤​ខែមករា​ឆ្នាំ​២០២១ មាន​កម្ពស់​៣.០៨​ម៉ែត្រ ខ្ពស់ជាង​ថ្ងៃទី​៣​ខែមករា​០.០៤​ម៉ែត្រ ខ្ពស់ជាង​ឆ្នាំ​២០២០ ប្រមាណ​០.៤០​ម៉ែត្រ និង​ខ្ពស់ជាង​កម្ពស់​ទឹក​មធ្យម​ច្រើន​ឆ្នាំ ០.២២​ម៉ែត្រ​។​
​ទន្លេមេគង្គ​-​ក្រចេះ​ថ្ងៃទី​៤​ខែមករា​ឆ្នាំ​២០២១​មាន​កម្ពស់​៨.០៦​ម៉ែត្រ ខ្ពស់ជាង​ថ្ងៃទី​៣​ខែមករា​០.០៨​ម៉ែត្រ ខ្ពស់ជាង​ឆ្នាំ​២០២០ ប្រមាណ​០.៦៩​ម៉ែត្រ​និង​ខ្ពស់ ជាង​កម្ពស់​ទឹក​មធ្យម​ច្រើន​ឆ្នាំ ០.១៦​ម៉ែត្រ​។​
​ទន្លេមេគង្គ​-​កំពង់ចាម​ថ្ងៃទី​៤​ខែមករា​ឆ្នាំ​២០២១​មាន​កម្ពស់​៣.៦៩​ម៉ែត្រ​ទាប ជាង​ថ្ងៃទី​៣​ខែមករា​០.០១​ម៉ែត្រ ខ្ពស់ជាង​ឆ្នាំ​២០២០​ប្រមាណ​០.៩០​ម៉ែត្រ​និង​ទាប ជាង​កម្ពស់​ទឹក​មធ្យម​ច្រើន​ឆ្នាំ ០.៨០​ម៉ែត្រ​។​
​ទន្លេបាសាក់ ចតុមុខ ថ្ងៃទី​៤​ខែមករា​ឆ្នាំ​២០២១​មាន​កម្ពស់​២.៩៧​ម៉ែត្រ​ខ្ពស់ ជាង​ថ្ងៃទី​៣​ខែមករា​០.០២​ម៉ែត្រ​ខ្ពស់ជាង​ឆ្នាំ​២០២០​ប្រមាណ​០.៧០​ម៉ែត្រ​និង ទា ប ជាង​កម្ពស់​ទឹក​មធ្យម​ច្រើន​ឆ្នាំ ០.៩៣​ម៉ែត្រ​។​
​ទន្លេមេគង្គ​-​អ្នក​លឿង​ថ្ងៃទី​៤​ខែមករា​ឆ្នាំ​២០២១​មាន​កម្ពស់​២.២៦​ម៉ែត្រ​ខ្ពស់ ជាង​ថ្ងៃទី​៣​ខែមករា​០.០១​ម៉ែត្រ ខ្ពស់ជាង​ឆ្នាំ​២០២០​ប្រមាណ​០.៤២​ម៉ែត្រ​និង ទាប ជាង​កម្ពស់​ទឹក​មធ្យម​ច្រើន​ឆ្នាំ ០.៤៨​ម៉ែត្រ​។​
​ទន្លេ​បា​សា​សក់​-​កោះ​ខែល​ថ្ងៃទី​៤​ខែមករា​ឆ្នាំ​២០២១​មាន​កម្ពស់ ២.៩៨ ម៉ែ ត្រ ខ្ពស់ជាង​ថ្ងៃទី​៣​ខែមករា​០.០២​ម៉ែត្រ ខ្ពស់ជាង​ឆ្នាំ​២០២០​ប្រមាណ​០.៨៥​ម៉ែត្រ និ ង ទាប​ជាង​កម្ពស់​ទឹក​មធ្យម​ច្រើន​ឆ្នាំ ០.៣៨​ម៉ែត្រ​។​
​ទន្លេសាប​-​ព្រែក​ក្តាម​ថ្ងៃទី​៤​ខែមករា​ឆ្នាំ​២០២១​មាន​កម្ពស់​២.៤២​ម៉ែត្រ ទាប ជាង​ថ្ងៃទី​៣​ខែមករា​០.០១​ម៉ែត្រ ខ្ពស់ជាង​ឆ្នាំ​២០២០​ប្រមាណ​១.១៤​ម៉ែត្រ​និង ទាប ជាង​កម្ពស់​ទឹក​មធ្យម​ច្រើន​ឆ្នាំ ១.១១​ម៉ែត្រ​។​
​ទន្លេសាប​-​កំពង់​លួង ថ្ងៃទី​៤​ខែមករា​ឆ្នាំ​២០២១​មាន​កម្ពស់​៣.១៩​ម៉ែត្រ ទាប​ជាង​ថ្ងៃទី​៣​ខែមករា​០.០៥​ម៉ែត្រ ខ្ពស់ជាង​ឆ្នាំ​២០២០ ប្រមាណ​១.៣៣​ម៉ែត្រ​និង​ទាប​ជាង​កម្ពស់​ទឹក​មធ្យម​ច្រើន​ឆ្នាំ ១.៣០​ម៉ែត្រ​៕​

ទីតាំងផ្សាយពាណិជ្ជកម្ម

- Advertisment -

Most Popular