Home ព័ត៌មានជាតិ វប្បធម៌ អាជ្ញាធរ​ជាតិ...

អាជ្ញាធរ​ជាតិ​អប្សរា​កាត់​ក្រី​មែកឈើ​ដុះ​លើ​ស្ពានថ្ម​បុរាណ​ជាប់​ស្ពាន​ប្រាសាទតាកែវ​

​ដោយ: ​បាយ័ន​/​សៀមរាប: ​ដោយ​ពិនិត្យឃើញ​មាន​ហានិភ័យ​ខ្ពស់​របស់​ដើមឈើ ដែល​ដុះ​លើ​រចនាសម្ព័ន្ធ​ស្ពានថ្ម​បុរាណ​នៅ​ចន្លោះ​ប្រាសាទតាកែវ និង​ប្រាសាទធម្មនន្ទ លើ​ស្ទឹង​សៀមរាប ក្រុម​ជំនាញ​នៃ​នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ និង​បុរាណវិទ្យា​បង្ការ និង​នាយកដ្ឋាន​គ្រប់គ្រង​ព្រៃឈើ ទេសភាព​វប្បធម៌ និង​បរិស្ថាន​នៃ​អាជ្ញាធរ​ជាតិ​អប្សរា ដោយ​សហការ​ជាមួយ​ផ្នែក​ពាក់ព័ន្ធ បាន​ចុះ​ពិនិត្យ និង​អនុវត្តន៍​វិធានការ​បន្ទាន់​ចំពោះ​ដើមឈើ​ទាំងនោះ​។ អាជ្ញាធរ​ជាតិ​អប្សរា​បញ្ជាក់​យ៉ាង​ដូច្នេះ​នៅ​ថ្ងៃទី​០៤ ខែមករា ឆ្នាំ​២០២១​នេះ​។​

​ការងារ​នេះ ធ្វើឡើង​ដើម្បី​បង្ការ និង​បញ្ជៀ​ស​គ្រោះថ្នាក់​ទុកជាមុន កុំ​ឲ្យ​ប៉ះពាល់​ដល់​រចនាសម្ព័ន្ធ​របស់​ស្ពានថ្ម​បុរាណ និង​ដើម្បី​បង្កលក្ខណៈ​ងាយស្រួល​ដល់​ក្រុម​កា​ងារ​អភិរក្ស នៃ​នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ និង​បុរាណវិទ្យា​បង្ការ​សិក្សា​ប្លង់​ស្ពាន និង​រៀបចំ​ជួសជុល​ស្ពាន​នេះ​ឡើងវិញ​។

​ដើមឈើ​ដែល​ប៉ះពាល់​រចនាសម្ព័ន្ធ​រប​ស់​ស្ពានថ្ម​បុរាណ​ទាំងនោះ និង​បាន​កាត់​ក្រី​មែក​ចំនួន​២០​មែក​ចេញ​បាន​រួចរាល់​មាន ដើម​ស្រឡៅ ដើម​ស្វាយព្រៃ ដើម​ចាន់ ដើម​បេង និង​ដើមឈើ​តូចៗ​៤​ដើម​ទៀត​៕​

ទីតាំងផ្សាយពាណិជ្ជកម្ម

- Advertisment -



Most Popular