ចំណរ , ទម្រង់ស័ក្តិ , ចុះប្រេង , ឌិកតេ , សាទិន​

​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​ចំណរ​
នាមសព្ទ​
(​ព​. ថ​.)​ការ​ចរ​, ការ​ត្រាច់ចរ (​បារ​. Trajet, parcours) ។​

​ទម្រង់ស័ក្តិ​
​នាមសព្ទ​
​របៀប​ឬ​ច្បាប់​ស្តីអំពី​ថ្នាក់​ស័ក្តិយស​នៃ​មន្ត្រី​ធំ​តូច​
​ធ្វើ​សំបុត្រ​ឆ្លើយ​ឆ្លងតាម​ទម្រង់​ស័ក្តិធំ​តូច​។​

​ចុះប្រេង​
គុណសព្ទ​
​និយាយ​អំពី​ដំរីស្ដរ​ ឬ​ភ្លុក ដែល​ឡើងខ្លួន​ពេញ​ទំហំ ស្រវឹង​ដោយ​កាមារម្មណ៍ ចេញ​ប្រេង​ត្រង់​ខួច​នៅ​កៀន​ត្រចៀក បណ្ដាល​ឲ្យ​កាច​ងងុល ឥត​កោតខ្លាច​ទម័ក​
​ដំរីចុះប្រេង​ហ្ម​គេ​ចងក្រៀក​បង្អត់​ចំណី បង្អត់ទឹក​ឲ្យ​ត្រាតែ​រំងាប់​ស្រវឹង . . . ។​
​ព​. ប្រ​. និយាយ​ពី​មនុស្ស​ដែល​កំពុង​ងប់​ចិត្ត​ទៅក្នុង​ឥត្ថីធុត្តភាព ភ្លេច​មុខការ​នាទី​រប​ស់​ខ្លួន ភ្លេច​ផ្ទះ​លំនៅ​
​វា​កំពុង​ចុះប្រេង​ងងុល​ស្ដី​មិន​ស្ដាប់​ទេ ។​

​ឌិកតេ​
​នាមសព្ទ​
(​បារ​. Dictée ) ការសរសេរ​តាម​ពាក្យ​ដែល​គេ​សូត្រ​, គេ​អាន គឺមាន​អ្នកអាន​សេចក្ដី​អ្វីមួយ​ថា​បង្អង់ៗ​តាម​ឃ្លា តាម​សង្កាត់​ឲ្យ​អ្នក​ស្ដាប់​សរសេរ​តាម : ធ្វើ​ឌិកតេ​, ហៅ​ឌិកតេ​, សូត្រ​ឌិកតេ ។ ខ្មែរ​យើង​ប្រើពាក្យ​នេះ​ជា កិ​. ក៏មាន : កំពុង​ឌិកតេ ។ ពាក្យ​នេះ​ហៅ​ជា​ខ្មែរ​ថា សរសេរ​តាម​សូត្រ ឬ សរសេរ​តាម​អាន ។​

​សាទិន​
​នាមសព្ទ​
( សំ​. សាទិន៑ ) អ្នក​ជិះសេះ​; ទាហាន​សេះ​; សារថី​; ទម័ក​សត្វពាហនៈ ( ព​. កា​. )
​ទាហាន​សាទិន មានចិត្ត​មិន​ជិន ក្លាហាន​សង្វាត បំផាយ​សេះ​ចូល ពុះពារ​គគាត ដេញ​ខ្មាំង​ឲ្យ​ឃ្លាត រវាតដៃ​ថយ ។​

ទីតាំងផ្សាយពាណិជ្ជកម្ម

- Advertisment -

Most Popular