Home ព័ត៌មានជាតិ សន្តិសុខ បង្ក្រាប​ទីតា...

បង្ក្រាប​ទីតាំង​ឆ្នោត​វៀតណាម​ដុះ​ស្លែ​និង​ភ្នាល់​បាល់ ២​ទីតាំង​ក្នុង​សង្កាត់​ផ្សារ​ដើម​គរ​

​ដោយៈ​រ៉ា​ម៉ន​/​ភ្នំពេញៈទទួលបាន​សេចក្ដីរាយការណ៍​ពី​ប្រជាពលរដ្ឋ នៅ​រសៀល​ថ្ងៃទី​៤ មករា ២០២១​នេះ លោក​ឯក ឃុន​ដឿ​ន អភិបាលខណ្ឌ​ទួលគោក និង​ប្រធាន​គ​ណះ​បញ្ជា​ការឯកភាព​ខណ្ឌទួលគោក​បាន​បញ្ជា​ទៅ​លោក​ចៅសង្កាត់​ឱ្យ​ដឹកនាំ​កម្លាំង​សង្កាត់​ចុះ​ពិនិត្យ និង​បង្ក្រាប​កន្លែង​ចំនួន​២​ទីតាំង គឺ​ទី​១ ជាទី​តាំង​ឆ្នោត​វៀតណាម​ដុះ​ស្លែ​មួយកន្លែង នៅតាម​បណ្ដោយ​ផ្លូវ​លេខ​២២៣ ស្ថិតនៅ​ផ្ទះ​មិន​ដាក់​ស្លាក​យីហោ ក្នុង​សង្កាត់​ផ្សារ​ដើម​គរ និង​ទី​២​ទីតាំង​ភ្នាល់​បាល់​ដ៏​ធំ​មួយ​នៅតាម​បណ្ដោយ​ផ្លូវ​លេខ​២២០Z កែង​ផ្លូវ​លេខ​២២៣ ស្ថិតនៅ​ផ្ទះ​លេខ​២៨ ក្នុង​សង្កាត់​ផ្សារ​ដើម​គរ ក្នុង​ខណ្ឌ​ទួល​គោ​ជាបន្ទាន់​។​

​ប្រជាពលរដ្ឋ​នៅ​ជិត​ទីតាំង​ខាងលើ បាន​សូម​សំណូមពរ​ដល់​លោក​អភិបាលខណ្ឌ​ទួលគោក​សូម​មាន​វិធានការ​ចុះបង្ក្រាប​ទៅលើ​ទីតាំង​ល្បែងស៊ីសង​ខាងលើនេះ​ដោយសារតែ​កូនចៅ​របស់​ពួកគាត់​ចូល​លេង​យ៉ាង​គគ្រឹកគគ្រេង​ចាញ់​លុយ​អស់​ជាច្រើន​ក្នុង​មួយថ្ងៃៗ​រួមទាំង​មហាជន​មកពី​គ្រប់ទិសទី​នាំគ្នា​មកចាក់​បាល់​ខាងលើនេះ​។​

​ជាមួយគ្នា​នោះ​លោក​អភិបាលខណ្ឌ​ទួលគោក​បាន​ជម្រាប​ប្រជាពលរដ្ឋ​ថា ឱ្យ​ជឿជាក់​លើ​អាជ្ញាធរ​ចុះ​ពិតជា​ផ្ដល់​យុ​ត្តិ​ធ​ម៍​បងប្អូន​ដោយ​ចាត់ការ​ទីតាំង​ខាងលើ​ឱ្យអស់​ហើយ​សូម​ប្រជាពលរដ្ឋ​បន្ត​ធ្វើជា​ភ្នែក​ជា​ច្រមុះ​អាជ្ញាធរ​បន្តទៀត​ដើម្បី​មូលដ្ឋាន​យើង​ល្អ​គ្មាន​ល្បែងស៊ីសង​៕​

ទីតាំងផ្សាយពាណិជ្ជកម្ម

- Advertisment -

Most Popular