ប្រគល់ជូន​ផ្ទះ​ថ្មី​មួយ​ខ្នង ដែលជា​អំណោយ របស់​សម្តេច​តេ​ជោ និង​សម្តេច​កិត្តិ​ព្រឹទ្ធិ​បណ្ឌិត ដល់​គ្រួសារ​នាយទាហាន ដែល​ពុំ​មានផ្ទះ​ស្នាក់នៅ

ដោយៈ ទេ​ពក​ង្រី / កំពង់ឆ្នាំង​៖ ផ្ទះ​ថ្មី​មួយ​ខ្នង ដែលជា​អំណោយ​ដ៏​ថ្លៃថ្លា របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធិ​បណ្ឌិត ប៊ុន រ៉ានី ហ៊ុន សែន ត្រូវបាន​ប្រគល់ជូន ដល់​គ្រួសារ នាយទាហាន ដែល​ពុំ​មានផ្ទះ​ស្នាក់នៅ នា​រសៀល ថ្ងៃទី​៤ ខែមករា ឆ្នាំ​២០២១ នៅ​ក្រុង​កំពង់ឆ្នាំង​។​

​មេបញ្ជាការ​តំបន់​ប្រតិ​ប​ត្ត​ការ​សឹក​រង ខេត្តកំពង់ឆ្នាំង លោក​ឧ​ត្ត​ម​សេនីយ៍​ទោ ធន ធឿន ប្រធាន​សមាគម​អតីតយុទ្ធជន​កម្ពុជា​ខេត្ត បាន​អញ្ជើញ​ជា​អធិបតី ក្នុង​ពិធី​ប្រគល់​ផ្ទះ​ថ្មី មួយ​ខ្នង​នេះ ដែលជា​អំណោយ​ដ៏​ថ្លៃថ្លា របស់​សម្តេច​អគ្គមហាសេនាបតី​តេ​ជោ ហ៊ុន សែន ប្រធាន​សមាគម​អតីតយុទ្ធជន​កម្ពុជា និង​សម្តេច​កិត្តិ​ព្រឹទ្ធិ​បណ្ឌិត ប៊ុន រ៉ានី ហ៊ុន សែន ។ ផ្ទះ​ថ្មី មួយ​ខ្នង​នេះ មាន​ទំហំ ៥​ម​x៧​ម សង់​ផ្ទាល់​ដី ប្រក់​និង​បាំងជញ្ជាំង​ស័ង្កសី ជូន​ដល់​លោក​អនុសេនីយ៍ទោ ធឹ​ម ណា​ល់ ជំនួយការ​ការិយាល័យ​ទី​៥ និង ក្រុមគ្រួសារ រស់នៅ ភូមិ​ដំណាក់​ពពូល សង្កាត់​កំពង់ឆ្នាំង ក្រុង​កំពង់ឆ្នាំង ដែល​កន្លងមក ផ្ទះ​របស់លោក ត្រូវបាន​អគ្គិភ័យ ឆាបឆេះ គ្មាន​សល់ ដោយសារ​ឆ្លង​ចរន្តអគ្គិសនី កាលពីពេល​ថ្មីៗ​នេះ​។​

​នៅក្នុង​ពេលនេះ លោក​ឧ​ត្ត​ម​សេនីយ៍​ទោ ធន ធឿន ក៏បាន​នាំយក​នូវ​ថវិកា ចំនួន ៣០០.០០០ រៀល អង្ករ ២​បេ ត្រីខ ២​យួរ ទឹកត្រី ១​យួរ ទឹក​ស៊ីវ ១​យួរ ដើម​ស្វាយ ២​ដើម និង​ដើម​ដូង ១​ដើម ជូន​ដល់​លោក ធឹ​ម ណា​ល់ និង ក្រុមគ្រួសារ​ផងដែរ​៕/V

ប្រគល់ជូន​ផ្ទះ​ថ្មី​មួយ​ខ្នង ដែលជា​អំណោយ របស់​សម្តេច​តេ​ជោ និង​សម្តេច​កិត្តិ​ព្រឹទ្ធិ​បណ្ឌិត ដល់​គ្រួសារ​នាយទាហាន ដែល​ពុំ​មានផ្ទះ​ស្នាក់នៅ

ប្រគល់ជូន​ផ្ទះ​ថ្មី​មួយ​ខ្នង ដែលជា​អំណោយ របស់​សម្តេច​តេ​ជោ និង​សម្តេច​កិត្តិ​ព្រឹទ្ធិ​បណ្ឌិត ដល់​គ្រួសារ​នាយទាហាន ដែល​ពុំ​មានផ្ទះ​ស្នាក់នៅ

ប្រគល់ជូន​ផ្ទះ​ថ្មី​មួយ​ខ្នង ដែលជា​អំណោយ របស់​សម្តេច​តេ​ជោ និង​សម្តេច​កិត្តិ​ព្រឹទ្ធិ​បណ្ឌិត ដល់​គ្រួសារ​នាយទាហាន ដែល​ពុំ​មានផ្ទះ​ស្នាក់នៅ

ប្រគល់ជូន​ផ្ទះ​ថ្មី​មួយ​ខ្នង ដែលជា​អំណោយ របស់​សម្តេច​តេ​ជោ និង​សម្តេច​កិត្តិ​ព្រឹទ្ធិ​បណ្ឌិត ដល់​គ្រួសារ​នាយទាហាន ដែល​ពុំ​មានផ្ទះ​ស្នាក់នៅ

ទីតាំងផ្សាយពាណិជ្ជកម្ម

- Advertisment -



Most Popular