Home ព័ត៌មានអន្តរជាតិ តុលាការ​អង់គ្...

តុលាការ​អង់គ្លេស​ច្រាន​ចោល​ការធ្វើ​បត្យាប័ន​លោក​អាសាញ​ទៅ​សហរដ្ឋ​អាម៉េរិក ដោយសារ​បារម្ភ​ខ្លាច​គាត់​ធ្វើអត្តឃាត​

​ប្រែ​សម្រួល : កញ្ញា​ដា​លី​ស ៖ កាលពី​ថ្ងៃ​ចន្ទ​ទី​០៤​មករា ចៅក្រម​អង់គ្លេស​ម្នាក់​បាន​រារាំង​ការធ្វើ​បត្យាប័ន​លោក ជូ​លៀន អា​សាញ ទៅ​សហរដ្ឋ​អាម៉េរិក​ដើម្បី​ប្រឈម​មុខ​នឹង​ការចោទប្រកាន់​ពី​បទ​ចារ​កម្ម បន្ទាប់​ពី​សម្រេច​ថា ស្ថាបនិក​វេបសាយ WikiLeaks រូប​នេះ​មាន​ហានិភ័យ​ធ្ងន់ធ្ងរ​ក្នុងការ​ធ្វើ​អត្តឃាត ដោយ​បង្ក​ឱ្យ​មាន​ការខកចិត្ត​យ៉ាង​ខ្លាំង​នៅ​ទីក្រុង​វ៉ាស៊ីនតោន​។​

​ចៅក្រម វ៉ាន់ណេស​សា បា​រ៉ា​អ៊ី​ត​សឺ បាន​និយាយថា ចាងហ្វាង​ការផ្សាយ​ជនជាតិ​អូស្ត្រាលី​អាយុ ៤៩ ឆ្នាំ​រូប​នេះ ច្បាស់​ជា​បាន​ដឹង​ខ្លួន​អំពី​ផល​ប៉ះពាល់​នៃ​ការទម្លាយ​ឯកសារ​សម្ងាត់​របស់គាត់​ដែល​សកម្ម​​ភាព​នេះ​គឺ​វា​ហួស​ឆ្ងាយ​ពេក​ហើយ​ពី​តួនាទី​ជា​អ្នកកាសែត​។​

​ប៉ុន្តែ​លោកស្រី​ចៅក្រម​និយាយថា សុខភាព​ផ្លូវចិត្ត​របស់​គាត់​ប្រហែល​ជា​កាន់តែ​យ៉ាប់យ៉ឺន​នៅក្នុង​ប្រព័ន្ធ​ព្រហ្មទណ្ឌ​របស់​អាម៉េរិក ដែល​អាច​បណ្តាលឱ្យ​គាត់​ប៉ង​ធ្វើ​អត្តឃាត​។​

​លោក​អាសាញ​បាន​ជូត​ញើស​ពី​ថ្ងាស​របស់​គាត់​នៅពេល​ការសម្រេច​ត្រូវបាន​ប្រកាស​នៅក្នុង​តុលាការ​ទីក្រុង​ឡុង​ដ៍ ហើយ​គូ​ដណ្តឹង​របស់គាត់​ឈ្មោះ ស្តែល​ឡា ម៉ូ​រី​ស បាន​ស្រក់​ទឹកភ្នែក និង​ត្រូវបាន​ឱប​​ដោយ​និពន្ធ​នាយក​វេបសាយ WikiLeaks លោក គ្រីស្ទី​ន រ៉ា​ន​សុន​។​

​លោក​អាសាញ​នៅ​តែ​ត្រូវ​តាម​ចាប់ខ្លួន​ពី​បទ​ចោទប្រកាន់​ចំនួន​១៨ នៅក្នុង​សហរដ្ឋ​អាម៉េរិក ដែល​អាច​ជាប់គុក ១៧៥ ឆ្នាំ​ទាក់ទង​ទៅ​នឹង​ការបញ្ចេញ​ឯកសារ​សម្ងាត់​ចំនួន ៥០០.០០០ នៅលើ​វេបសាយ WikiLeaks ក្នុង​ឆ្នាំ​២០១០ ដែល​រៀបរាប់​លម្អិត​អំពី​ទិដ្ឋភាព​នៃ​យុទ្ធនាការ​យោធា​នៅក្នុង​ប្រទេស​អា​ហ្វ​ហ្គានី​ស្ថាននិង​អ៊ីរ៉ាក់​។​

​លោកស្រី​ម៉ូ​រី​ស ដែល​មានកូន​ប្រុស​ពីរ​នាក់​ជាមួយ​លោក​អា​សាញ និយាយថា សេចក្តីសម្រេច​នេះ​គ្រាន់តែ​ជា​ជំហាន​ទី​១​ឆ្ពោះទៅ​រក​យុត្តិធម៌​ប៉ុណ្ណោះ ហើយ​អំពាវនាវ​ឱ្យ​លោក​ប្រធានាធិបតី ដូ​ណា​ល់ ត្រាំ បញ្ចប់​រឿង​នេះ​ដើម្បី​ឱ្យ​កូនប្រុស​បាន​ជួប​ឪពុក​៕

​ចៅក្រម​និយាយថា លោក​ជូ​លៀន អា​សាញ អាច​នឹង​ធ្វើ​អត្តឃាត ប្រសិនបើ​បញ្ជូន​ឱ្យទៅ​ជាប់គុក​នៅ​អាម៉េរិក

ទីតាំងផ្សាយពាណិជ្ជកម្ម

- Advertisment -

Most Popular