Home ព័ត៌មានអន្តរជាតិ ស្ថាបនិក​ក្រុ...

ស្ថាបនិក​ក្រុមហ៊ុន Amazon ជាប់​កំពូល​តារាង​ជា​មហាសេដ្ឋី​សប្បុរស​បំផុត​ក្នុង​ឆ្នាំ​២០២០

​ប្រែ​សម្រួល : កញ្ញា​ដា​លី​ស ៖ អ្នក​មាន​ជាង​គេ​បំផុត​នៅលើ​ពិភពលោក​បាន​ចូលរួម​វិភាគទាន​សប្បុ​រសធម៌​ធំជាងគេ​បំផុត​ក្នុង​ឆ្នាំ​២០២០ នេះ​បើ​យោង​តាម​បញ្ជី​នៃ​ការបរិច្ចាគ​ប្រចាំឆ្នាំ​រប​ស់ទស្ស​នាវ​ដ្តី The Chronicle of Philanthropy ជាមួយ​ទឹក​ប្រាក់អំណោយ ១០ ពាន់​លាន​ដុល្លារ​ក្នុង​គោលបំណង​ជួយ​ប្រយុទ្ធប្រឆាំង​នឹង​ការប្រែប្រួល​អាកាសធាតុ​។​

​ស្ថាបនិក​និង​ជា​នាយក​ប្រតិបត្តិ​របស់​ក្រុមហ៊ុន Amazon លោក ជេ​ហ្វ បេ​ហ្សូ​ស ដែល​ទ្រព្យសម្បត្តិ​សុទ្ធ​របស់​គាត់​ត្រូវបាន​ព្យាករណ៍​ដោយ​ទស្សនា​វ​ដ្តី Forbes ថា​មាន​ចំនួន​ប្រហែល ១៨៨​ពាន់​លាន​ដុល្លារ​​នោះ បាន​ប្រើប្រាស់​វិភាគទាន​របស់​គាត់​ដើម្បី​បើក​អង្គការ​មូលនិធិ​ផែនដី​បេ​ហ្សូ​ស​។ យោង​តាម​ទស្សនា​វ​ដ្តី Chronicle បានឱ្យដឹងថា អង្គការ​មូលនិធិ​ដែល​គាំទ្រ​ដល់​បណ្តា​អង្គការ​មិន​រក​ប្រាក់ចំណេញ​​ដែល​ពាក់ព័ន្ធ​នឹង​វិបត្តិ​អាកាសធាតុ បាន​ចំណាយ ៧៩០ លាន​ដុល្លារ​ដល់​អង្គការ​ចំនួន ១៦ មកហើយ​។​

​យោង​តាម​ទស្សនា​វ​ដ្តី Chronicle លោក ហ្វីល ណៃ រួមជាមួយ​ប្រពន្ធ​របស់​គាត់​ឈ្មោះ ផេននី បាន​បរិច្ចាគ​ប្រាក់​ច្រើន​បំផុត​ទី ២ និង​ទី ៣ កាលពី​ឆ្នាំមុន និង​បាន​បង្កើន​ទ្រព្យសម្បត្តិ​របស់​ពួកគាត់​ប្រហែល ៧៧ ភាគរយ​ក្នុង​រយៈពេល​ដូចគ្នា​គិតពី​ខែ​មីនា​ដល់​ខែ​ធ្នូ​ផងដែរ​។ លោក​ណៃ​និង​ភរិយា​បាន​ផ្តល់​ថវិកា​ជាង ៩០០ លាន​ដុល្លារ​ដល់​អង្គការ​មូលនិធិ​ណៃ និង ៣០០ លាន​ដុល្លារ​ដល់​សាកលវិទ្យាល័យ​អូ​រី​ហ្គែ​ន​។​

​លោក ហ្វ្រេត គុ​មមឺ ស្ថាបនិក​ក្រុមហ៊ុន​សំណង់ HBE Corporation និង​ភរិយា​ឈ្មោះ​ជូន បាន​ផ្តល់​ថវិកា​ចំនួន ៣០០​លាន​ដុល្លារ​ដើម្បី​បង្កើត​អង្គការ​មូលនិធិ​មួយ​ដើម្បី​គាំទ្រ​កម្មវិធី​នៅ​សាកល​វិទ្យា​​ល័យ​វិទ្យាសាស្ត្រ​និង​បច្ចេកវិជ្ជា​រដ្ឋ​មី​ស​សួ​រី​។​

​ស្ថាបនិក​ក្រុមហ៊ុន Facebook លោក ម៉ាក ហ្សាក់​ឃើ​បឺក និង​ភរិយា ព្រី​ហ្ស៊ី​ឡា ចាន់ បាន​បរិច្ចាគ​ធំ​បំផុត​ទី​៤​នៅលើ​បញ្ជី​របស់​ទស្សនា​វ​ដ្តី Chronicle គឺ ២៥០​លាន​ដុល្លារ​ដល់​មណ្ឌល​បច្ចេកវិជ្ជា​និង​ជីវិត​​ស៊ីវិល ដែល​ធ្វើ​ការងារ​លើ​បញ្ហា​សន្តិសុខ​ក្នុង​ការបោះឆ្នោត​ឆ្នាំ​២០២០៕

​លោកបេ​ហ្សូ​ស​បរិច្ចាគ ១០ ពាន់​លាន​ដុល្លារ​ដើម្បី​ជួយ​ទប់ទល់​បម្រែបម្រួល​អាកាសធាតុ​កាល​ពី​ឆ្នា​២០២០

ទីតាំងផ្សាយពាណិជ្ជកម្ម

- Advertisment -

Most Popular