Home ព័ត៌មានជាតិ សង្គម លោក​ឧកញ៉ា សៀង...

លោក​ឧកញ៉ា សៀង ណាំ តំណាងរាស្ដ្រ​មណ្ឌល​សៀមរាប​ជូន​ថវិកា ៦៤០០​ដុល្លារ​ដល់​សម្ព័ន្ធមេត្រី​ភាពវរ​សេនា​តូច​ការពារ​ព្រំដែន​លេខ​១

ដោយ​: បាយ័ន / សៀមរាប​: លោក​ឧកញ៉ា សៀង ណាំ តំណាងរាស្ដ្រ​មណ្ឌល​សៀមរាប ជូន​ថវិកា ៦៤០០​ដុល្លារ ដល់​សម្ព័ន្ធមេត្រីភាព​វ​រ​សេនា​តូច​ការពារ​ព្រំដែន​លេខ​១​។ ពិធី​នេះ ធ្វើឡើង​នៅ​ព្រឹក​ថ្ងៃទី​៥​ខែមករា​ឆ្នាំ​២០២១​នេះ ស្ថិតនៅ​សណ្ឋាគារ ក្រុង សៀមរាប ខេត្តសៀមរាប​។​

​វរ​សេនា​តូច​ការពារ​ព្រំដែន​លេខ​១ សម្រាប់​សាងសង់​អគារ​ផ្ទះ បាយ​ថ្មី ដែល​ឈរជើង​នៅ​ចំណុច​អូរ​កូនតឹង ក្នុងភូមិ​សាស្ត្រ ភូមិ​ត្រពាំង​ក្រសាំង ឃុំ​ស្រែ​ណូយ ស្រុក​វ៉ារិន ដែល​ចំណុះឱ្យ​តំបន់​ប្រតិបត្តិការ​សឹក​រង​សៀមរាប​។​

​កងកម្លាំង​ទាំងអស់​របស់​វរ​សេនា​តូច​ការពារ​ព្រំដែន​លេខ​១ ក្នុងឱកាស​នោះបាន​ប្តេជ្ញាចិត្ត​ចំពោះ​លោក​សៀង ណាំ និង​ខិតខំ​ក្នុង​កិច្ចការ​ការពារជាតិ​មាតុភូមិ​ឱ្យបាន​ល្អ ជាពិសេស​គឺ​តាម​ខ្សែបន្ទាត់​ព្រំដែន និង​ការពារ​ដាច់ខាត​រាជរ​ដ្ឋា​ភិ​បាល​ស្របច្បាប់​ចេញពី​ការបោះឆ្នោត​។​

​លោក​ឧកញ៉ា សៀង ណាំ បាន​មានប្រសាសន៍ថា បើទោះបី​ប្រទេស​កម្ពុជា​ក៏ដូចជា​បណ្តា​ប្រទេស​ផ្សេងៗ​នៅលើ​ពិភពលោក​បាន​កំពុង​ជួប​ការលំបាក​ដោយសារ​ការ​កូ​វិដ ប៉ុន្តែ​ក្នុងនាម​ជា​សម្ព័ន្ធមេត្រីភាព លោក​បាន​គិតគូ​ជានិច្ច​ដល់​កង កម្លាំងប្រដាប់អាវុធ​ជានិច្ច ដោយបាន​បង្ហាញឱ្យឃើញ​ពី​ការ បង្កើត​ភាពស្និទ្ធស្នាល លើក​ទឹក​ចិ​ត្ដ និង​ធ្វើឱ្យ​កង កម្លាំង​មាន​ភាពជឿជាក់ ។​

​លោក​ឧកញ៉ា សៀង ណាំ តំណាងរាស្ដ្រ​មណ្ឌល​សៀមរាប​រយៈពេល​ជាង​១០​ឆ្នាំ​មកនេះ បានជា​ប្រធាន​ក្រុម​សម្ព័ន្ធមេត្រីភាព​ជាមួយ​វរ​សេនា​តូច​ការពារ​ព្រំដែន​លេខ​១ របស់​តំបន់​ប្រតិបត្តិការ​សឹក​រង​ខេត្តសៀមរាប ៕​

ទីតាំងផ្សាយពាណិជ្ជកម្ម

- Advertisment -

Most Popular