រថយន្ត Tesla Model 3 បើក​ដោយ​ខ្លួន​វា​ដោយ​គ្មាន​អន្តរាគមន៍​ពី​មនុស្ស​បាន​ចម្ងាយ ៥៧៦ គីឡូម៉ែត្រ​(វីដេអូ)

ប្រែ​សម្រួល : កញ្ញា​ដា​លី​ស ៖ វីដេអូ​ពន្លឿន​ពេលវេលាដ៏​មិន​គួរ​ឱ្យ​ជឿ​មួយ​បាន​ផ្តិត​សកម្មភាព​រថយន្ត Tesla បើកបរ​ដោយ​ស្វ័យប្រវត្តិ​មួយគ្រឿង​កំពុង​ធ្វើដំណើរ​ពី​ក្រុង​ឡូ​ស អែន​ជើ​ឡេស​ទៅ​ស៊ី​លី​កូន​វ៉ាល់​ឡេ សឹងតែ​គ្មាន​អន្តរាគមន៍​ពី​មនុស្ស​ទាល់តែសោះ​។

​ការបើកបរ​ចម្ងាយ ៥៧៦ គីឡូម៉ែត្រ​របស់​រថយន្ត Tesla Model 3 Performance គឺ​បាន​ដាក់​មនុស្ស​ចាំ​ជួយ​បើកបរ​អំឡុង​គ្រា​អាសន្ន និង​សាក​ភ្លើង​រថយន្ត​នៅ​តាម​ផ្លូវ​។​

​អ្នក​ស្នេហា​រថយន្ត Tesla និង​ជា YouTuber ឈ្មោះ Whole Mars Catalog (WMC) ដែល​ធ្វើដំណើរ​រយៈពេល​៦​ម៉ោង បាន​បង្រួម​វីដេអូ​នៅសល់ ១៥ នាទី​។

​លោក​និយាយថា​ការ​ដែល​គ្មាន​អន្តរាគមន៍​ពី​មនុស្ស​សោះស​បញ្ជាក់ថា “​នេះ​មិនមែន​ជា​សំណាង​ទេ​”​។ លោក​បន្ថែមថា “​សូ​ហ្វ​វែគឺ​កាន់តែ​ល្អប្រសើរ​ឡើង​ហើយ​”​។​

​លោក WMC បាន​បកស្រាយ​ថា គាត់​ត្រូវ​បញ្ឈប់រថយន្ត​នេះ​ម្តង​គត់​ដើម្បី​សាក​ភ្លើង​នៅ​ពាក់កណ្តាល​ផ្លូវ​នៅ​ទីក្រុង​ខេ​តថល​មែន​។

​ចំណងជើង​របស់​វីដេអូ​សរសេរថា “​ការពិត​ដែល​វា​អាច​ធ្វើដំណើរ​ទៅដល់​ទីក្រុង​ឡូ​ស អែន​ជើ​ឡេស​ហើយ​ពុំ​មាន​អន្តរាគមន៍​ពី​មនុស្ស​សោះ បញ្ជាក់​ឱ្យ​ឃើញ​ច្បាស់​ថា នេះ​មិនមែន​ជា​សំណាង​ទេ​។ សូ​ហ្វ​វែ​កាន់តែ​ល្អប្រសើរ​ឡើង​។ ការបើកបរ​កាន់តែ​ប្រសើរ​ជាង​លើក​មុន ទោះបី​នៅ​មាន​កំហុស​និង​ចំណុច​ត្រូវ​កែ​លម្អ ដែល​មិន​ទាមទារ​ឱ្យមាន​អន្តរាគមន៍​របស់​មនុស្ស​ក៏ដោយ​”៕

​រថយន្ត Tesla Model 3 Performance បើក​ដោយ​ខ្លួន​វា​ពី​ទីក្រុង​ឡូ​ស​អេន​ជេ​ឡេស​ទៅ​ទីក្រុង​ស៊ី​លី​កូន​វ៉ាល់​ឡេ ដោយ​គ្មាន​អន្តរាគមន៍​ពី​មនុស្ស

ទីតាំងផ្សាយពាណិជ្ជកម្ម

- Advertisment -

Most Popular