ទីប្រឹក្សា​សម្តេច ហ៊ុន សែន ចេញផ្សាយ​សៀវភៅ នៅ​ថ្ងៃ​ខួបអាពាហ៍ពិពាហ៍​៤៥​ឆ្នាំ រវាង​សម្តេច ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត​

ដោយៈ​បញ្ញា​សាស្ត្រ​/​ភ្នំពេញៈទីប្រឹក្សា​សម្តេច​តេ​ជោ​នាយករដ្ឋមន្ត្រី ហ៊ុន សែន លោក ពៅ សុខ នៅ​ថ្ងៃទី​៥ ខែមករា ឆ្នាំ​២០២១​នេះ បានចេញ​ផ្សាយ​ជា​សាធារណៈ​នូវ​សៀវភៅ​( ទឹកចិត្ត​អ្នក​ជួយសង្គ្រោះ​) ដ៏​គួរឱ្យ​ចង់​អាន​ស្តីពី​ដំណើរ​ជីវិត សម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុនសែន ពី​កុមារភាព រហូត​បច្ចុប្បន្ន ដើម្បី​ចូលរួម​រម្លឹក​អនុស្សាវរីយ៍​៤៥​ឆ្នាំ នៃ​ខួបអាពាហ៍ពិពាហ៍ របស់ សម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុនសែន និង​សម្តេច​តេ​ជោ​នាយករដ្ឋមន្ត្រី ហ៊ុន សែន​។​

​លោក​ទីប្រឹក្សា បាន​ប្រាប់​អ្នកសារព័ត៌មាន នៅ​ថ្ងៃទី​៥ ខែមករា នេះ​ថា សៀវភៅ “​ទឹកចិត្ត​អ្នក​ជួយសង្គ្រោះ​”​ដែលមាន​កម្រាស់ ជាង​៤០០​ទំព័រ​នេះ គឺ​បានចាប់ផ្តើម​សរសេរ​កាលពី​ចុងឆ្នាំ​២០១៣ និង​បញ្ចប់​សព្វគ្រប់ ការរៀប​រៀង​នៅ​ពាក់កណ្តាល​ឆ្នាំ​២០២០ ដោយបាន​ដាក់​ចំណងជើង​ដំបូង​ជា​ភាសាបាលី គឺ ទឹកចិត្ត​សង្គហ​ជន ដែល​មានន័យថា ទឹកចិត្ត​អ្នក​ជួយសង្គ្រោះ​ដូចគ្នា​។​

​លោក​បញ្ជាក់ទៀតថា សៀវភៅ (​ទឹកចិត្ត​អ្នក​ជួយសង្គ្រោះ​) នេះ​ផងដែរ មាននិយាយ​រៀបរាប់​ពី​ដំណើរ​ជីវិត​ដ៏​ជូរចត់​របស់​សម្តេច​កិត្តិ​ព្រឹទ្ធ​បណ្ឌិត និង​ប្រជាជន​ខ្មែរ​ក្នុងសម័យ​សង្គ្រាម​បង្ហូរឈាម​៥​រវាង​ខ្មែរ និង​ខ្មែរ និង​យុគសម័យ ដ៏​មហា​រន្ធត់​វេទនា នៃ​ការកាប់សម្លាប់ បង្អត់អាហារ ធ្វើការ​ហួសកម្លាំង ៣​ឆ្នាំ ៨​ខែ ២០​ថ្ងៃ ដែល​ដឹកនាំ​ដោយ​ពួក​ខ្មែរក្រហម ប៉ុល ពត​។​

​លោ​កក​រៀបរាប់ថា ក្នុងអំឡុង​ឆ្នាំ​១៩៧៧ ក្រោយពេល​សម្តេច​តេ​ជោ ហ៊ុន សែន រត់​ភៀសខ្លួន​ទៅកាន់​ប្រទេស​វៀតណាម ដើម្បី​ស្វែងរក​ជំនួយ​មកជួយ​រំដោះប្រទេស​និង​ប្រជាជន​កម្ពុជា​ចេញពី​របប​ដ៏​ឃោរឃៅ​នោះ​សម្តេច​កិត្តិ​ព្រឹទ្ធ​បណ្ឌិត​ប្រៀប​ទៅនឹង​ព្រះ​នាង​ជ័យ​រាជទេវី ដូច្នោះ​ដែរ ដែល​ព្រះ​នាង​ត្រូវ​បែក​ពី​ព្រះ​ស្វាមី គឺ​ព្រះបាទ​ជ័យ​វ​ម៌្ម ទី​៧​។ ព្រះបាទ​ជ័យ​វ​ម៌្ម​បាន​រត់​ភៀស​ព្រះកាយ​ទៅសម្ងំ​បង្កើត កងទ័ព​រយៈពេល​ចន្លោះ​ពី​១៥ ទៅ​១៩​ឆ្នាំ ដើម្បី​រំដោះ​ព្រះ​នគរ​របស់​ព្រះអង្គ ធ្វើឱ្យ​ព្រះ​នាង​ជ័យ​រាជទេវី រង់ចាំ​ព្រះអង្គ​រហូត​សោយ​ទិវង្គត​។ ចំណែក​សម្តេច​តេ​ជោ ហ៊ុន សែន បាន​រត់​ភៀសខ្លួន​ទៅកាន់​ប្រទេស​វៀតណាម និង​ចំណាយពេល​ជិត​៣​ឆ្នាំ បង្កើត​កងទ័ព​និង​រួម​កម្លាំង ជាមួយ ចលនា​ខ្មែរ​ដទៃទៀត រួមមាន​សម្តេច​ធម្ម​ពោធិ​សាល ជា ស៊ីម សម្តេច​ចក្រី​ហេង សំរិន សម្តេច​ភក្តី សាយ ឈុំ សម្តេច​ពិជ័យ​សេនា​ទៀ បាញ់ ដើម្បី​រំដោះប្រទេស ចេញពី​របប​ខ្មែរក្រហម​។ ចលនា​របស់​សម្តេច​តេ​ជោ​ហ៊ុន សែន​និង​ថ្នាក់ដឹកនាំ គណបក្ស ប្រជាជន​ដទៃទៀត ជា​អ្នក​ប្រោះ​ជីវិត​ប្រជាជន​កម្ពុជា ប្រោះ​ប្រទេស​កម្ពុជា ប្រោះ​សេរីភាព​ប្រជាធិបតេយ្យ ប្រោះ​របបរាជានិយម និង​ប្រោះ​អ្វីៗ​គ្រប់យ៉ាង ឱ្យ​រស់​ឡើងវិញ​។

​លោក​ទីប្រឹក្សា​បញ្ជាក់ថា សម្តេច​កិ​ត្ត​ព្រឹទ្ធ​បណ្ឌិត ប៊ុន រ៉ានី ហ៊ុនសែន មានដំណើរ​ជីវិត ប្រៀប​ដូច​ព្រះ​នាង​ជ័យ​រាជទេវី ប៉ុន្តែ​រឹងមាំ​ជាង​ព្រះ​នាង គឺ​ក្រោយពេល​សម្តេច​តេ​ជោ​ហ៊ុន សែន ដឹកនាំ​យុទ្ធ​ដ៏​ស្មោះត្រង់​របស់​សម្តេច ចេក​ចេញពី​កម្ពុជា នៅ​ថ្ងៃទី​២០ ខែមិថុនា ឆ្នាំ​១៩៧៧ សម្តេច​ប៊ុន រ៉ានី ត្រូវ​រស់នៅ​យ៉ាង​វេទនា ជាមួយ​ប្រជាជន​ខ្មែរ​ទូទាំងប្រទេស រង់ចាំ​ស្វាមី​ត្រឡប់មក​រំដោះប្រទេស​វិញ​។ ដោ​ង​រំពឹង និង​ជឿជាក់​យ៉ាង​មុតមាំ​ថា នៅ​ថ្ងៃ​ណាមួយ​ស្វាមី​របស់​សម្តេច គឺ​សម្តេច​ហ៊ុន សែន នឹង​ត្រឡប់មក​រំដោះប្រទេស និង​ប្រជាជន​ខ្មែរ ពី​មហា​ទុក្ខវេទនា​ជាមិនខាន​។ សម្តេច​ប៊ុន រ៉ានី មាន​ភាពរឹងមាំ​ជាង​ព្រះ​នាង​ជ័យ​រាជទេវី ត្រង់​ថាស​ម្តេច​មិន​បណ្តោយឱ្យ​ការទន្ទឹងរង់ចាំ​ក្លាយជា​ទម្ងន់ ក្លាយជា​អ​ម្រែ​ក លើទឹក​ចិត្ត លើផ្លូវ​ចិត្ត និង​រាងកាយ​របស់​សម្តេច​ឡើយ ដោយ​សម្តេច​បាន​ពង្រឹង​ខ្លួនឯង​យ៉ាងរឹងមាំ មិន​ទន់ជ្រាយ ប្រៀបបាន​នឹង​ដែកថែប ដែល​ត្រូវបាន​គេ​លត់​ដំ​ម្តង​ហើយ​ម្តងទៀត ក្នុង​ជំរំ​ការងារ ដ៏​គួរឱ្យ​ភ័យរន្ធត់​តក់ស្លុត និង​ទីបំផុត សម្តេច​កិត្តិ​ព្រឹទ្ធ​បណ្ឌិត​បាន​ជួប សម្តេច​ហ៊ុន សែន វិញ នៅ​ថ្ងៃទី​២០ ខែកុម្ភៈ ឆ្នាំ​១៩៨០ ក្រោយពី​ប្រទេស និង​ប្រជាជន​កម្ពុជា​ត្រូវបាន​រំដោះ​ចេញពី​របប​ដ៏​ឃោរឃៅ​បាន​មួយឆ្នាំ​។​

​លោក​អះអាងថា សៀវភៅ ទឹកចិត្ត​អ្នក​ជួយសង្គ្រោះ​នេះ ក៏បាន​រៀបរាប់​ផងដែរ​អំពី​ទឹក​ចិត្តជា​អ្នក​ជួយសង្គ្រោះ​របស់​សម្តេច​កិត្តិ​ព្រឹទ្ធ​បណ្ឌិត តាំងពី​កុមារភាព យុវភាព និង​បច្ចុប្បន្ន ដែល​សម្តេច​បង្កើត​ឱ្យ​មណ្ឌលកុមារ​កំព្រា មជ្ឈមណ្ឌល​បណ្តុះបណ្តាល​វិជ្ជាជីវៈ រួមទាំង​កា​រប​ង្កើ​ឱ្យមាន​មូលនិធិ​កូនភ្លោះ​៣ ផ្ទះ​ទេវតា និង​ក្រុមគ្រូពេទ្យ​យុវជន​ស្ម័គ្រចិត្ត​សម្តេច​តេ​ជោ របស់​សម្តេច​កិត្តិ​ព្រឹប​ណ្ឌិ​ត សម្តេច​តេ​ជោ​ហ៊ុន សែន និង​កូនចៅ​របស់​សម្តេច​។​

​លោក​បន្ថែមថា សៀវភៅ​ទឹកចិត្ត​អ្នក​ជយ​យស​ង្គ្រោះ ជា​សៀវភៅ​ទី​៤ ដែល​លោក​បាន​រៀបរៀង​ជួយ​ថ្នាក់ដឹកនាំ​កំពូល​របស់​ជាតិ ដូចជា​សៀវភៅ​៖
-​វីរបុរស​០៧១
-​សម្តេច​ហ៊ុន សែន វីរបុរស​សង្ហា ដើរ​បញ្ច្រាសទិស​ប្រយុទ្ធ កូ​វីដ​-១៩
-​សម្តេច​ហ៊ុន សែន កំពូល​ស្ថាបនិក និង​បិតា​សន្តិភាព​របស់​កម្ពុជា
៕​សរន​

 

ទីតាំងផ្សាយពាណិជ្ជកម្ម

- Advertisment -



Most Popular