Home ព័ត៌មានអន្តរជាតិ វៀតណាម​ទិញ​អង...

វៀតណាម​ទិញ​អង្ករ​ឥណ្ឌា​ជា​លើកដំបូង​

ប្រែ​សម្រួលៈ​វាសនា​(​មុំ​បៃ​/​ហាណូយ​)៖​វៀតណាម ប្រទេស​នាំចេញ​អង្ករ​ធំ​បំផុត​លំដាប់​ទី​៣​ក្នុង​លោក បានចាប់ផ្តើម​ទិញ​អង្ករ​ពី​គូប្រជែង​ឥណ្ឌា​ជា​លើកដំបូង​ក្នុង​រយៈពេល​ប៉ុន្មាន​ទសវត្សរ៍​មក​នេះ ក្រោយ​​ថ្លៃ​អង្ករ​ក្នុងស្រុក​ហក់​ឡើង​ខ្ពស់​បំផុត​ធៀប​នឹង​តំលៃ​អង្ករ​ក្នុងពេល​៩​ឆ្នាំ​មកនេះ ចំ​ពេល​ការផ្គត់ផ្គង់​ក្នុងស្រុក​មាន​កំរិត​។​

​ការទិញ​នេះ​បញ្ជាក់​អំពី​ការផ្គត់ផ្គង់​អង្ករ​កាន់តែ​តានតឹង​ឡើង​នៅ​អាស៊ី ដែល​អាច​ដំឡើងថ្លៃ​អង្ករ​នៅ​ឆ្នាំ​២០២១ និង​បង្ខំ​អោយ​អ្នក​ទិញ​ជា​ប្រពៃណី​សំរាប់​អង្ករ​ថៃ​និង​វៀតងា​កណា​ម​ទៅកាន់​ឥណ្ឌា​ដែលជា​​អ្នក​នាំ​ចេញ​អង្ករ​ធំ​បំផុត​ក្នុង​លោក​។​

​ពួក​ឈ្មួញ​ឥណ្ឌា បាន​ចុះកិច្ចសន្យា​នាំចេញ​អង្ករ​បាក់​១០០%​ចំនួន​៧០.០០០​តោន​រវាង​ខែមករា​និង​កុម្ភៈ ក្នុង​តំលៃ​ប្រមាណ​៣១០​ដុល្លារ​ក្នុង​មួយ​តោន នេះ​បើ​តាម​មន្ត្រី​ក្នុង​ឧស្សាហកម្ម​នេះ​បានអោយដឹង​។​

​ប៊ី វី គ្រី​ស្នា រ៉ាវ ប្រធាន​សមាគម​អ្នក​នាំចេញ​អង្ករ បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័រ​កាលពី​ថ្ងៃ​ចន្ទថា «​ជា​លើកដំបូង យើង​នាំ​ចេញ​អង្ករ​ទៅ​កាន់​វៀតណាម​។​ថ្លៃ​អង្ករ​ឥណ្ឌា​ទាក់ទាញ​ណាស់​។​មានការ​​ខុស​គ្នា​ខ្លាំង​អំពី​តំលៃ​ដែលនាំអោយ​មាន​ការនាំចេញ​នេះ​»​។​

​អង្ករ​បាក់​៥%​របស់​វៀតណាម​ថ្លៃ​៥០០​ទៅ​៥០៥​ដុល្លារ​ក្នុង​មួយ​តោន គឺ​ខ្ពស់ជាង​អង្ករ​ឥណ្ឌា​ប្រភេទ​ដូចគ្នា​ដែល​ថ្លៃ​តែ ៣៨១​ទៅ​៣៨៧​ដុល្លារ​ក្នុង​មួយ​តោន​។​

​បើ​តាម​ពាណិជ្ជករ​ម្នាក់​នៅ​ក្រុង​ហូជីមិញ «​អង្ករ​នាំចូល​ពី​ឥណ្ឌា​ភាគច្រើន​យក​ទៅ​ធ្វើ​ចំណី​សត្វ និង​បិតស្រា​»​។​

​ការផ្គត់ផ្គង់​ថយចុះ​និង​ហ្វីលីពីន​បន្ត​ទិញ នាំ​អោយ​អង្ករ​នាំ​ចេញ​របស់​វៀតណាម​ឡើង​ដល់​កំរិត​ខ្ពស់​បំផុត​បើ​ធៀប​នឹង​ថ្លៃ​អង្ករ​នៅ​៩​ឆ្នាំ​មកនេះ​។​ទិន្នផល​ស្រូវ​វៀតណាម​នៅ​ឆ្នាំ​២០២០​បាន​ធ្លាក់ចុះ​១,៨៥​ភាគ​​រយ មក​នៅត្រឹម​៤២,៦៩​លាន​តោន ស្មើ​នឹង​អង្ករ​២១,៣៥​លាន​តោន​។​

​ឆ្នាំ​២០២០ ប្រទេស​នេះ​ត្រូវបាន​ព្យាកណ៍​ថា​បាននាំ​ចេញអង្ករ​៦,១៥​លាន​តោន ធ្លាក់ចុះ​៣,៥​ភាគរយ​។​

​កាលពី​ខែ​ធ្នូ ប្រទេស​នាំចូល​អង្ករ​ធំ​ជាងគេ​ក្នុង​លោក គឺ​ចិន បានចាប់ផ្តើម​ទិញ​អង្ករ​ឥណ្ឌា​ជា​លើកដំបូង​ផងដែរ ដោយសារ​ការផ្គត់ផ្គង់​ពី​ថៃ មី​យ៉ាន់​ម៉ា​និង​វៀតណាម​កាន់តែ​ខើច​និង​អង្ករ​ឥណ្ឌា​ថោក​។​

​ឆ្នាំ​២០២០ ឥណ្ឌា​នាំចេញ​អង្ករ​១៤​លាន​តោន​៕

​កសិករ​ឥណ្ឌា​នៅ​កា​ស្មៀ លើកដាក់​ស្រូវ​ក្រោយ​ការប្រមូល​ផល​នៅ​ជាយក្រុង​ស្រ៊ី​ណាហ្កា​កាលពី​ឆ្នាំ​២០២០

ទីតាំងផ្សាយពាណិជ្ជកម្ម

- Advertisment -

Most Popular