Home ព័ត៌មានជាតិ សន្តិសុខ ​ជាង​ផ្ទះ​ឈើ ...

​ជាង​ផ្ទះ​ឈើ ភ្លាត់ស្នៀត ធ្លាក់​ពីលើផ្ទះ របួសធ្ងន់​រួច​ស្លាប់​

​ដោយៈ ប​.​ជ័យ / បន្ទាយ​មាន​ជ័​យៈ បុរស​វ័យ​ចំណាស់​ម្នាក់ ជាជាង​ឈើ ភ្លាត់ស្នៀត​ធ្លាក់​ពីលើផ្ទះ កំពស់ ៤ ម៉ែត្រ របួសធ្ងន់ ហើយ​បាន​ស្លាប់ ពេល​បញ្ជូនទៅ​មន្ទីរពេទ្យ កាលពី​វេលា​ម៉ោង ១១ ថ្ងៃត្រង់ ថ្ងៃទី​៤ ខែមករា ឆ្នាំ​២០២១ នៅ​ភូមិ​ថ្មី​ត្បូង ឃុំ​ភូមិ​ថ្មី ស្រុក​ថ្មពួក ។​

​នគរបាល​ប៉ុស្តិ៍​រដ្ឋបាល​ឃុំ​ភូមិ​ថ្មី បាន​ឲ្យ​ដឹងថាៈ ជនរងគ្រោះ មានឈ្មោះ ណោ រឿន ភេទ​ប្រុស អាយុ ៦៣ ឆ្នាំ មុខរបរ ជា​ជាងឈើ​ធ្វើ​ផ្ទះ រស់នៅ​ភូមិ​/​ឃុំ កើតហេតុ​ដូចខាងលើ ។ មុនពេល​កើតហេតុ ជនរងគ្រោះ បាន​ទៅ​ស៊ីឈ្នួល ធ្វើ​ផ្ទះ​ឲ្យ​ឈ្មោះ កូវ សុបិន ភេទ​ប្រុស អាយុ ៣២ ឆ្នាំ រស់នៅ​ភូមិ​រលំ​ជ្រៃ ឃុំ​ភូមិ​ថ្មី ស្រុក​ថ្មពួក ខេត្តបន្ទាយមានជ័យ ។ ប៉ុន្តែ​ពេលដែល​កំពុង​ធ្វើ​នោះ ស្រាប់តែ​ភ្លាត់ស្នៀត ធ្លាក់​ពីលើផ្ទះ ហើយក៏​រងគ្រោះ ដល់​ជីវី​តទៅ​៕/V​

ទីតាំងផ្សាយពាណិជ្ជកម្ម

- Advertisment -

Most Popular