Home ព័ត៌មានជាតិ សន្តិសុខ ក្រសួងមហាផ្ទៃ...

ក្រសួងមហាផ្ទៃ​បើក​កិច្ចប្រជុំ​ក្រុមការងារ​ទទួលបន្ទុក​ឧក្រិដ្ឋកម្ម​ឆ្លងដែន​ក្នុង​ក្របខណ្ឌ​អាស៊ាន​

ដោយ​: មុនី​រ័ត្ន / ភ្នំពេញ​: ក្រសួងមហាផ្ទៃ​បាន​បើក​កិច្ចប្រជុំ​ក្រុមការងារ ទទួលបន្ទុក​ឧក្រិដ្ឋកម្ម​ឆ្លងដែន​ក្នុង​ក្របខណ្ឌ​អាស៊ាន (SOMTC) នៅ​នៅ​ទីស្ដីការ​ក្រសួងមហាផ្ទៃ នា​ព្រឹក​ថ្ងៃទី​៥ ខែមករា ឆ្នាំ​២០២១​។ កិច្ចប្រជុំ​ដឹកនាំ​ដោយ​នាយ​ឧ​ត្ត​ម​សេនីយ៍ ប៉ោ ភក្តិ អគ្គលេខាធិការ នៃ​អគ្គលេខាធិការដ្ឋាន ក្រសួងមហាផ្ទៃ និង​ជា​ប្រធាន​ក្រុមការងារ SOMTC ដោយមាន​ការអញ្ជើញ​ចូលរួម​ពី អគ្គលេខាធិការរង ប្រធាន​នាយកដ្ឋាន ប្រធាន​លេខាធិការដ្ឋាន និង​សមាជិក សមាជិកា​ក្រុមការងារ SOMTC ព្រមទាំង​អ្នកពាក់ព័ន្ធ​ជាច្រើនរូប​ផងដែរ​។​

​គោលបំណង​នៃ​កិច្ចប្រជុំ​ក្រុមការងារ​ក្រសួងមហាផ្ទៃ ទទួលបន្ទុក​ឧក្រិដ្ឋកម្ម​ឆ្លងដែន ក្នុង​ក្របខណ្ឌ​អាស៊ាន (SOMTC) មាន​ចំនួន​៣ រួមមាន ៖
​ទី​១-​ប្រកាស​សមាសភាព​ក្រុមការងារ SOMTC ដែល​ក្រសួងមហាផ្ទៃ​បានរៀបចំ​ឡើង​។​
​ទី​២-​ស្វែងយល់​អំពី​ប្រវត្តិ​ខ្លឹមសារ​ទាក់ទង​ទៅនឹង​ក្រុមការងារ SOMTC ។​
​ទី​៣-​ទិសដៅ​បន្ដ​អនុវត្ត​ក្នុង​ក្របខណ្ឌ​សេនាធិការ​ក្រសួងមហាផ្ទៃ ក៏ដូចជា រាជរដ្ឋាភិបាល​កម្ពុជា នៅក្នុង​ក្របខណ្ឌ​អាស៊ាន ទទួលបន្ទុក​ឧក្រិដ្ឋកម្ម​ឆ្លងដែន​។​

​ក្រុមការងារ SOMTC ក៏មាន​តួនាទី​ជាច្រើន ដូចជា ៖ ប្រឆាំង​ឧក្រិដ្ឋកម្ម​ឆ្លង​, ប្រឆាំង​អំពើ​លួច​លើ​ផ្ទៃសមុទ្រ​, ប្រឆាំង​បទល្មើស​បច្ចេកវិទ្យា​, ប្រឆាំង​បទល្មើស​សេដ្ឋកិច្ច​អន្ដរជាតិ ព្រមទាំង ប្រឆាំង​បទល្មើស​ជួញដូរ​សត្វព្រៃ និង​ឈើ​ខុសច្បាប់​។ បន្ថែម​ពីនេះ ក្រុមការងារ SOMTC ក៏មាន​តួនាទី ចូលរួម​កិច្ចប្រជុំ និង​សិក្ខាសាលា​នានា ដើម្បី​ពង្រីង​ទំនាក់ទំនង និង​កិច្ចសហប្រតិបត្តិការ​ក្នុងការ​ទប់ស្កាត់ ឧក្រិដ្ឋ​ឆ្លងដែន ឲ្យ​ទទួលបាន​ប្រសិទ្ធភាព​ខ្ពស់​។​

​នាយ​ឧ​ត្ត​ម​សេនីយ៍ ប៉ោ ភក្តិ បាន​លើកទឹកចិត្ត​ដល់​ក្រុមការងារ SOMTC ត្រូវ​រួបរួមគ្នា​ធ្វើការ​ងារ​ឲ្យ​ទទួលបាន​ជោគជ័យ នៅក្នុង​ក្របខណ្ឌ​សមូហភាព ដើម្បី​ឲ្យ​តំណាង​ក្រសួងមហាផ្ទៃ ជាពិសេស​តំណាង​កម្ពុជា ចូលរួម​វេទិការ​នានា របស់​អាស៊ាន​ពាក់ព័ន្ធ​ការងារ​ប្រយុទ្ធប្រឆាំង​ឧក្រិដ្ឋកម្ម​ឆ្លងដែន ដើម្បី​ឲ្យ​មានលទ្ធភាព​ក្នុងការ​ចូលរួមចំណែក​ជាមួយ​បណ្ដា​ប្រទេស​ដទៃទៀត ក្នុង​សមាជិក​អាស៊ាន​។​

​បន្ថែម​ពីនេះ នាយ​ឧ​ត្ត​ម​សេនីយ៍ ប៉ោ ភក្តិ ប្រធាន​ក្រុមការងារ SOMTC ក៏បាន​ប្ដេជ្ញាចិត្ត​យ៉ាង​មុតមាំ​ថា នឹងធ្វើ​ការងារ​ឧក្រិដ្ឋកម្ម​ឆ្លងដែន​ក្នុង​ក្របខណ្ឌ​អាស៊ាន ឲ្យ​មាន​ប្រសិទ្ធភាព និង​ទទួលបាន​ជោគជ័យ​ផងដែរ​។ ឯ​ឧ​ត្ត​ម នាយ​ឧ​ត្ត​ម​សេនីយ៍ ក៏បាន​ផ្ដាំផ្ញើ​ដល់​ក្រុមការងារ SOMTC ត្រូវមាន​ការទទួលខុសត្រូវ​ខ្ពស់ ចំពោះ​ការងារ​រៀងៗ​ខ្លួន ហើយ​ឯកឧត្តម មាន​ក្ដី​សង្ឃឹមថា ក្រុមការងារ SOMTC មាន​សមត្ថភាព​គ្រប់គ្រាន់ ដើម្បី​ធ្វើ​ការងារ​ទាំងនេះ​៕​

ទីតាំងផ្សាយពាណិជ្ជកម្ម

- Advertisment -

Most Popular