ក្រសួង​ការងារ​ប្រកាស​ដាក់ឱ្យ​ប្រើប្រាស់​សេវាសាធារណៈ​ពាក់ព័ន្ធ​វិស័យ​ការងារ និង​បណ្ដុះបណ្ដាល​វិជ្ជាជីវៈ តាម​ប្រព័ន្ធ​ស្វ័យប្រវត្តិកម្ម​

​ដោយ​:​ដេប៉ូ​/​ភ្នំពេញ​: ក្រសួង​ការងារ និង​បណ្ដុះបណ្ដាល​វិជ្ជាជីវៈ បានចេញ​ប្រកាស​ស្ដីពី​ការដាក់ឱ្យ​ប្រើប្រាស់​សេវាសាធារណៈ​ពាក់ព័ន្ធ​វិស័យ​ការងារ និង​បណ្ដុះបណ្ដាល​វិជ្ជាជីវៈ តាម​ប្រព័ន្ធ​ស្វ័យប្រវត្តិកម្ម​។​

​យោងតាម​សេចក្តីប្រកាស​របស់​ក្រសួង​ការងារ​បានឱ្យដឹងថា​ការដាក់ឱ្យ​ប្រើប្រាស់​ពី​សេវាសាធារណៈ​ពាក់ព័ន្ធ​វិស័យ​ការងារ និង​បណ្ដុះបណ្ដាល​វិជ្ជាជីវៈ តា​ប្រព័ន្ធ​ស្វ័យប្រវត្តិកម្ម​មួយ​នេះ​គឺ មាន​គោលបំណង​ដើម្បី​លើក​កម្ពស់​គុណភាព ប្រសិទ្ធភាព តម្លាភាព និង​គណនេយ្យភាព ព្រមទាំង​ស្របតាម​សំណើ​របស់​វិស័យ​ឯកជន​នៅក្នុង​ក្រុមការងារ​ផ្នែក​ទំនាក់ទំនង​វិជ្ជាជីវៈ​នៃ​វេទិកា​រាជរដ្ឋាភិបាល​-​ផ្នែក​ឯកជន​។​

សេចក្តីប្រកាស​នេះ​បានឱ្យដឹង​ដែរ​ថា​ការដាក់ឱ្យ​ដំណើរការ​សេវាសាធារណៈ​ពាក់ព័ន្ធ​វិស័យ​ការងារ​និង​បណ្តុះ​បណ្តាល​វិជ្ជាជីវៈ​តាម​ប្រព័ន្ធ​ស្វ័យ​ប្រ​វ​តិ្ក​កម្ម​ចាប់ពី​ថ្ងៃទី​១១ ខែមករា ចំពោះ​សេវាសាធារណៈ ដែល​ស្ថិតនៅក្រោម​ដែន​សមត្ថកិច្ច​របស់​ថ្នាក់កណ្តាល​ក្រសួង​ការងារ​។ ដោយឡែក​ចំពោះ​សេវាសាធារណៈ​ដែល​ស្ថិតនៅក្រោម​ដែន​សមត្ថកិច្ច​របស់​ម​ន្ទីរ​ការងារ​និង​បណ្តុះបណ្តាល​វិជ្ជាជីវៈ​និង​អង្គភាព​ច្រកចេញ​-​ចូល​តែមួយ​រាជធានី ខេត្ត នឹងត្រូវ​ឱ្យ​ដាក់​ដំណើរការ​ចាប់ពី​ថ្ងៃទី​១ ខែមីនា​តទៅ​៕

ទីតាំងផ្សាយពាណិជ្ជកម្ម

- Advertisment -

Most Popular