Home ព័ត៌មានជាតិ សេដ្ឋកិច្ច ប្រជុំ​និង​បើ...

ប្រជុំ​និង​បើក​កញ្ចប់​ដេញថ្លៃ​ភាស៊ី​គ្រប់​ប្រភេទ​អាជីវកម្ម​សម្រាប់​ឆ្នាំ​២០២១ លើក​ទី​២ នៅ​ខេត្តបន្ទាយមានជ័យ​

ដោយ​: ភ្នំ​ស្វាយ / បន្ទាយមានជ័យ​: កិច្ចប្រជុំ​និង​បើក​កញ្ចប់​ដេញថ្លៃ​ភាស៊ី​គ្រប់​ប្រភេទ​អាជីវកម្ម សម្រាប់​ឆ្នាំ​២០២១ លើក​ទី​២ នៅ​ខេត្តបន្ទាយមានជ័យ កាលពី​ថ្ងៃទី​៥​ឆ្នាំ​២០២០ នៅ​សាលប្រជុំ​មន្ទីរ​សេដ្ឋកិច្ច​និង​ហិរញ្ញវត្ថុ​ខេត្ត​។​

​ក្នុង​មាន​អាជីវករ​ចូល​ដេញថ្លៃ​តែ​លើ​ផ្សារ​១​គត់​។ ឯ​ផ្សារ​ដែល​រដ្ឋ​គ្រប់​គ្រង់​ផ្សេងៗ​ទៀត គ្មាន​អាជីវ​ករពី​ផ្នែក​ឯកជន ចូលរួម​ដេញ​ថ្លស​ឡើយ​ព្រោះ​ថវិកា​ដែល​បាន​ពី​ការប្រមូល​ភា​សុ​ី​មាន​តិចតួច​ពេក ។​

​កិច្ច​ប្រ​ជុណ​លើក​ទី​២​នេះ បាន​ដឹកនាំ​ដោយ​លោក​លី សារី អភិបាលរង​ខេត្ត និង​ជា​តំណាង​លោក​អ៊ុ រាត្រី អភិបាលខេត្ត​និង​ជា​ប្រធាន​គណៈកម្មការ​ដេញថ្លៃ​ភា​សុ​ី​គ្រប់​ប្រភេទ​អាជីវកម្ម​ខេត្ត លោក​បឹង គឹម​សឹង ប្រធាន​ម​ន្ទូ​រ​សេដ្ឋកិច្ច​និង​ហិរញ្ញវត្ថុ​ខេត្ត លោក​ជា គឹម​តុង តំណាង​ក្រសួង​ហិរញ្ញវត្ថុ បាន​ដឹកនាំ ។

​ហើយ​មាន​មន្ត្រី​មកពី​ទីចាត់ការ​ហិរញ្ញវត្ថុ​រដ្ឋបាលខេត្ត អភិបាលរង​ស្រុក​ក្រុង ចូលរួម​ជាមួយ​មន្ត្រី​ម្ចាស់ផ្ទះ​និង​អាជីវករ​៣ ម្ចាស់​បាន​ចូលរួម​ដេញថ្លៃ​លើ​ផ្សារ​ចម្ការ​គ​នៅ​ក្រុង​សិរីសោភ័ណ ។​

​ឯ​ការដេញថ្លៃ​ភា​សុ​ី​នៃ​ផ្សារ​ស្វាយចេក ស្រុក​ស្វាយចេក ផ្សារ​ថ្មពួក​ស្រុក​ថ្មពួក ផ្សារ​ភ្នំស្រុក​ស្រុក​ភ្នំស្រុក ផ្សារ​សួន​កុមារ​ខេត្ត​នៅ​ក្រុង​សិរីសោភ័ណ ពុំមាន​អាជីវករ​ឬ​ផ្នែក​ឯកជន​ចូលរួម​ដេញថ្លៃ​ឡើយ ។​

​ដូច្នេះ មន្ត្រី​អាជ្ញាធរ​របស់ រដ្ឋ​ត្រូវធ្វើ​ការប្រមូល​ភា​ស៊ីខ្លួនឯង ។​

​តែ​សម្រាប់​ផ្សារ​ចម្ការ​គ ដែល​កាល​លើក​ទី​១ មាន​អាជីវករ​តែ​១​នាក់ ចូលរួម​ដេញថ្លៃ ដល់​លើក​ទី​២ មាន​អាជីវករ​៣​នាក់ ចូលរួម​ដេញថ្លៃ​ភា​សុ​ី​សម្រាប់​រយៈពេល​១​ឆ្នាំ លើ​តម្លៃ​មូលដ្ឋាន​ដែល​មន្ទីរ​រ​សេដ្ឋកិច្ច​និង​ហិរញ្ញវត្ថុ​ដាក់​ចំនួន​៨០​លាន​រៀល ។​

​ហើយ​ជ័យលាភី​ដេញ​បាន​គឺ​លោក​ស្រេង រ៉ា មកពី​ក្រុង​/​ខេត្តកំពង់ចាម ក្នុងតម្លៃ​ដេញ ៨៥​លាន​រៀល ឈ្នះ គូប្រកួត​២​នាក់​ទៀត​មកពី​ខេត្តបន្ទាយមានជ័យ ដែល​អ្នកស្រី​ឌៀប ឆ​វិ​ន ដេញ​ចំនួន​៨៣​លាន​រៀល​និង​ម្នាក់ទៀត អ្នកស្រី មុយ ច័ន្ទ​គន្ធ ដេញ​ចំនួន​៨៣​លាន​៥​ពាន់​រៀល ។​

​លោក​បឹង គឹម​សឹង្ហ ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ​ខេត្តបន្ទាយមានជ័យ ក៏​ដូច​លោក ជា គឹម​តុង តំណាង​ក្រសួង​ហិរញ្ញវត្ថុ បានអោយដឹងថា ៖ ការដែល​មន្ទីរ​នៅតែ​ដាក់អោយ​ដេញថ្លៃ​ភាស៊ី​គ្រប់​ប្រភេទ​អាជីវកម្ម​សម្រាប់​ឆ្នាំ​២០២១​នៅ​ខេត្តបន្ទាយមានជ័យ ពិសេស​លើ​ផ្សារ​និង​ទីតាំង​អាជីវកម្ម​នៅ​សេសសល់​ខ្លះ ដែលជា​របស់​រដ្ឋ​គ្រប់គ្រង​នោះ​គឺ​ដើម្បី​កុំអោយ​បាត់​មូលដ្ឋាន​អាជីវកម្ម​របស់​រដ្ឋ​។​

​លោក​បាន​បន្តថា ៖ ជាងនេះទៅទៀត គឺ​ដើម្បី​រក្សា​សន្តិសុខ សណ្តាប់ធ្នាប់ សោភ័ណភាព សម្អាត​បរិស្ថាន អនាម័យ​ផ្សារ​ទាំងនោះ កុំអោយ​ខូច​មុខមាត់​ស្រុក​ក្រុង​។​

​ទោះយ៉ាងណា អស់លោក​បាន​បញ្ជាក់ថា មូលដ្ឋាន​អាជីវកម្ម​ដែលជា​របស់​រដ្ឋ​និង​គ្រប់គ្រង​ការប្រមូល​ភាស៊ី​ដោយ​រដ្ឋ​នោះ នៅមាន​សេសសល់​តិចតួច ហើយ​ទំហំ​ទឹកប្រាក់​ក៏​តិចតួច​។ ហេតុនេះ បានជា​គ្មាន​អាជីវករ​ពី​ផ្នែក​ឯកជន​ចូលរួម​ដេញថ្លៃ ។​

​មូលដ្ឋាន​អាជីវកម្ម​របស់​រដ្ឋ​ក្នុង​ខេត្តបន្ទាយមានជ័យ​ដែល​សេសសល់​តែ​ប៉ុន្មាន​កន្លែង​នោះ មាន​ដូចខាងលើ​គឺ ផ្សារ​នៅ​ស្រុក​ភ្នំស្រុក ស្រុក​ស្វាយចេក ស្រុក​ថ្មពួក សួន​កុមារ​និង​ផ្សារ​ចម្ការ​គ​ក្រុង​សិរីសោភ័ណ ជាដើម​។​
​ក្រៅពី​រាប់សិប​កន្លែង ត្រូវបាន​ប្រគល់អោយ​ឯកជន​វិនិយោគ​នោះ ។​

​ដោយ​ឃើញ​ទិដ្ឋភាព​ដូច្នេះ ទើប​អង្គ​ប្រជុំបាន​ស្នើសុំ​យោបល់​សម្រេច​ពី​លោក អ៊ុ រាត្រី អភិបាលខេត្ត​និង​ជា​ប្រធាន​គណៈកម្មការ​ដេញថ្លៃ​ភាស៊ី​គ្រប់​ប្រភេទ​អាជីវកម្ម​ខេត្ត​។​

​សូមបញ្ជាក់ថា យោង​ការណែនាំ​របស់លោក​អ៊ុ រាត្រី អភិបាលខេត្ត​និង​ជា​ប្រធាន​គណៈកម្មការ​ដេញថ្លៃ​ភា​សុ​ី​គ្រប់​ប្រភេទ​អាជីវកម្ម​ខេត្ត បានអោយ​មន្ទីរ​សេដ្ឋកិច្ច​និង​ហិរញ្ញវត្ថុ​ខេត្ត​ត្រូវ​ពន្យារ​ការដេញថ្លៃ​លើក​ទី​២ គី​ទុក​បន្ត​រយៈពេល​១​សប្តាហ៍​។​ព្រោះ​ចង់អោយមាន​តម្លាភាព ហើយ​មាន​អាជីវករ​លើសពី​១​នាក់​ចូលរួម​ដេញថ្លៃ​។​


​ហើយ​ត្រូវ​ចេញ​លិខិត​ជូនដំណឹង​ដាក់អោយ​ដេញថ្លៃ​ប្រមូល​ភា​សុ​ី​ផ្សារ​ចម្ការ​គ ពីថ្ងៃ​ទី​២៩​ខែធ្នូ​ឆ្នាំ​២០២០​ទៅដល់​ថ្ងៃទី​៤​ខែមករា​ឆ្នាំ​២០២១​។​

​ហើយ​គណៈកម្មការ​ត្រូវ​បើក​កញ្ចប់​ដេញថ្លៃ​ពី​ម៉ោង​៨​និង​៣០​នាទី​ព្រឹក​ថ្ងៃទី​៥​ខែមករា​ឆ្នាំ​២០២១ តទៅ ។ ប៉ុន្តែ ដោយសារ​ការដេញ​ពី​២​ដង មាន​ចំនួន​ទឹកប្រាក់​ស្មើគ្នា ទើប​ឈានទៅ​ដេញ​៣​ដង​។​

​ពោលគឺ​និតិ​វិធី​នេះ​ស្របតាម​ការណែនាំ​របស់​ក្រសួង​សេដ្ឋកិច្ច​និង​ហិរញ្ញ​វត្ថ​និង​សេចក្តីជូនដំណឹង​ស្តីពី​ការដាក់អោយ​ដេញថ្លៃ​របស់​រដ្ឋបាលខេត្ត​៕​

ទីតាំងផ្សាយពាណិជ្ជកម្ម

- Advertisment -

Most Popular