Home ព័ត៌មានជាតិ សន្តិសុខ រាលកៃ​កាំភ្លើ...

រាលកៃ​កាំភ្លើង​កែច្នៃ បណ្តាល​ស្លាប់​ម្នាក់​

ដោយ​: គូលែន / សៀមរាប​: បុរស​ម្នាក់​បាន​ស្លាប់​ភ្លាមៗ នៅនឹងកន្លែង​កើតហេតុ បន្ទាប់ពី​រូបគាត់​បាន​យក​កាំភ្លើង​ឆ្នុក (​កែច្នៃ​) ឡើង​ចុងឈើ​បាញ់​សត្វ ហើយ​បាន​រាលកៃ​ដោយ​ខ្លួនឯង ត្រូវ​ចំពោះ​ធ្លាក់​ពីលើ​ដើមឈើ​ផ្កាប់មុខ​ប៉ះ​នឹង​ថ្ម បណ្ដាល​ឲ្យ​បែកក្បាល​ស្លាប់​នៅនឹងកន្លែង​។​

​ករណី​រាលកៃ​កាំភ្លើង​កែច្នៃ បណ្ដាល​ឲ្យ​មនុស្ស​ស្លាប់​ខាងលើ បាន​កើតឡើង​នៅវេលា​ម៉ោង​១០​និង​១៥​នាទី ថ្ងៃទី​៥ ខែមករា ឆ្នាំ​២០២១ នៅ​ចំណុច​លើ​ភ្នំ​បុស្ស​ត្រា ( ហៅ​ភ្នំ​ក្បាល​ខ្មោច ) ចំងាយ​១៤​គ​.​ម ភូមិ​ជ្រៃ ឃុំ​ខ្វាវ ស្រុក​ជីក្រែង ខេត្តសៀមរាប​។​

​សមត្ថកិច្ច​នគរបាល​ស្រុក​ជីក្រែង បាន​និយាយថា ជនរងគ្រោះ មានឈ្មោះ រឿន រ៉ូ ភេទ​ប្រុស អាយុ​២៧​ឆ្នាំ មាន​ទីលំនៅ​ភូមិ​ជ្រៃ ឃុំ​ខ្វាវ ស្រុក​ជីក្រែង​។​

​តាម​ការបំភ្លឺ​របស់​ក្រុមគ្រួសារ គឺ​ជនរងគ្រោះ​ពិតជា​បាន​រាលកៃ​អាវុធ​កៃ​ច្នៃ​ត្រូវ​ខ្លួនឯង ហើយ​ធ្លាក់​ពីលើ​ដើមឈើ​ពិតប្រាកដ​មែន​។ សព​ត្រូវបាន​ក្រុមគ្រួសារ យកមក​ទីលំនៅ​ធ្វើបុណ្យ​តាម​ប្រពៃណី​៕​

ទីតាំងផ្សាយពាណិជ្ជកម្ម

- Advertisment -

Most Popular