Home ព័ត៌មានជាតិ សន្តិសុខ តុលាការ ឃុំខ្...

តុលាការ ឃុំខ្លួន​មន្ត្រី​យោធា ដែល​យក​កាំភ្លើង វាយ​សន្តិសុខ​បែកក្បាល បណ្តាលអោយ​រងរបួស​ធ្ងន់ធ្ងរ​

​ដោយៈ​ស​រិ​ទ្ធ / កណ្តាលៈ នា​ល្ងាច​ថ្ងៃទី​៥ ខែមករា ឆ្នាំ​២០២១ នេះ លោក ថោង ផល្លា​រង្ស៊ី ចៅក្រម​ស៊ើបសួរ សាលាដំបូង ខេត្តកណ្តាល សម្រេច​ឃុំខ្លួន ដាក់ពន្ធនាគារ លើ​លោក​ផ្កាយ ១ យោធា ដែល​យក​កាំភ្លើង វាយ​សន្តិសុខ​បែកក្បាល បណ្តាលអោយ​រងរបួស​ធ្ងន់ធ្ងរ ។​

​យោធា​ផ្កាយ​១ រូបនេះ ត្រូវបាន​ចោទប្រកាន់ ពីបទ ប្រើប្រាស់​អាវុធ ខុសច្បាប់ តាម​មាត្រា ២០ ច្បាប់​ស្តីពី​ការគ្រប់គ្រង អាវុធ​គ្រឿងផ្ទុះ និង​បទ​ហិង្សា ដោយ​ចេតនា មាន​ស្ថាន​ទម្ងន់ទោស តាម​មាត្រា ២១៨ នៃ​ក្រមព្រហ្មទណ្ឌ ។ អំពើហិង្សា​នេះ កើតឡើង​នៅ​ថ្ងៃទី​៤ ខែមករា ឆ្នាំ​២០២១ វេលា​ម៉ោង ១២:៣០​នាទី រសៀល នៅ​ចំណុច​មន្ទីរ​សម្រាក​ព្យាបាល និង​សម្ភព សុខ ម៉េង ស្ថិត​ក្នុងភូមិ​អង្គស្នួល​ទី​៣ ឃុំ​ពើក ស្រុក​អង្គស្នួល ខេត្តកណ្តាល ។​

តុលាការ ឃុំខ្លួន​មន្ត្រី​យោធា ដែល​យក​កាំភ្លើង វាយ​សន្តិសុខ​បែកក្បាល បណ្តាលអោយ​រងរបួស​ធ្ងន់ធ្ងរ​

​សមត្ថកិច្ច បាន​ថ្លែងថាៈ ជនរងគ្រោះ ឈ្មោះ ច្រឹ​ក ស៊ីណា ភេទ​ប្រុស អាយុ​៣០​ឆ្នាំ មុខរបរ សន្តិសុខ ស្នាក់នៅ​ភូមិ​ត្រពាំង​ប្រុយ ឃុំ​បែក​ចាន ស្រុក​អង្គស្នួល ខេត្តកណ្តាល ។ ចំណែក​ជនសង្ស័យ ឈ្មោះ ហេង គា​ហុង ភេទ​ប្រុស អាយុ​៤១​ឆ្នាំ មុខរបរ បុគ្គលិក​មន្ទីរ​សម្រាក​ព្យាបាល និង​សម្ភព សុខ ម៉េង និង​ជាម​ន្ត្រី​យោធា ពាក់​ផ្កាយ​១ ។ ជនរងគ្រោះ ទទួលរង​នូវ ការរង​របួស បែកក្បាល​ផ្នែក​ខាងឆ្វេង លើ​ត្រចៀក​១​កន្លែង និង ដេរ​អស់ ៣ ថ្នេរ ។ វត្ថុតាង​ចាប់យក រួមមាន អាវុធខ្លី មួយ​ដើម ម៉ាក CF98 មាន​បង់​ចំនួន​មួយ និង គ្រាប់​ចំនួន​មួយ​។​

​នៅ​មុនពេល​កើតហេតុ ថ្ងៃទី​២ ខែមករា ឆ្នាំ​២០២១ វេលា​ម៉ោង​១៨:០០​នាទី ជនរងគ្រោះ បាន​ទៅ​យាម​ជំនួស​គេ មួយ​យប់ នៅ គ្លីនិក សុខ ម៉េង ។ នៅពេល​យាម ដល់​ម៉ោង​ប្រហែល ៥ ទៀបភ្លឺ ក៏មាន​មនុស្ស​ប្រុស​ម្នាក់ មក​សួរ​ជនរងគ្រោះ​ថា «​ពូ​សន្តិសុខ យាម​នៅ​ហ្នឹង រាល់ថ្ងៃ ទៅណា​ហើយ​» ជនរងគ្រោះ ឆ្លើយថា គាត់​សម្រាក​មួយថ្ងៃ​ហើយ ដោយ​ខ្ញុំ​យាម​ជំនួស​វិញ ។ ពេលនោះ មនុស្ស​ប្រុស​ម្នាក់​នោះ បាន​ខ្ចីលុយ ពី​ជនរងគ្រោះ ចំនួន ៣ ពាន់​រៀល ហើយ​ជនរងគ្រោះ ក៏​ឱ្យ​លុយ​ខ្ចី ចំនួន ៣ ពាន់​រៀល ហើយ​មនុស្ស​ប្រុស​នោះ ក៏​ដើរចេញ​ទៅវិញ ដោយ​ឃើញ​មាន​ពាក់​ស្បែកជើង ចេញទៅ​ដែរ ។​

តុលាការ ឃុំខ្លួន​មន្ត្រី​យោធា ដែល​យក​កាំភ្លើង វាយ​សន្តិសុខ​បែកក្បាល បណ្តាលអោយ​រងរបួស​ធ្ងន់ធ្ងរ​

​លុះដល់​ម៉ោង ៦ ព្រឹក ទើប​ជនរងគ្រោះ ចេញទៅ​ផ្ទះ​វិញ​ទៅ រហូតដល់​ថ្ងៃទី​៣ ខែមករា ឆ្នាំ​២០២១ វេលា​ម៉ោង ៨ ព្រឹក ជនសង្ស័យ បាន​បាត់​ស្បែកជើង​ស៊ក​ស្បែក ចំនួន​មួយគូ ដែល​ដោះ​ទុក នៅ​មាត់ទ្វារ​ចូល គ្លីនិក​របស់ខ្លួន ធ្វើការ​ដោយ​ជនសង្ស័យ គិតថា បងប្អូន​អ្នកជំងឺ យក​ពាក់​សិន ទើប​មិន​រក ។ រហូតដល់​ម៉ោង ៨ យប់ ថ្ងៃទី​៣ ដដែល មិនឃើញ​ស្បែកជើង​ទៀត ក៏បាន​ឆែក​កាមេរ៉ា​សុវត្ថិភាព​មើល ឃើញ​បុរស​ម្នាក់ បាន​ឈរ​និយាយ ជាមួយ​ជនរងគ្រោះ និង​ហុច​លុយ​ឱ្យ​ជនរងគ្រោះ ហើយ​បុរស​នោះ បាន​ពាក់​យក​ស្បែកជើង របស់​ជនសង្ស័យ ដើរ​ចេញទៅ​។ បន្ទាប់ពី​ឆែក​កាមេរ៉ា​សុវត្ថិភាព​ហើយ ជនសង្ស័យ បាន​ទាក់ទង​ទៅខាង ក្រុមហ៊ុន​សន្តិសុខ ដើម្បី​ហៅ​ជនរងគ្រោះ មក​ជជែក​គ្នា ឱ្យដឹង​សាច់រឿង​។​

​រហូតដល់​ថ្ងៃទី​៤ ខែមករា វេលា​ម៉ោង ១០​ព្រឹក ជនសង្ស័យ បាន​ណាត់​ជាមួយ​ក្រុមហ៊ុន​សន្តិសុខ ឱ្យ​នាំ​ជនរងគ្រោះ មក​ជជែក​គ្នា នៅក្នុង​គ្លីនិក តែ​មិនឃើញ​មក​សោះ ទើប​ជនសង្ស័យ ខឹង​ក៏​ជិះឡាន​ទៅផ្ទះ នៅ​ម្ដុំ​ផ្សារ​ជម្ពូ​វ័ន រាជធានី​ភ្នំពេញ វិញ​ទៅ​។​

តុលាការ ឃុំខ្លួន​មន្ត្រី​យោធា ដែល​យក​កាំភ្លើង វាយ​សន្តិសុខ​បែកក្បាល បណ្តាលអោយ​រងរបួស​ធ្ងន់ធ្ងរ​

រហូតដល់​ម៉ោង ១២ រសៀល ថ្ងៃទី​៤ ខែមករា នេះ ទើប​ក្រុមហ៊ុន​សន្តិសុខ ទៅដល់​គ្លីនិក មិនឃើញ​ជនសង្ស័យ ក៏​ទូរស័ព្ទ ហៅ​ជនសង្ស័យ មក​ជជែក​គ្នា​វិញ​។ លុះដល់​ម៉ោង​កើតហេតុ ជនសង្ស័យ ទៅដល់​គ្លីនិក ឃើញ​ជនរងគ្រោះ ឈរ​នៅមុខ ហើយក៏​យក​កាំភ្លើងខ្លី ពី​ចង្កេះ​ខោ មក​វាយ​ទៅលើ​ជនរងគ្រោះ ចំក្បាល​ផ្នែក​ខាងឆ្វេង បណ្តាលឱ្យ​ដួល ហើយ​ជនសង្ស័យ ក៏​ដើរចូល ក្នុង​គ្លីនិក​បាត់ទៅ ។ ចំណែក​ជនរងគ្រោះ ត្រូវបាន​បុគ្គលិក​ពេទ្យ យកទៅ​លាង​របួស និង​ដេរ ចំនួន ៣ ថ្នេរ​។ បន្ទាប់មក ជនរងគ្រោះ បាន​ទូរស័ព្ទ រាយការណ៍​ឱ្យ​សមត្ថកិច្ច ទើប​សមត្ថកិច្ច ចុះ​ទៅដល់​កន្លែងកើតហេតុ និង​ឃាត់ខ្លួន ជនសង្ស័យ រួមទាំង​វត្ថុតាង ដើម្បី​សាកសួរ ។​

​តាម​ចម្លើយសារភាព របស់​ជនសង្ស័យ បាន​សារភាពថា ខ្លួន​ពិតជា​បាន​យក​កាំភ្លើង ទៅ​វាយ​ជនរងគ្រោះ​ពិតមែន ដោយសារ​ខឹង ជួល​ឱ្យមក​យាម បែរជា​ត្រូវ​គ្នា ជាមួយ​ចោរ​ទៅវិញ ដើម្បី​លួច​ស្បែកជើង​របស់ខ្លួន ។​

​សូមបញ្ជាក់ថា តាម​ការ​ឆែក​កាមេរ៉ា​សុវត្ថិភាព ឃើញថា មាន​មនុស្ស​ប្រុស​ម្នាក់ បានមក​ហុច​លុយ​ឱ្យ​ជនរងគ្រោះ ប្រាកដ​មែន ៕/V

ទីតាំងផ្សាយពាណិជ្ជកម្ម

- Advertisment -

Most Popular