អង្គភាព​ប្រឆាំង​អំពើពុករលួយ​៖ គិត​មកដល់​ដើមខែ​មករា ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​

ដោយៈ ដេប៉ូ / ភ្នំពេញៈ អង្គភាព​ប្រឆាំង​អំពើពុករលួយ បានឱ្យដឹងថាៈ គិត​មកដល់ ត្រឹម​ថ្ងៃទី​៤ ខែមករា ឆ្នាំ ២០២១ នេះ អង្គភាព​របស់ខ្លួន​មួយ​នេះ បានទទួល​ឯកសារ ប្រកាស​ទ្រព្យសម្បត្តិ និង​បំណុល តាម​របប ២​ឆ្នាំ បាន ៥៦ ភាគរយ នៃ​ចំនួន ដែល​ត្រូវ​ប្រកាស ហើយ​នៅសល់​ប្រមាណ ៤៤ ភាគរយ​ទៀត​។​

​យោងតាម​សេចក្តីជូនដំណឹង របស់​ក្រុម​ប្រឹក្សាជាតិ ប្រឆាំង​អំពើពុករលួយ ដែល​បាន​បើក​កិច្ចប្រជុំ​លើក​ទី ៥ អាណត្តិ​ទី​៣ នៅ​ថ្ងៃទី​៥ ខែមករា ឆ្នាំ​២០២១ បានឱ្យដឹងថា បើ​គិត​មកដល់ពេលនេះ គឺមាន​ក្រសួង​-​ស្ថាប័ន​ចំនួន​១(​គណៈកម្មាធិការ​ជាតិ រៀបចំ​ការបោះឆ្នោត​) និង​ខេត្ត​ចំនួន​៧ (​ឧ​ត្ត​រ​មានជ័យ សៀមរាប ត្បូងឃ្មុំ កំពង់ឆ្នាំង ក្រចេះ កំពង់ចាម និង​កែប​) បានបញ្ចប់​ការប្រកាស​របស់ខ្លួន ១០០ ភាគរយ​ហើយ​។​

​ជាមួយគ្នានេះ អង្គភាព​ប្រឆាំង​អំពើពុករលួយ ក៏បាន​ឱ្យដឹង អំពី​ការ​រឹបអូស​ផល នៃ​បទល្មើស ដែល​កើតចេញពី​អំពើ បទល្មើស​ពុករលួយ មួយចំនួន ដូចជា ករណី​អតីត​អគ្គ​កុងស៊ុល ប្រចាំ​ក្រុង​គន់​ម៉ិ​ញ ប្រទេស​ចិន ករណី​អតីត​ប្រធាន មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី ខេត្តពោធិ៍សាត់ និង​ករណី​កោះរុង​។ ដោយឡែក ករណី​នៅ​ខេត្តបន្ទាយមានជ័យ ខេត្តស្វាយរៀង ខេត្តកំពង់ស្ពឺ​និង​បណ្តឹង​ផ្សេងៗ​មួយចំនួនទៀត​។​

​ដោយឡែក ក្រុម​ប្រឹក្សាជាតិ ប្រឆាំង​អំពើពុករលួយ បានឱ្យដឹង​ដែរ​ថាៈ បើទោះបីជា ក្នុង​ឆ្នាំ​២០២០​នេះ នៅ​បន្ត​ជួប​បញ្ហា​កូដ ០៩​ក៏ដោយ ក៏​ក្រុម​ប្រឹក្សាជាតិ ប្រឆាំង​អំពើពុករលួយ បាន​វាយតម្លៃ​ខ្ពស់ លើ​ការខិតខំ​ប្រឹងប្រែង អនុវត្ត​ការងារ ប្រឆាំង​អំពើពុករលួយ របស់​អង្គភាព ប្រឆាំង​អំពើពុករលួយ ការច្នៃប្រឌិត អនុវត្ត​ការងារ​ជា​ក្រុម​តូចៗ និង​តាម​អន​ឡាញ យ៉ាងសកម្ម លើ​គ្រប់​រូបភាព ទាំង​វិស័យ​សាធារណៈ ឯកជន ការប្រកាស​ទ្រព្យសម្បត្តិ និង​បំណុល​តាម​របប ២​ឆ្នាំ ឆ្នាំ​២០២១ និង​កិច្ចសហប្រតិបត្តិការ​អន្តរជាតិ ពង្រឹង​ការអនុវត្ត​អភិក្រម ទាំង ៥ របស់​សម្តេច​តេ​ជោ នាយករដ្ឋមន្ត្រី ដើម្បី​កាត់បន្ថយ អំពើពុករលួយ ពង្រឹង​សុចរិត​ភាព បង្កើន​ប្រាក់ចំណូល​ជាតិ និង​ទទួល​ទំនុកចិត្ត ពី​មហាជន​មកលើ រាជរដ្ឋាភិបាល ៕/V

គិត​មកដល់​ដើមខែ​មករា អង្គភាព​ប្រឆាំង​អំពើពុករលួយ ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​

គិត​មកដល់​ដើមខែ​មករា អង្គភាព​ប្រឆាំង​អំពើពុករលួយ ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​គិត​មកដល់​ដើមខែ​មករា អង្គភាព​ប្រឆាំង​អំពើពុករលួយ ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​

គិត​មកដល់​ដើមខែ​មករា អង្គភាព​ប្រឆាំង​អំពើពុករលួយ ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​គិត​មកដល់​ដើមខែ​មករា អង្គភាព​ប្រឆាំង​អំពើពុករលួយ ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​

គិត​មកដល់​ដើមខែ​មករា អង្គភាព​ប្រឆាំង​អំពើពុករលួយ ទទួលបាន​ឯកសារ ប្រកាស​ទ្រព្យសម្បត្តិ និង​បំណុល ៥៦ ភាគរយ​

ទីតាំងផ្សាយពាណិជ្ជកម្ម

- Advertisment -

Most Popular