Home ព័ត៌មានជាតិ សន្តិសុខ រថយន្ត​បើក​លឿ...

រថយន្ត​បើក​លឿន​បុក​ម៉ូតូ​ពីក្រោយ​ពេញទំហឹង​ផ្លោង​មនុស្ស​ជាច្រើន​ម៉ែត្រ​ស្លាប់​បុរស​ម្នាក់​

​ដោយៈ​សាវ​រក្ស​/​ភ្នំពេញៈ បុរស​ជាងដែក​ម្នាក់​ស្លាប់​គួរ​ឲ្យ​អ​ណោ​ច​អធម៌ បន្ទាប់ពី​ជិះ​ម៉ូតូ​សុខៗ​ត្រូវ​រថយន្ត​មិន​ចាំ​ម៉ាក បុក​ពីក្រោយ​ផ្លោង​ជាច្រើន​ម៉ែត្រ រថយន្ត​បង្ក​បើក​គេច​បាត់ស្រមោល​។ ហេតុការណ៍​នេះ កើតឡើង​នៅវេលា ម៉ោង​៩ និង​២០​នាទី​យប់ ថ្ងៃ​អង្គារ ទី​៥ ខែមករា ឆ្នាំ​២០២១ ស្ថិតនៅតាម​បណ្ដោយ​ផ្លូវ​៦០​ម៉ែត្រ​ចំណុច​ជិត​ច្រកចូល​សាលាខណ្ឌ​មានជ័យ ក្នុង​សង្កាត់​ចាក់អង្រែ​ក្រោម ខណ្ឌមានជ័យ ។​

​សព​ជនរងគ្រោះ​មានឈ្មោះ ផែន ចាន់ទី ហៅ​ប៉ា​ជូ​លី អាយុ​៣៣​ឆ្នាំ មុខរបរ​ជាងដែក ស្នាក់នៅ​បន្ទប់​ជួល​ភូមិ​ព្រែក​តា​នូ សង្កាត់​ចាក់អង្រែលើ ខណ្ឌមានជ័យ​។​មាន​ស្រុកកំណើត ភូមិ​បឹង​ព​ទ្ធ័ ឃុំ​ស្តុក ស្រុក​គង់​ពិសី ខេត្តកំពង់ស្ពឺ​។ ដោយ​ជិះ​ម៉ូតូ​ម៉ាក​ឌ្រឺ​ម​សង់ ស៊េរី​ឆ្នាំ​២០១២ ពណ៌​ខ្មៅ ពាក់​ស្លាក​លេខ ភ្នំពេញ 1BC.7511 ម៉ូតូ​ខ្ទិច​ផ្នែក​ខាងក្រោយ​។​

​មុនពេល​កើតហេតុ​បុរសរងគ្រោះ​ជិះ​ម៉ូតូ​ឌ្រី​ម​សង់​ធ្វើដំណើរ​តាម​បណ្តោយ​ផ្លូវ​៦០​ម៉ែត្រ​ក្នុងទិសដៅ​ពី​ត្បូង​ទៅ​ជើង​ខណៈ​មកដល់​ចំណុចកើតហេតុ​ខាងលើ រថយន្ត​មិន​ស្គាល់​ម៉ាក​បើក​ស្របគ្នា​មកពី​ក្រោយ​ល្បឿន​លឿន​ដូច​ហោះ មក​បុក ទាំង​កំរោល​ផ្លោង​ទាំង​ម៉ូតូ និង​ជនរងគ្រោះ​ជិត​៥០​ម៉ែត្រ​បណ្ដាល​ឲ្យ​បែកក្បាល​ស្លាប់​មួយ​រំពេច​។ ចំណែក​រថយន្ត​បង្ក​បើក​គេច បាត់ស្រមោល​។​

​ក្រោយ​កើតហេតុ​សមត្ថកិច្ច​ជំនាញ​ខណ្ឌ​ចុះមក​ធ្វើ​កំណត់ហេតុ​រួច​ប្រគល់​សព​ឲ្យ​ក្រុមគ្រួសារ​ដឹកយក​ទៅ​ស្រុកកំណើត​ធ្វើបុណ្យ​តាម​ប្រពៃណី​។​ដោយឡែក​ម៉ូតូ​របស់​ជនរងគ្រោះ​ត្រូវបាន​សមត្ថកិច្ច​យកទៅ​រក្សាទុក​រងចាំ​ស្រាវជ្រាវ​រក រថយន្ត​បង្ក​បន្តទៀត​៕​

ទីតាំងផ្សាយពាណិជ្ជកម្ម

- Advertisment -



Most Popular