Home ព័ត៌មានជាតិ សន្តិសុខ នគរបាល​ខណ្ឌឫស...

នគរបាល​ខណ្ឌឫស្សីកែវ ឃាត់​ជនសង្ស័យ​ម្នាក់ និង​ថ្នាំ​៩​កញ្ចប់​

ដោយៈ សាវ​រក្ស / ភ្នំពេញៈ កំលាំង​នគរបាល​ខណ្ឌឫស្សីកែវ បង្ក្រាប​ជាក់ស្តែង​ករណី​ជួញ ដូរ​ដោយ​ខុសច្បាប់ នូវ​សារធាតុ​ញៀន ដោយបាន​ឃាត់ខ្លួន ជនសង្ស័យ​ម្នាក់ និង​ថ្នាំ ៩ កញ្ចប់ នៅវេលា​ម៉ោងជាង ២ រំលងអធ្រាត្រ ចូល​ថ្ងៃទី​៦ ខែមករា ឆ្នាំ​២០២១ ត្រង់ចំណុច ទួល​ឆេ​កូ ផ្លូវ​បេតុង ក្រុមទី​១០ ភូមិ​ក្រោលគោ សង្កាត់​គីឡូម៉ែត្រ​លេខ​៦ ខណ្ឌ​ប្ញ​ស្សី​កែវ ។​

​លោក ហ៊ាង ថា​រ៉េត អធិការនគរបាល​ខ​ណ្ឌ​ឫស្សីកែវ បាន​ឲ្យ​ដឹងថាៈ ជនសង្ស័យ​មានឈ្មោះ អឿ ប៊ុនឆៃ អាយុ​២៣​ឆ្នាំ ជនជាតិខ្មែរ មានមុខ​របរ មិន​ពិតប្រាកដ មាន​លំនៅ នៅ​ផ្លូវ​បេតុង ភូមិ​ក្រោលគោ សង្កាត់​គីឡូម៉ែត្រ​៦ ខណ្ឌ​ប្ញ​ស្សី​កែវ (​តេស្ត​ទឹកនោម មាន​សារធាតុ​ញៀន​) និង​សំភារៈ​ដកហូត​បាន រួមមាន ក្រាម​ពណ៌​ស​ថ្លា ចំនួន​៩​កញ្ចប់​តូច​។ បច្ចុប្បន្ន ជនសង្ស័យ កំពុង​ឃាត់ខ្លួន​បណ្តោះអាសន្ន នៅ​អធិការដ្ឋាន​នគរបាល ខណ្ឌឫស្សីកែវ ដើម្បី​កសាង សំណុំរឿង បញ្ជូនទៅ​សាលាដំបូង រាជធានី​ភ្នំពេញ ចាត់ការ​បន្ត តាម​នីតិវិធី​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular