Home ព័ត៌មានអន្តរជាតិ ចិន​រួសរាន់​ច...

ចិន​រួសរាន់​ចាត់វិធានការ​កំចាត់​ការផ្ទុះ​វីរុ​សនៅក្នុង​ទីក្រុង​ដែល​មាន​មនុស្ស​រស់​នៅ​១១​លាន​នាក់​

​ប្រែ​សម្រួលៈ​វាសនា​/​ប៉េកាំង​៖​ការធ្វើដំណើរ​ត្រូវបាន​រឹតត្បិត​នៅក្នុង​ទីក្រុង​ចិន​ដែល​មាន​មនុស្ស​រស់​នៅ​១១​លាន​នាក់​មួយ ហើយ​សាលារៀន​បាន​បិទ​នៅពេល​អាជ្ញាធរ​កាលពី​ថ្ងៃ​ពុធ​ទី​៦​មករា បាន​ចាត់​វិធាន​​ការ​កំចាត់​ចោល​ការឆ្លង​ជំងឺ​ជា​ចង្កោម​មួយ ក្រោយ​ពី​មនុស្ស​រាប់​សិប​នាក់​ឆ្លងកូវី​ដ​១៩​។​

​ផ្លូវ​ហាយវ៉េ​ចំនួន​១០​ឆ្ពោះទៅ​កាន់​ទីក្រុង ស៊ីជៀ​ហ្សួង នៅ​ចម្ងាយ​ប្រមាណ​៣០០​គីឡូម៉ែត្រ​ខាងត្បូង​ក្រុង​ប៉េកាំង បាន​បិទ​និង​ស្ថានីយ​រថយន្តក្រុង​ក្នុង​ទីក្រុង​បាន​បិទ​ក្នុង​ការប៉ុនប៉ង​មួយ​ដើម្បី​រារាំង​វីរុស​​កុំអោយ​ឆ្លង​រាលដាល​ហួស​ពី​ទីក្រុង​នៅ​ខេត្ត ហឺ​ប៉ី នេះ​។​

​មាន​ការឆ្លង​១១៧​នាក់​នៅក្នុង​ទីក្រុង រួមមាន​៦៣​នាក់​កាលពី​ថ្ងៃ​ពុធ​ទី​៦​មករា និង​៧៨​ករណី​មិន​ចេញ​រោគសញ្ញា​ទេ ជាហេតុ​នាំ​អោយ​មាន​ការ​ធ្វើតេស្តិ៍​នៅ​ទូទាំង​តំបន់​រង​ផលប៉ះពាល់​។​

​ក្នុងពេល​ជាមួយគ្នា អ្នកស្រុក​ប្រមាណ​៤​សែន​នាក់ នៅ​ទីក្រុង​ណាន់​ហ្គោង​ក្បែរ​នោះ​ក៏​ត្រូវបាន​ធ្វើតេស្តិ៍​រក​វីរុស​នៅពេល​ទីក្រុង​ប៉េកាំង​កំពុង​ប្រញាប់ប្រញាល់​ចាក់​វ៉ាក់សាំង​អោយ​ដល់​មនុស្ស​រាប់លាន​នាក់​​អោយបាន​មុន​ចូល​ឆ្នាំ​ចិន​នៅ​ខែ​ក្រោយ​៕

​ចិន​កំពុង​ប្រញាប់ប្រញាល់​ចាក់​វ៉ាក់សាំង​ដល់​មនុស្ស​រាប់លាន​នាក់​នៅ​មុន​ចូលឆ្នាំ​ចិន​នៅ​ខែក្រោយ​

ទីតាំងផ្សាយពាណិជ្ជកម្ម

- Advertisment -

Most Popular