រាជធានី​ភ្នំពេញ​មាន​អគារ​ខ្ពស់ជាង​២០០០​អគារ ដែល​កើតឡើង​ពី​ប្រទេស​មាន​សន្តិភាព​

ដោយ​: រ៉ា​ម៉ន / ភ្នំពេញ​: លោក ឃួ​ង ស្រេង អភិបាល​រាជធានី​ភ្នំពេញ បាន​មានប្រសាសន៍​លើកឡើងថា​រដ្ឋាភិបាល​កម្ពុជា​ក្រោម​ការដឹកនាំ​របស់​សម្ដេច​អគ្គមហាសេនាបតី​តេ​ជោ​ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានធ្វើ​ឲ្យ​រាជធានី​ភ្នំពេញ​មានការ​អភិវឌ្ឍ​រីកចម្រើន​ចម្រើន​លើ​គ្រប់​វិស័យ​។

​លោក​បន្តថា​៖ ជាក់ស្តែង សម្រាប់​ពេលនេះ​រាជធានី​ភ្នំពេញ មាន​អគារ​ខ្ពស់ៗ ប្រមាណ​ជាង​២០០០​អគារ​។ ដូច្នេះ​លោក​អភិបាល​ស្នើ​សុំឱ្យ​បងប្អូន​ប្រជាពលរដ្ឋ​ទាំងអស់ ត្រូវ​រួមគ្នា​ថែរក្សា​ឱ្យបាន​នូវ​សន្តិភាព​ដែល​សម្ដេចនាយក​រដ្ឋមន្ត្រី​រកម​កបាន​ដោយ​លំបាក​នេះ​។​

​ការលើកឡើង​បែបនេះ​របស់លោក​ឃួ​ង ស្រេង អភិបាល​រាជធានី​ភ្នំពេញ បានធ្វើ​ឡើង​ក្នុង​កិច្ចសម្ភាសន៍​ជាមួយ​អ្នកសារព័ត៌មាន ក្រោយ​ពិធី​សម្ពោធ​ដាក់​ឲ្យ​ប្រើប្រាស់​ជា​ផ្លូវការ​នូវ​អគារ​មណ្ឌល​ច​ត្តា​ឡី​ស័ករា​ធានី​ភ្នំពេញ នៅ​ព្រឹក​ថ្ងៃទី​៦​ខែមករា​នេះ ស្ថិតនៅ​ភូមិ​ផ្សារ​លិច​សង្កាត់​ព្រែក​ព្នៅ ខណ្ឌ​ព្រែក​ព្នៅ​។​

​ក្នុងនោះ លោក ឃួ​ង ស្រេង បាន​បញ្ជាក់ថា​៖ ថ្ងៃ​០៧​មករា​១៩៧៩ -០៧​មករា​២០២១ មាន​អាយុកាល​៤២​ឆ្នាំ​ហើយ​។ ថ្ងៃ​៧​មក​រាជា​ថ្ងៃ​ប្រវត្តិសាស្ត្រ​ដែល​បងប្អូន​ប្រជាពលរដ្ឋ​កូនចៅ ជំនាន់​ក្រោយ​ទាំងអស់​ត្រូវ​ចងចាំ ព្រោះ​ជា​ថ្ងៃ​ដែល​សម្ដេច​តេ​ជោ​ហ៊ុន សែន​បាន​រំដោះ​ប្រជាពលរដ្ឋ​ចេញពី​ការកាប់សម្លាប់​របស់​ប​ន​ក្បត់​ប៉ុល ពត​។​សម្ដេច​តេ​ជោ ហ៊ុន សែន មិន​ត្រឹមតែ​រំដោះប្រទេស​ចេញពី​ការកាប់សម្លាប់​ប៉ុណ្ណោះ​ទេ​។ តែ​សម្ដេច​តេ​ជោ​នៅបាន​កសាង​អភិវឌ្ឍន៍​ប្រទេសជាតិ ចេញពី​ចំណុចសូន្យ​ឲ្យ​ប្រទេស​មានការ​អភិវឌ្ឍន៍​រីកចំរើន​លើ​គ្រប់​វិស័យ​ថែមទៀត ដែល​បានធ្វើ​ឲ្យ​កំណើនសេដ្ឋកិច្ច​កើនឡើង​ជាប្រចាំ​។ មកដល់ពេលនេះ សម្រាប់​រាជធានី​ភ្នំពេញ​មាន​អគារ​ខ្ពស់ៗ ចាប់ពី​៧​ជាន់​ឡើងទៅ មាន​ចំនួន​ជាង​២០០០​អគារ​ហើយ​។​នេះ​បង្ហាញ​ឱ្យ​ពិភពលោក​មើលឃើញថា​កម្ពុជា​មានកា​រ​អភិវឌ្ឍ​រីកចម្រើន​យ៉ាងខ្លាំង​ក្រោម​ការដឹកនាំ​របស់​សម្ដេច​តេ​ជោ​។​

​លោក ឃួ​ង ស្រេង បន្តថា​៖ មានការ​លើកឡើង​នូវ​ពាក្យ​មួយ​ថា កុំឱ្យ​រំលឹក​ពី​ការឈឺចាប់ គឺ​វា​នាំឱ្យ​យើង​ឈឺចាប់​ជាថ្មី​ម្ដងទៀត​។ តែ​សម្រាប់​ការ​រំលឹក​ថ្ងៃ​៧​មករា​ឆ្នាំ ១៩៧៩ យើង​ត្រូវតែ​រំលឹក ដើម្បីឱ្យ​កូនចៅ​ជំនាន់​ក្រោយៗ បានដឹង​ពី​ការឈឺចាប់ ដែល​ប្រជាពលរដ្ឋ​កម្ពុជា​យើង​បាន​ទទួលរង​ទុក្ខសោក ដោយ​ការកាប់សម្លាប់​ជាតិ​សាសន៍​ឯង​រហូតដល់​ជាង​៣​លាន​នាក់ ហើយ​ការ​រំលឹក​នេះ គឺ​ដើម្បីឱ្យ​បងប្អូន​ប្រជាពលរដ្ឋ​ទាំងអស់​ប្រុងប្រយ័ត្ន​ឱ្យបាន​ខ្ពស់បំផុត ក្នុងការ​ថែរក្សា​សន្តិភាព ជៀសវាង​ធ្វើឱ្យ​ប្រទេស​កម្ពុជា​ធ្លាក់ចូល​ទៅក្នុង​ភ្នក់ភ្លើងសង្គ្រាម​ជាថ្មី​ម្តងទៀត​៕​

ការធ្វើ​ច​ត្តា​ឡី​ស័ក​តាម​សណ្ឋាគារ និង​សាលារៀន​នៅ​ភ្នំពេញ​បានបញ្ចប់​

ការធ្វើ​ច​ត្តា​ឡី​ស័ក​តាម​សណ្ឋាគារ និង​សាលារៀន​នៅ​ភ្នំពេញ​បានបញ្ចប់​

ទីតាំងផ្សាយពាណិជ្ជកម្ម

- Advertisment -



Most Popular