Home ព័ត៌មានជាតិ សេដ្ឋកិច្ច ការនាំ​ចេញពី​...

ការនាំ​ចេញពី​កម្ពុជា​ទៅ អាម៉េរិក​នឹងត្រូវ​បង់ពន្ធ ខណៈ​កម្មវិធី​អនុគ្រោះ​ពន្ធ GSP ផុត​សុពលភាព​

​ដោយ​: ពៅ​និមល​/​ភ្នំពេញ​: ការនាំ​ទំនិញ​ពី​ប្រទេស​កម្ពុជា​ទៅកាន់ សហរដ្ឋ​អាម៉េរិក​នឹងត្រូវ បង់ពន្ធ​ចាប់ពី​ដើមឆ្នាំ​នេះ​ទៅ ដោយសារ​កម្មវិធី​អនុគ្រោះ​ពន្ធ​ទូទៅ​របស់​អាម៉េរិក ជី​អេស​ភី (US GSP) បាន​ផុត​សុពល ប៉ុន្តែ​អ្នក​នាំចេញ​ក៏​នឹង​អាច​ទទួលបាន​ប្រាក់​បង់ពន្ធ​នោះមក​វិញ នៅពេលដែល​សភា​អាម៉េរិក​បន្ត​សុពលភាព​នេះ​បន្តទៀត​។​

​នៅក្នុង​សេចក្តីជូនដំណឹង​ដល់​រោងចក្ររ​ផលិតផល​ធ្វើដំណើរ​ទាំងអស់​ក្នុងប្រទេស​កម្ពុជា ចុះ​ថ្ងៃទី​០៦ ខែមករា ឆ្នាំ​២០២១​នេះ សមាគម​រោងចក្រ​កាត់​នៅ​កម្ពុជា ហៅ​កាត់​ថា ជី​ម៉ាក (GMAC) បានឱ្យដឹងថា កម្មវិធី US GSP បាន​ផុតរលត់​សុពលភាព​កាលពី​ថ្ងៃទី​៣១ ខែធ្នូ ឆ្នាំ​២០២០ ដោយសារ​ការយឺតយ៉ាវ​ក្នុងការ​អនុម័ត​ច្បាប់​ដើម្បី​ផ្តល់​ដល់​កម្មវិធី​នេះ​ឡើងវិញ សភា​អាម៉េរិក​។ ការយឺតយ៉ាវ​នេះ ជា​បញ្ហា​ពាក់ព័ន្ធ​មួយ​ដល់​ប្រទេស​និង​ដែនដី​ចំនួន​១១៩ ដែល​ទទួលបាន​ផល​ពី​កម្មវិធី​នេះ​(​កម្ពុជា ជា​ប្រទេសមួយ​ក្នុងចំណោម​នោះដែរ​) ប៉ុន្តែ​ផល ប៉ះពាល់​ផ្ទាល់​នឹងមាន​ទៅលើ​អ្នកបញ្ជា​ទិញ អ្នក​នាំ​ដែល​នឹងត្រូវ​តម្រូវឱ្យ​បង់ពន្ធ​នាំចូល​រហូត ដល់​កម្មវិធី​នេះ​ត្រូវ​បានផ្តល់​សុពលភាព​ឡើងវិញ​។​

​ជី​ម៉ាក លើកឡើងថា ដោយ​ចាប់ផ្តើម​ពី​ឆ្នាំ​១៩៧៤ កម្មវិធី​អនុគ្រោះ​ពន្ធ​ទូទៅ​របស់​សហរដ្ឋ អាម៉េរិក​ត្រូវបាន​ផ្តល់ឱ្យ​ដំបូង​រយះពេល​១០​ឆ្នាំ​។ ចាប់តាំងពី​ពេល​នោះមក​កម្មវិធី​នេះ​បាន ផ្តល់​សុពលភាព​ឱ្យ​អនុវត្ត​ជា​បន្តបន្ទាប់​ចំនួន​១៤​ដង ដែលជា​ទូទៅ​ការផ្តល់​ទាំងនោះ​មាន សុពលភាព​រយះពេល​ពី ២​ទៅ​៣​ឆ្នាំ​។ ក្នុង​អ​ឡុង​ពេល​នៃ​ការ​ផុត​សុពល​នេះ ទំនិញ​ដែល នាំចូល ទៅក្នុង​សហរដ្ឋ​អាម៉េរិក​បន្ទាប់ពី​បំណាច់​ឆ្នាំ​២០២០ នឹង​ជាប់​អត្រាពន្ធ​នៃ​ប្រទេស ដែល​ទទួលបាន​ការអនុគ្រោះ​បំផុត (MFN) ប៉ុន្តែ​ការទាមទារ​ឱ្យមាន​ប្រព្រឹត្ត​កម្ម​អនុគ្រោះ ពន្ធ​ទូទៅ (​ជី​អេស​ភី​) គួរ​បន្ត​ធ្វើឡើង​ពីព្រោះ​ការអនុវត្ត​នាពេល​កន្លងមក​របស់​សភា​អាម៉េរិក ដែល​បាន​បន្ត​កម្មវិធី​នេះ គឺមាន​លក្ខណៈ​ប្រតិសកម្ម​ចាប់ពី​កាលបរិច្ឆេទ​ផុតរលត់​ពិតប្រាកដ ធ្វើ​ដូច្នេះ អ្នក​នាំចូល​នឹង​ទទួលបាន​ប្រាក់​ពន្ធ​ដែល​បាន​បង់​ត្រឡប់​ទៅវិញ (​មិនមាន​ការប្រាក់​) សម្រាប់​ពន្ធ​ដែល​បាន​បង់​ក្នុងអំឡុង​រយះពេល​ផុតរលត់​៕/PC

ទីតាំងផ្សាយពាណិជ្ជកម្ម

- Advertisment -

Most Popular