ក្រសួងសុខាភិបាល ផ្តល់​រថយន្ត​សង្គ្រោះបន្ទាន់ ២​គ្រឿង ដល់​មន្ទីរពេទ្យបង្អែក​ស្រុក​ពីរ នៅជាប់​ព្រំដែន​

ដោយៈ អូរ​ស្មាច់ / ឧ​ត្ត​រ​មាន​ជ័​យៈ ក្រសួងសុខាភិបាល បានផ្តល់​រថយន្ត​សង្គ្រោះបន្ទាន់ ចំនួន​ពីរ​គ្រឿង តាមរយៈ​អាជ្ញាធរខេត្ត​ឧ​ត្ត​រ​មានជ័យ ប្រគល់ជូន​ដល់​មន្ទីរពេទ្យបង្អែក ស្រុក​ពីរ នៅជាប់​ព្រំដែន គឺ​មន្ទីរពេទ្យបង្អែក ស្រុក​ត្រពាំង​ប្រាសាទ និង​មន្ទីរពេទ្យបង្អែក ស្រុក​បន្ទាយ អំពិល ដើម្បី​បម្រើ​ដល់ វិស័យ​សុខាភិបាល ក្នុង​ខេត្ត​ឧ​ត្ត​រ​មានជ័យ ឱ្យ​កាន់តែ​ល្អប្រសើ​ឡើង បន្ថែមទៀត​។​

​នៅក្នុង​ពិធី​ប្រគល់​-​ទទួល​រថយន្ត​សង្គ្រោះបន្ទាន់ នៅ​សាលាខេត្ត នា​ព្រឹក​ថ្ងៃទី​៦ ខែមករា ឆ្នាំ​២០២១ នេះ លោក ប៉ែន កុស​ល្យ អភិបាលខេត្ត​ឧ​ត្ត​រ​មានជ័យ បាន​មានប្រសាសន៍ថាៈ រថយន្ត​សង្គ្រោះបន្ទាន់ ទាំងពីរ​គ្រឿង​នេះ មាន​សារៈសំខាន់​ណាស់ សម្រាប់​ជួយ​ប្រជា ពលរដ្ឋ ដែលមាន​ជំងឺ និង​រងគ្រោះ​អាសន្ន​ផ្សេងៗ ដើម្បី​ដឹកបញ្ជូន​ទៅកាន់​មន្ទីរពេទ្យ បាន​ទាន់ពេលវេលា​។​

​ទន្ទឹមនឹងនេះ លោក​បាន​ផ្តាំផ្ញើ​ដល់ មន្ត្រី​សុខាភិបាល​ទាំងអស់ ដែល​កំពុង​បម្រើការ នៅតាម​មន្ទីរពេទ្យបង្អែក និង​តាម​មណ្ឌល​សុខភាព តាម​បណ្តា​ស្រុក​ទាំងពីរ ជាប់​ព្រំដែន ត្រូវ​បង្កើន​ការយកចិត្តទុកដាក់ លើកកម្ពស់​ការពិនិត្យ និង​ព្យា​ល​បាល​ជំងឺ​ជូន​ដល់​ប្រជា ពលរដ្ឋ ប្រកបដោយ​ក្រមសីលធម៌ និង​វិជ្ជាជីវៈ​។​

​លោក​បាន​ថ្លែង​បន្ថែមថាៈ រថយន្ត​ចំនួន​២​គ្រឿង ដែល​ទើប​ទទួលបាន​ពី​ក្រសួងសុខាភិបាល នេះ ត្រូវ​ជួយ​ថែរក្សា ឱ្យបាន​ល្អ ដើម្បី​ធានា​ដល់ ការប្រើប្រាស់ បានយូរ​អង្វែង​សម្រាប់ បម្រើសេវា​ដឹកជញ្ជូន អ្នកជំងឺ​ពី​មូលដ្ឋាន មកកាន់​មន្ទីរពេទ្យ ដើម្បី​ជួយ​សង្គ្រោះបាន​ទាន់ ពេលវេលា​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular