​ប្រកួត​បាល់ទះ​មិត្តភាព ដណ្ដើម​ពានរង្វាន់ អបអរសាទរ « ទិវា​ជ័យជម្នះ​៧​មករា​»

​ដោយៈ ទេព មង្គល / ភ្នំពេញៈ សហព័ន្ធ​កីឡាបាល់ទះ​កម្ពុជា បាន​សហការ​ជាមួយ ក្លិប​បាល់ទះ​វិសាខា នឹង​រៀបចំ​ការប្រកួត បាល់ទះ​មិត្តភាព ដើម្បី​អបអរសាទរ ដល់ «​ទិវា​ជ័យជម្នះ លើ​របប​ប្រល័យពូជសាសន៍ ៧​មករា​» ដែល​ប្រជុំ​ដោយ​ក្រុម​ខ្លាំងៗ លំដាប់​កំពូល នៅក្នុង​ប្រទេស​កម្ពុជា នៅ​ចុង​ខែម​ករានេះ ។ នេះ​បើតាម​ការបញ្ជាក់​ឱ្យដឹង នៅ​រសៀល​ថ្ងៃទី​៦ ខែមករា ឆ្នាំ​២០២១ ដោយ​ទំព័រ​ហ្វេ​ស​ប៊ុ​ក របស់លោក ស សុខា រដ្ឋលេខាធិការ ក្រសួង​អប់រំ យុវជន និង​កីឡា ។​

​ប្រភព​ដដែល បានឱ្យដឹងថាៈ សមាសភាព​ក្រុម ដែល​បានដាក់​ពាក្យ ចូលរួម​ប្រកួត មានដូចជាៈ ១) ក្លិប​បាល់ទះ​វិសាខា , ២) ក្លិប​កងពលធំ​អន្តរាគមន៍​លេខ​៣ ,
៣) ក្លិប​បញ្ជាការដ្ឋាន​អង្គរក្ស , ៤) ក្លិប​ក្រសួងមហាផ្ទៃ និង​៥) ក្លិប​ស្នងការដ្ឋាន​នគរបាល​រាជធានី​ភ្នំពេញ​។​

​ប្រភព​ដដែល បាន​បន្តថាៈ តាម​ការគ្រោងទុក ការប្រកួត នឹង​ប្រព្រឹត្តទៅ ចាប់ពី​ថ្ងៃទី​២០ ដល់​ថ្ងៃទី​២៤ ខែមករា ឆ្នាំ​២០២១ នៅ​ទីលាន​បាល់ទះ​វិសាខា (​ហ្គ្រេ​ន​ភ្នំពេញ​) ក្នុង​រាជធានី​ភ្នំពេញ​។ នេះ​ជាការ​ប្រកួត​ផ្លូវការ ដែល​រៀបចំ​នៅ​ដើមឆ្នាំ​២០២១ នេះ ដោយ​សហព័ន្ធ​កីឡាបាល់ទះ​កម្ពុជា​។​

​ប្រភព បាន​អះអាងថាៈ ក្រៅពី​ការប្រកួត ដើម្បី​អបអរសាទរ ដល់​ទិវា​ជ័យជម្នះ​៧​មករា ក៏​ជា​សកម្មភាព​មួយ ដើម្បី​ឲ្យ​កីឡាករ​បាល់ទះ​កម្ពុជា បាន​ឱកាស​បង្ហាញ សមត្ថភាព និង​កម្តៅ​សាច់ដុំ ដើម្បី​បង្កើន​កម្រិត​សមត្ថភាព ឲ្យ​កាន់តែ​ប្រសើរឡើង សម្រាប់​ត្រៀម​ការប្រកួត​សំខាន់ៗ នាពេលខាងមុខ​ទៀត​៕/V​.mara

ទីតាំងផ្សាយពាណិជ្ជកម្ម

- Advertisment -

Most Popular