Home ព័ត៌មានសំខាន់ៗ ម្នាក់​ស្លាប់...

ម្នាក់​ស្លាប់​និង​៣៦៥​ទៀតឆ្លងកូវី​ដ​១៩​នៅ​ថៃ​នា​ថ្ងៃនេះ​

​ប្រែ​សម្រួលៈ​វាសនា​/​បាងកក​(​បាងកក​ប៉ុស្តិ៍​)៖​បុរស​ម្នាក់​ដែល​បើក​រថយន្ត​ដឹក​ពលករ​ចំណាកស្រុក​ទៅ​និង​មកពី​កន្លែង​ធ្វើការ​បាន​ស្លាប់​ក្រោយ​ឆ្លងកូវី​ដ​១៩ នៅពេល​រដ្ឋាភិបាល​ថៃ​នៅ​ថ្ងៃ​ពុធ​ទី​៦​មករា​នេះ​​បាន​រាយការណ៍​ការឆ្លង​៣៦៥​ករណី​ទៀត​។​

​ការស្លាប់​របស់​បុរស​វ័យ​៦៣​ឆ្នាំ​នេះ​នាំអោយ​ថៃ​មាន​អ្នកជំងឺ​កូវី​ដ​១៩​ស្លាប់​សរុប​៦៦​នាក់ ក្នុងចំណោម​ការឆ្លង​ជំងឺ​នេះ​សរុប ៩.៣៣១​នាក់​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩​ថៃ បាន​និយាយ​ថា​ជនរងគ្រោះ​ដល់​ជីវិត​ជា​បុរស​វ័យ​៦៣​ឆ្នាំ ដែល​បើក​រថយន្ត​ដឹក​ពលករ​ចំណាកស្រុក​បរទេស​ទៅ​និង​មក​ពី​កន្លែង​ធ្វើការ​នៅ​ក្នុង​ខេត្ត​​សាមុត សា​ខន​។​បុរស​នេះ​បាន​ចូល​ដេកពេទ្យ​មួយ​កាលពី​ថ្ងៃ​២៧​ធ្នូ និង​បាន​ប្រកាសថា​ស្លាប់​កាលពី​ថ្ងៃ​អង្គារ ដោយសារ​ខូច​គ្រឿងក្នុង​ជា​ច្រើន​។​

​អ្នកនាំពាក្យ​មជ្ឈមណ្ឌល​បានអោយដឹង​ទៀត​ថា ក្នុងចំណោម​អ្នក​ឆ្លង​ថ្មី​៣៦៥​នាក់ មាន​២៥០​នាក់​ជា​ការឆ្លង​ក្នុង​សហគមន៍ និង​៩៩​នាក់​ជា​កម្មករ​ចំណាកស្រុក​ហើយ​១៦​នាក់​ទៀត​ជា​អ្នក​មក​ពី​ក្រៅប្រ​​ទេស​។​ខេត្ត ឈុន ប៊ូ​រី នាំមុខ​គេ​ខាង​ចំនួន​ឆ្លង​ក្នុងស្រុក​ថ្មី បន្ទាប់​មក​សាមុត ប្រកាន ,​ចាន់​ថា​ប៊ូ​រី និង​ក្រុង​បាងកក​។​

​អ្នកនាំពាក្យ​បាន​បន្ថែមថា មន្ត្រី​សុខាភិបាល​កំពុងធ្វើការ​ក្នុង​ក្រុមកម្មករ​បរទេស​នៅ​សាមុត សា​ខន ដើម្បី​កុំអោយ​វីរុស​ឆ្លង​រាលដាល​ពី​រោងចក្រ​មួយ​ទៅ​រោងចក្រ​មួយ​និង​ផ្ទះ​របស់​កម្មករ​។​

​ខេត្ត​សាមុត សា​ខន មាន​រោងចក្រ​ជាង​១០.០០០ ភាគច្រើន​តូចៗ​ជាមួយ​និយោជិត​ជាង​១០០​នាក់​៕

​កម្មករ​នៅ​ផ្សារ​បង្គារ​មួយ​ក្នុង​ខេត្ត​សាមុត​ព សា​ខន ចេញ​មក​ពិនិត្យ​សុខភាព​

 

ទីតាំងផ្សាយពាណិជ្ជកម្ម

- Advertisment -

Most Popular