Home ព័ត៌មានជាតិ នយោបាយ ជ័យជម្នះ​ថ្ងៃ...

ជ័យជម្នះ​ថ្ងៃទី ៧ មករា​គឺជា​ជ័យជម្នះ​នៃ​សេចក្តីស្នេហា​ជាតិ​និង​មេត្រីភាព​ដ៏​ស្មោះត្រង់​

ប្រែ​សម្រួលៈ​វិច្ឆិកា​/​ភ្នំពេញៈថ្ងៃទី ៧ ខែមករា​ឆ្នាំ ២០២១ គឺជា​ថ្ងៃ​ខួប​លើក​ទី ៤២ ឆ្នាំ​នៃ​ជ័យជម្នះ​លើ​របប​ប្រល័យ ពូជសាសន៍​ខ្មែរក្រហម ដែល​ប្រជាជន​កម្ពុជា​បានទទួល​មកវិញ​នូវ​សិទ្ធ​រស់រានមានជីវិត និង​ធ្វើ​ឲ្យ​ប្រទេស​កម្ពុជា​ប្រកបដោយ​សន្តិភាព ស្រស់បំព្រង​។​

លោក​ប្រធាន Ton Duc Thang, លោក​ប្រធាន​គណៈកម្មាធិការ​អចិន្ត្រៃយ៍​រដ្ឋសភា Truong Chinh, លោកនាយក​រដ្ឋមន្ត្រី Pham Van Dong, លោក​ឧបនាយករដ្ឋមន្ត្រី នាយ​ឧ​ត្ត​ម​សេនីយ៍ Vo Nguyen Giap, ឧបនាយករដ្ឋមន្ត្រី លោក Nguyen Duy Trinh អញ្ជើញ​ស្វាគមន៍​សម្តេច ព្រះ​នរោត្តម​សីហនុ យាង​មក​ធ្វើ​ទស្សនកិច្ច​នៅ​ប្រទេស​វៀតណាម (​រូបថត​៖ TTXVN)

​នេះ​គឺជា​ថ្ងៃ​ដ៏​មាន​សារសំខាន់​សម្រាប់​ប្រជាជន​កម្ពុជា​គឺជា​ឱកាស​មួយ​ដើម្បី​បញ្ជាក់​ពី​តួនាទី​និង​ភាពជា​អ្នកដឹកនាំ​របស់​គណបក្ស​ប្រជាជន​កម្ពុជា ចំពោះ​បុព្វហេតុ​រំដោះ​ប្រទេសជាតិ ហើយក៏​ជា​ឱកាស​ដើម្បី​រំលឹក​ដល់​ការលះបង់ និង​ពលី​កម្ម​របស់​កងទ័ព​ស្ម័គ្រចិត្ត​វៀតណាម ក្នុង​ការតស៊ូ​ប្រយុទ្ធ​ជាមួយ​របប​ប្រល័យពូជសាសន៍ ដើម្បី​ដណ្តើម​សិទ្ធិ​រស់រានមានជីវិត​សម្រាប់​ប្រជាជន​កម្ពុជា​។ នៅ​ឆ្នាំ ២០២០ នេះ ដោយសារ​ការវិវឌ្ឍ​ដ៏​ស្មុគស្មាញ​នៃ​ការរីក​រាលដាល​ជំងឺ​រាតត្បាត​កូ​វីដ ១៩ ហេតុដូច្នេះ ពិធី​រំលឹក​ខួប​លើក​ទី ៤២ ឆ្នាំ នៃ​ទិវា​រំដោះ​កម្ពុជា ទំនងជា​មិនអាច​ធ្វើឡើង​យ៉ាង​ឧឡា​រិ​ក​ដូច​ធម្មតា​ទេ​។​ថ្វី​ដូច្នេះ​ក៏ដោយ​អត្ថន័យ​នៃ​ទិវា​៧​មករា​នៅតែ​ស្ថិត​ជា​អមតៈ​ក្នុង​ដួងចិត្ត​របស់​ប្រជាជន​កម្ពុជា​និង​ប្រជាជន​វៀតណាម​ក៏ដូចជា​ប្រជាជន​ដែល​ស្រឡាញ់​សន្តិភាព​នៅ​ទូទាំង​ពិភពលោក​ផងដែរ​។​

​ត្រឡប់មក​ប្រវត្តិសាស្ត្រ​វិញ​នៃ​បណ្តា​ឆ្នាំ ៧០ នៃ​សតវត្ស​ទី ២០ បន្ទាប់ពី​ឡើងកាន់​អំណាច​ពីថ្ងៃ​ទី ១៧ ខែមេសា​ឆ្នាំ ១៩៧៥ របប​ខ្មែរក្រហម ដែល​ដឹកនាំ​ដោយ ប៉ុលពត​បាន​អនុវត្ត​គោលនយោបាយ​ប្រល័យពូជសាសន៍​ចំពោះ​ប្រជាជន​កម្ពុជា​និង​បំផ្លាញ​គ្រឹះស្ថាន សេដ្ឋកិច្ច​វប្បធម៌​និង​សង្គម​។​ផលវិបាក​គឺ​ប្រជាជន​ស្លូតត្រង់​ជាង​ពីរលាន​នាក់​ត្រូវការ​សម្លាប់​រង្គាល​ហើយ​ប្រទេស​កម្ពុជា​ត្រូវបាន​បំផ្លិចបំផ្លាញ រាជធានី​ភ្នំពេញ​ដ៏​ស្អាត​អស្ចារ្យ​ក្លាយទៅជា​ទីក្រុង​ខ្មោច​។ បើ​និយាយ​ពី​កិច្ចការ​ការបរទេស​វិញ ប៉ុលពត​បាន​អនុវត្ត​គោលនយោបាយ អរិភាព​ចំពោះ​វៀតណាម ហើយ​ពួកគេ​តែងតែ​អនុវត្តន៍​ការវាយប្រហារ​ប្រដាប់អាវុធ​ដើម្បី​លុកលុយ​ទឹកដី សម្លាប់​ជន​ស៊ីវិល និង​បំផ្លាញ​ភូមិ​ស្រុក​វៀតណាម​នៅតាម​តំបន់​ព្រំដែន​។ ពោលគឺ ក្នុងអំឡុងពេល​ពី​ខែឧសភា ឆ្នាំ ១៩៧៥ ដល់​ខែធ្នូ ឆ្នាំ ១៩៧៨ ប៉ុលពត បានសម្លាប់​ជន​ស៊ីវិល​ស្លូតត្រង់​វៀតណាម​ជាង ៥.២៣០ នាក់ ចាប់​ឃុំឃាំង​បាន​និង​សម្លាប់​មនុស្ស​ជាង​ពីរ ម៉ឺន​នាក់​។

​សកម្មភាព​អមនុស្សធម៌​របស់រប​ប​ខ្មែរក្រហម បាន​សាបព្រោះ​ការឈឺចាប់​និង​ខឹងសម្បារ មិន​ត្រឹមតែ​ចំពោះ​ប្រជាជន​កម្ពុជា​ប៉ុណ្ណោះ​ទេ ថែមទាំង​ចំពោះ​ប្រជាជន​វៀតណាម​ទៀតផង​។ ចំពោះមុខ​អំពើ​ឃោរឃៅ​របស់​ខ្មែរក្រហម​ទៅលើ​ប្រជាជន​កម្ពុជា​និង​វៀតណាម​នោះ កងទ័ព​ស្ម័គ្រចិត្ត​វៀតណាម​“​កងទ័ព​ព្រះពុទ្ធ​”​បានមក​ជួយសង្គ្រោះ​ជាបន្ទាន់​ដោយបាន​ចូលរួម​សហការ​ជាមួយ​រណសិរ្ស​សាមគ្គី​សង្គ្រោះ​ជាតិ​កម្ពុជា (​ត្រូវបាន​បង្កើតឡើង​នៅ​ខែធ្នូ​ឆ្នាំ ១៩៧៨) ដើម្បី​ប្រឆាំងនឹង​របប​ប្រល័យពូជសាសន៍​ខ្មែរក្រហម រំដោះ​ទីក្រុង​ភ្នំពេញ នៅ​ថ្ងៃទី ៧ ខែមករា​ឆ្នាំ ១៩៧៩ បង្កើតជា​មូលដ្ឋានគ្រឹះ​ដ៏​សំខាន់​មួយ សម្រាប់​ការបំផ្លាញ​សំណល់​សេសសល់​របស់​ខ្មែរក្រហម​។​

​បន្ទាប់ពី​ត្រូវបាន​រំដោះ​មក ថ្នាក់ដឹកនាំ​នៃ​គណបក្ស​ប្រជាជន​កម្ពុជា បាន​ប្រកៀក​ស្មារ​ជាមួយ​អ្នក​រស់រាន​ពី​របប​ប្រល័យពូជសាសន៍ ដើម្បី​ចូលរួម​ក្នុងការ​ស្ថាបនា​ប្រទេសជាតិ​ឡើងវិញ​។ ប្រជាជាតិ​ទាំងពីរ​វៀតណាម – កម្ពុជា បន្ត​រួមគ្នា​កសាង​ភាពជា​អ្នកជិតខាង​មិត្តភាព កិច្ចសហប្រតិបត្តិការ​និង​ការអភិវឌ្ឍន៍ រួមគ្នា​ចូលរួម​សមាហរណកម្ម​សេដ្ឋកិច្ច​ក្នុង​តំបន់​និង​អន្តរជាតិ​។

​ក្រោម​ការដឹកនាំ​របស់​រាជរដ្ឋាភិបាល ដឹកនាំ​ដោយ​នាយករដ្ឋមន្ត្រី​សម្តេច តេ​ជោ ហ៊ុនសែន វិស័យសេដ្ឋកិច្ច​របស់​ប្រទេស​កម្ពុជា បាន​បោះជំហាន​ទៅមុខ​គួរ​ឲ្យ​កត់សម្គាល់ ដែល​បាន​ក្លាយជា​ខឿនសេដ្ឋកិច្ច​ប្រកបដោយ​ថាមពល​នៅក្នុង​តំបន់ មាន​សន្ទុះ​កំណើន​ខ្ពស់ ហើយ​ជីវភាព​រស់នៅ​របស់​ប្រជាជនមាន​ការកែលំអរ​ដោយ​ឥតឈប់ឈរ​។ ទន្ទឹម​ជាមួយគ្នា​នោះ ប្រព័ន្ធ​អប់រំ​សុខាភិបាល​និង​សន្តិសុខ សង្គម​ត្រូវបាន​រាជរដ្ឋាភិបាល​ផ្តោត​ការយកចិត្តទុកដាក់​និង​កំពុងមាន​ការរីកចម្រើន​ឥតឈប់ឈរ​ហើយ​កិត្យានុភាព​និង​តួនាទី​របស់​ប្រទេស​កម្ពុជា​ត្រូវបាន​លើកកម្ពស់​កាន់តែខ្លាំង​ឡើង​នៅក្នុង​តំបន់​និង​លើ​ឆាក​អន្តរជាតិ​។​


ប្រជាជន​នៅ​រាជធានី​ភ្នំពេញ​បាន​ជូន​ដំណើរ​កម្មាភិបាល និង​យុទ្ធជន​នៃ​អង្គភាព​ទី ៤ -​កងទ័ព​ស្ម័គ្រចិត្ត​វៀតណាម​វិលត្រឡប់​មកកាន់​ប្រទេស​វិញ នៅ​ព្រឹក​ថ្ងៃទី ២ ខែឧសភា​ឆ្នាំ ១៩៨៣ បន្ទាប់ពី​បំពេញ​កាតព្វកិច្ច​អន្តរជាតិ​របស់ខ្លួន (​រូបថត​៖ TTXVN)

​រហូតមកដល់​បច្ចុប្បន្ន​នេះ​ទោះបីជា​របប​ប៉ុលពត​ត្រូវបាន​បំផ្លាញ​ក៏ដោយ​ក៏​មុខសញ្ញា​ប្រឆាំង​ក្នុងស្រុក​និង​អរិភាព​តែងតែ​ស្វែងរក​មធ្យោបាយ​ដើម្បី​បំផ្លាញ​សមិទ្ធផល​អភិវឌ្ឍន៍រ​បស់​កម្ពុជា​ក្រោម​ការដឹកនាំ​ប្រកបដោយ​គតិបណ្ឌិត​រប​ស់​គណបក្ស​ប្រជាជន​កម្ពុជា​ដែលមាន​សម្តេច ហ៊ុនសែន​ជា​ប្រមុខ ហើយ​ជាងនេះទៅទៀត ប្រឆាំងនឹង​ទំនាក់ទំនង​ប្រពៃណី​ល្អ​រវាង​វៀតណាម​និង​កម្ពុជា​។ ពួកគេ​បាន​បង្កាច់បង្ខូច​ថា កងទ័ព​ស្ម័គ្រចិត្ត​វៀតណាម​ចូលលុកលុយ​ទឹកដី​កម្ពុជា​ហើយ​បាន​មួលបង្កាច់​ថា​រដ្ឋាភិបាល​របស់លោក​នាយករដ្ឋមន្ត្រី​ហ៊ុនសែន​គឺជា​រដ្ឋាភិបាល​អាយ៉ង​។​ទាំងអស់នោះ​គឺជា​ការចោទប្រកាន់​ដោយ​មិន​សម​ហេតុផល​ជា​ការមូល​បង្កាច់​ទាំង​ងងើល​របស់​អ្នក​ដែល​ដឹង​តែ​ផលប្រយោជន៍​ផ្ទាល់ខ្លួន គ្រាន់​លក់​មនសិការ​រ​បស់​ខ្លួន​ថោក​បំផុត និង​ជាន់ឈ្លី​ផលប្រយោជន៍​របស់​ប្រជាជន​និង​ប្រទេសជាតិ​ប៉ុណ្ណោះ​។

​ពួកគេ​មិនដឹងថា ប្រជាជន​កម្ពុជា​ទាំងមូល បាន​យល់ដឹង​យ៉ាងច្បាស់​ពី​សារសំខាន់​នៃ​ថ្ងៃ​ជ័យជម្នះ​ថ្ងៃទី ៧ មករា​ព្រមទាំង​មើលឃើញ​យ៉ាង ច្បាស់​ពី​តួនាទី​ដ៏​ឧ​ត្តុ​ង​ឧ​ត្ត​ម​របស់លោក​នាយករដ្ឋមន្ត្រី ហ៊ុនសែន​និង​ថ្នាក់ដឹកនាំ​ជាន់ខ្ពស់​នៃ​គណបក្ស​ប្រជាជន​កម្ពុជា​ក៏ដូចជា​ការជួយ ឧបត្ថម្ភ​របស់​កងទ័ព​ស្ម័គ្រចិត្ត​វៀតណាម​ក្នុង​បុព្វហេតុ​រំដោះជាតិ​និង​កសាង​ប្រទេសជាតិ​។​នោះ​ហើយ​ជា​មូល​ហេតុដែល​ប្រជាជន​កម្ពុជា​តែងតែ​បោះឆ្នោតឱ្យ​គណបក្ស​ប្រជាជន​កម្ពុជា​ហើយ​នៅលើ​ទឹកដី​នៃ​ព្រះរាជាណាចក្រ​កម្ពុជា​វិមាន​កងទ័ព​ស្ម័គ្រចិត្ត​វៀតណាម​ជាច្រើន​ត្រូវបាន​សាងសង់​និង​ត្រូវបាន​ប្រជាជន​កម្ពុជា​គោរព​ជានិច្ច​។​
​អត្ថន័យ​នៃ​ជ័យជម្នះ ថ្ងៃទី ៧ មករា នឹង​នៅតែ​ស្ថិតក្នុង​ដួងចិត្ត​របស់​ប្រជាជន​នៃ​ប្រទេស​ទាំងពីរ​កម្ពុជា – វៀតណាម​ជា​រៀងរហូត ដែលជា​ជ័យជម្នះ​នៃ​សេចក្តីស្នេហា​ជាតិ​និង​ចំណង​មេត្រី​មិត្ត​សុទ្ធសាធ​រវាង​វៀតណាម​និង​កម្ពុជា​។​ដោយ​លើកកម្ពស់​ស្មារតី​ស្នេហា​ជាតិ​នៃ​ថ្ងៃ ៧ មករា ក្រោម​ការដឹកនាំ​ប្រកបដោយ​គតិបណ្ឌិត​រប​ស់​គណបក្ស​ប្រជាជន​កម្ពុជា​ដោយ​នាយករដ្ឋមន្ត្រី​សម្តេច​ហ៊ុនសែន​ជា​ប្រមុខ​នោះ នាពេល​ខាងមុខនេះ​ប្រជាជន​កម្ពុជា​ប្រាកដជា​ទទួលបាន​លទ្ធ​ផល​ដ៏​មហិមារ​កាន់តែច្រើន​ក្នុង​បុព្វហេតុ​នៃ​ការកសាង​និង​អភិវឌ្ឍន៍​ប្រទេសជាតិ​។ ទន្ទឹម​ជាមួយគ្នា​នោះ រួមជាមួយ​រដ្ឋាភិបាល​និង​ប្រជាជន​វៀតណាម បន្ត​ពូន​ជ្រុំ​ចំណង​សាមគ្គីភាព មិត្តភាព​កិច្ចសហប្រតិបត្តិការ និង​ការអភិវឌ្ឍ​ដើម្បី​ប្រកៀក​ស្មារ​ជាមួយគ្នា ក្នុង​ដំណើរការ​សមាហរណកម្ម​ជាមួយ​តំបន់​និង​ពិភពលោក​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular