ការប្រកួត​កីឡា​អុកចត្រង្គ​កំពុងដំណើរការ

ដោយៈ ជា សីហៈ​/​ភ្នំពេញៈ កីឡាករ​ចំនួន​៦៤​នាក់ មកពី​១៧​ក្លឹប​ពី​រាជធានី​ខេត្ត​នានា កំពុងតែ​ចូលរួម​ប្រកួតប្រជែង​ជើងឯក នៅក្នុង​ការប្រកួត​កីឡា​អុកចត្រង្គ​ជ្រើសរើស​ជើង ឯក​ថ្នាក់ជាតិ ប្រចាំឆ្នាំ​២០២០ ដែល​បាន​បើក​ការប្រកួត​តាំងតែ​ព្រឹក​ថ្ងៃទី​៥​នៅ​ក្លឹប​សេះ​ខៀវ រាជធានី​ភ្នំពេញ ។​

​យោងតាម​របាយការណ៍​សហព័ន្ធ​កីឡា​អុកចត្រង្គ​កម្ពុជា​បាន​ឲ្យ​ដឹងថា កីឡាករ​ដែល​ចូល រួម​ចំនួន​៦៤​នាក់​នេះ មកពី​ក្លឹប​ចំនួន​១៧ ដោយ​៧​ក្លឹប​មកពី​ខេត្ត​ចំនួន​៧ និង​១០​ក្លឹប​ទៀត នៅ​រាជធានី​ភ្នំពេញ ក្រោម​ការរៀបចំ​ដោយ​សហព័ន្ធ​កីឡា​អុកចត្រង្គ​កម្ពុជា និង​ទទួលបាន ថវិកា​គាំទ្រ​ពី​ក្រសួង​អប់រំ យុវជន និង​កីឡា នៃ​គម្រោង​ថវិកា​៣​មុខសញ្ញា គឺ​រដ្ឋបាល ២០% ការបណ្តុះបណ្តាល ៣៥% និង​ការប្រកួត ៤៥%​។ សហព័ន្ធ​បាន​ចាត់ទុកថា ការប្រកួត​នេះ ពិត​ជាមាន​សារៈសំខាន់​ណាស់ ក្នុងការ​ពង្រឹង និង​លើកស្ទួយ​វិស័យ​កីឡា​អុកចត្រង្គ ដែលជា​កេរ្តិ៍មរតក​ដូនតា​ខ្មែរ ដើម្បី​បន្ត​ការអភិរក្ស និង​អភិវឌ្ឍ​ប្រភេទ​កីឡា​ប្រពៃណី វប្បធម៌​ជាតិ​មួយ​នេះ​ទាំង​ថ្នាក់ជាតិ ក៏ដូចជា​អន្តរជាតិ ជាពិសេស​គឺ​សម្រួច​គោលដៅ ឆ្ពោះទៅ​ទទួល​ធ្វើជា​ម្ចាស់ផ្ទះ ការប្រកួត​កីឡា​ស៊ី​ហ្គេម លើក​ទី​៣២ ឆ្នាំ​២០២៣ នៅ​កម្ពុជា ផងដែរ​។​

​លោក ឃាង ពី​វ អនុប្រធាន​ស​ព័ន្ធ​កីឡា​អុកចត្រង្គ​កម្ពុជា​លើកឡើងថា នេះ​ជា​លើក​ទី​៣ ដែល​សហព័ន្ធ​បានរៀបចំ​ការប្រកួត​ជើងឯក​ថ្នាក់ជាតិ​នេះ​ឡើង​នៅក្នុង​គោលបំណង​បណ្តុះ បណ្តាល​ធនធាន​កីឡាករ ដើម្បី​បង្កើន​សមត្ថភាព​ដល់​កីឡាករ និង​កីឡាការិនី​ឲ្យ​កាន់ តែ​ល្អប្រសើរ​បន្ថែមទៀត​។

​តាម​ការគ្រោងទុក ការប្រកួត​នេះ​នឹងត្រូវ​បញ្ចប់​នៅ​ថ្ងៃទី ០៧ ខែ មករា ស្អែក​នេះ ៕​/PC

ទីតាំងផ្សាយពាណិជ្ជកម្ម

- Advertisment -

Most Popular