អាជ្ញាធរខេត្ត​ពីរ ជាប់​ព្រំដែន​គ្នា ជូ​ប​ពិភាក្សា​ពង្រឹង​ចំណងមិត្តភាព និង​បន្ត​ទប់ស្កាត់ បទល្មើស​ខុសច្បាប់​

ដោយៈ អូរ​ស្មាច់ / ឧ​ត្ត​រ​មាន​ជ័​យៈ អាជ្ញាធរខេត្ត​ឧ​ត្ត​រ​មានជ័យ (​កម្ពុជា​) និង​អាជ្ញាធរខេត្ត​សុរិន្ទ (​ថៃ​) ដែលជា​ខេត្ត​នៅជាប់​ព្រំដែន​គ្នា បាន​ជួបពិភាក្សា​ការងារ ពង្រឹង​ចំណងមិត្តភាព សាមគ្គីភាព កិច្ចសហប្រតិបត្តិការ និង​បន្ត​រួមសហការ ទប់ស្កាត់​បទល្មើស ខុសច្បាប់ ឆ្លងដែន ។ ក្នុង​ជំ​នូ​ប​ពិភាក្សា នៅ​បរិវេណ​មាត់ច្រក​ទ្វារ ព្រំដែន​អន្តរជាតិ អូរ​ស្មាច់​-​ឆ​ង​ចម នា​រសៀល ថ្ងៃទី​៦ ខែមករា ឆ្នាំ​២០២១ រវាង​អាជ្ញាធរខេត្ត ទាំងពីរ​នេះ គឺ​ភាគី​កម្ពុជា ដឹកនាំ​ដោយ​លោក ប៉ែន កុស​ល្យ អភិបាលខេត្ត​ឧ​ត្ត​រ​មានជ័យ ។ ឯ​ភាគី​អាជ្ញាធរ​ថៃ ដឹកនាំ​ដោយ​លោក ស៊ុ​វ៉ៈ​ផុង គិ​ទិ​ផាត់​ភិ​ប៊ូ​ន អភិបាលខេត្ត​សុរិន្ទ​។​

​មន្ត្រី​ខាង​ភាគី​កម្ពុជា បាន​បញ្ជា​កោ់្យ​ដឹងថាៈ ក្នុង​កិច្ច​ជំ​នូ​ប​ពិភាក្សា​ការងារ និង​ពង្រឹង​ចំណងមិត្តភាព សាមគ្គីភាព​នេះ ជា​លទ្ធផល ភាគី​ទាំងពីរ បាន​ឯកភាព បន្ត​រួម​សហការគ្នា ទប់ស្កាត់​ការរីក​រាលដាល ជំងឺ​កូ​វីដ​១៩ ឆ្លងដែន បន្ត​សហការ និង​សម្របសម្រួល ដល់​ការឆ្លង​ព្រំដែន នូវ​ទំនិញ​ចេញចូល មាន​លក្ខណៈ​ពាណិជ្ជកម្ម ឲ្យ​ស្របតាម​បទដ្ឋាន បច្ចេកទេស​ត្រឹមត្រូវ នៃ​ប្រទេស​ទាំងពីរ គឺ​ប្រគល់ឱ្យ​សមត្ថកិច្ច​គយ ប្រចាំ​តំបន់​ច្រក បន្ត​មុខការ ហើយ​ក្រៅពីនេះ អាជ្ញាធរ​ទាំងពីរ បាន​ប្តេជ្ញា​បន្ត​រួមគ្នា ទប់ស្កាត់​ការឆ្លង​ព្រំដែន ខុសច្បាប់ របស់​ប្រជាពលរដ្ឋ ពិសេស​ការឆ្លង​ព្រំដែន ចូល​កាប់​ឈើ ការ​លួច​នាំចេញ នូវ​រថយន្ត​ខុសច្បាប់ និង​រួម​បន្ត​ទំនាក់ទំនង និង​ផ្តល់ព័ត៌មាន​គ្នា ទៅវិញទៅមក ជាប់​ជាប្រចាំ​៕/V​

 

ទីតាំងផ្សាយពាណិជ្ជកម្ម

- Advertisment -



Most Popular