សូត្រមន្ត​ក្រុង​ពាលី អភិសេក​លោកតា​គល់ យាយ​លក្ខណ៍ ដែលជា​អ្នក​កសាង វត្ត​មង្គល​មាន​លក្ខណ៍​

ដោយៈ ច័ន្ទ​គារ / តាកែវៈ នៅ​រសៀល ថ្ងៃទី​៦ ខែមករា ឆ្នាំ​២០២១ នេះ ឧ​ត្ត​ម​សេនីយ៍​ទោ បណ្ឌិត ខេង រ៉ា និង​លោកស្រី អ៊ុក រីតា ព្រមទាំង​បុត្រ បាន​អញ្ជើញ​ចូលរួម ជា​អធិបតី ក្នុង​ពិធីសូត្រមន្ត​ក្រុង​ពាលី អភិសេក​លោកតា​គល់ យាយ​លក្ខណ៍ ដែលជា​អ្នក​កសាង វត្ត​មង្គល​មាន​លក្ខណ៍​។​

​វត្ត​មង្គល​មាន​លក្ខណ៍​នេះ ស្ថិតនៅ​ក្នុងភូមិ​ត្រពាំង​ស្វាយ ឃុំ​ត្រពាំង​ធំ​ខាងជើង ស្រុក​ត្រាំកក់ ដែលមាន​ព្រះ​មង្គល​បញ្ញា សៅរ៍ តារា​វី ដែលជា​ព្រះគ្រូ​ចៅអធិការ វត្ត​មង្គល​មាន​លក្ខណ៍ និង​ជា​ព្រះ​អនុគណ​ស្តីទី ស្រុក​ត្រាំកក់​។​

​រូបសំណាក​តា​គល់ យាយ​លក្ខណ៍ គឺ​កសាង​ពី​ថ្មភក់ ដែលមាន​រចនាបថ តាម​បុ​រម​បុរាណ ហើយ​តា​គល់ យាយ​លក្ខណ៍ គឺជា​អ្នក​កសាង វត្ត​មង្គល​មាន​លក្ខណ៍ តាំងពី បុ​រម​បុរាណ​មក ទើប​នៅ​ថ្មីៗ​នេះ ចៅអធិការ​វត្ត និង​អាជ្ញាធរ​ឃុំ​ត្រពាំង​ធំ​ខាងជើង ស្នើសុំ​អោយ​ឧ​ត្ត​ម​សេនីយ៍​ទោ បណ្ឌិត ខេង រ៉ា និង​លោកស្រី សុំ​ជួយ​កសាង រូបសំណាក​នេះ​ឡើង ដើម្បី​ជា​និមិត្តរូប​របស់​វត្ត​។ ថ្មីៗ​នេះ រូបសំណាក​តា​គល់ យាយ​លក្ខណ៍ ត្រូវបាន​រដ្ឋបាលខេត្ត​តាកែវ អនុម័ត​អោយ ឃុំ​ត្រពាំង​ធំ​ខាងជើង ប្រើ​រូបសំណាក​នេះ ជា​និមិត្តសញ្ញា​របស់​ឃុំ​ត្រពាំង​ធំ​ខាងជើង ថែម​ទៀតផង​។​

​ព្រះ​មង្គល​បញ្ញា សៅរ៍ តារា​វី ដែលជា​ព្រះគ្រូ​ចៅអធិការ វត្ត​មង្គល​មាន​លក្ខណ៍ និង​ជា​ព្រះ​អនុគណ​ស្តីទី ស្រុក​ត្រាំកក់ បាន​មាន​សង្ឃដីកា​ថាៈ រូបសំណាក​តា​គល់ យាយ​លក្ខណ៍ ដែល​កសាង​មកនេះ គឺជា​វត្ថុ​មានតម្លៃ ធ្វើអោយមាន​ការគោរព​បូជា នៅក្នុង​វត្ត​មង្គល​មាន​លក្ខណ៍ ក៏ដូចជា ប្រជាពលរដ្ឋ នៅ​ស្រុក​ត្រាំកក់ និង​នៅ​ទីជិត​ឆ្ងាយ​ផងដែរ​។ រូបសំណាក​នេះ នឹងមាន​ការផ្សព្វផ្សាយ ជា​បន្តបន្ទាប់ ដល់​ស្រទាប់​ប្រជាពលរដ្ឋ​ទូទៅ យ៉ាងច្រើន នាពេលខាងមុខ​៕/V​

សូត្រមន្ត​ក្រុង​ពាលី អភិសេក​លោកតា​គល់ យាយ​លក្ខណ៍ ដែលជា​អ្នក​កសាង វត្ត​មង្គល​មាន​លក្ខណ៍​

សូត្រមន្ត​ក្រុង​ពាលី អភិសេក​លោកតា​គល់ យាយ​លក្ខណ៍ ដែលជា​អ្នក​កសាង វត្ត​មង្គល​មាន​លក្ខណ៍​

សូត្រមន្ត​ក្រុង​ពាលី អភិសេក​លោកតា​គល់ យាយ​លក្ខណ៍ ដែលជា​អ្នក​កសាង វត្ត​មង្គល​មាន​លក្ខណ៍​

សូត្រមន្ត​ក្រុង​ពាលី អភិសេក​លោកតា​គល់ យាយ​លក្ខណ៍ ដែលជា​អ្នក​កសាង វត្ត​មង្គល​មាន​លក្ខណ៍​

ទីតាំងផ្សាយពាណិជ្ជកម្ម

- Advertisment -

Most Popular