Home ព័ត៌មានជាតិ សន្តិសុខ កុមារី​ពីរ​នា...

កុមារី​ពីរ​នាក់​បងប្អូន​ដឹក​ដៃ​គ្នា​ឆ្លង​ផ្លូវត្រូវ​រថយន្តបុក​ស្លាប់​

​ដោយ​: បូកគោ​/​កំពត​: កុមារី​ពីរ​នាក់​បងប្អូន​បង្កើត​បាន​ស្លាប់​យ៉ាង​អ​ណោ​ច​អ​ធ័​ម​ដោយសារ​រថយន្ត​មិន​ស្គាល់​អត្តសញ្ញាណ​បុក​កាលពី​រសៀល​ថ្ងៃទី​៦ ខែមករា ឆ្នាំ​២០២១ ខណៈពេល​ដឹក​ដៃ​គ្នា​ឆ្លងផ្លូវ​។ ហេតុការណ៍​នេះ​បានកើត​ឡើង​នៅលើ​ដងផ្លូវ​ជាតិ​លេខ​៣១ ស្ថិតក្នុង​ភូមិ​ព្រៃ​ផ្តៅ ឃុំ​ភ្នំ​កុង ស្រុក​អង្គរជ័យ ខេត្តកំពត​។​

​មន្ត្រីនគរបាល​ចរាច​រណ៍​ស្រុក​អង្គរជ័យ​បាន​ប្រាប់​ឱ្យដឹងថា កុមារី​រងគ្រោះ​ទាំងពីរ​នាក់​គឺ ១. ឈ្មោះ អែម ស្រី​ណេ អាយុ​៩​ឆ្នាំ​, ២. ឈ្មោះ អែម ស្រីណូ អាយុ ២​ឆ្នាំ រស់នៅក្នុង​ភូមិ​ឃុំ​កើតហេតុ​ខាងលើ​។

​សមត្ថកិច្ច​បាន​រៀបរាប់ថា មុន​គ្រោះថ្នាក់​កើតឡើង កុមារ​ទាំងពីរ​នាក់​ដឹក​ដៃ​គ្នា​ឆ្លងផ្លូវ ពី​លិចទៅ​កើត ស្រប​ពេលនោះ​មាន​រថយន្ត​មួយគ្រឿង​បើក​មកពី​ទិស​ខាងត្បូង​ដោយ​ល្បឿន​យ៉ាង​លឿន រួច​បុក​ពួកគេ​ពេញ​ទាំង​ហឹ​ង​បណ្តាល​ឱ្យស្លាប់​ទាំងពីរ​នាក់​គួរឱ្យ​អ​ណោ​ច​អ​ធ័​ម​បំផុត ហើយ​បើក​គេច​បាត់ស្រមោល​៕​

ទីតាំងផ្សាយពាណិជ្ជកម្ម

- Advertisment -

Most Popular