Home ព័ត៌មានអន្តរជាតិ អាហ្វ្រិក​ខាង...

អាហ្វ្រិក​ខាងត្បូង​«​អស់​មឈូស​»​នៅពេល​ការស្លាប់​ដោយកូវី​ដ​កើន​១២០%

​ប្រែ​សម្រួលៈ​វាសនា​៖​មន្ត្រី​នៅ​កន្លែង​បញ្ចុះសព​នៅ​អាហ្វ្រិក​ខាងត្បូង​បាន​និយាយ​អំពី​ការ​«​អស់​មឈូស​ដាក់​សព​» បន្ទាប់​ពី​ទីកន្លែង​របស់គាត់​ជោរជន់​ដោយ​សាកសព​អ្នកជំងឺ​កូវី​ដ​១៩ គឺ​កើន​ជាង​ធម្មតា​​ដល់​ទៅ​១២០​ភាគរយ​។​

​ប្រទេស​នៅ​អាហ្វ្រិក​នេះ​កំពុង​ប្រឈម​វីរុស​កូរ៉ូណា​ប្លែ​ង​រូប​ថ្មី​ដែល​ចម្លង​ខ្លាំង​ជា​វីរុស​មុន ដែល​នាំ​ដល់​កំណើន​នៃ​ការស្លាប់​ដោយកូវី​ដ​១៩​។​គ្រាន់តែ​ម្សិលមិញ​ប្រទេស​នេះ​មាន​អ្នកស្លាប់​៤២២​នាក់ និង​ឆ្លង​ជាង​១៥.០០០​នាក់​។​

​ពួកកម្មករ​បញ្ចុះ​សាកសព​ឥឡូវ​សង្ឃឹម​ថា​រដ្ឋាភិបាល​នឹង​ស្វែង​ឃើញ​វ៉ាក់សាំង​ណាមួយ​ដើម្បី​ចាក់​អោយ​ប្រជាជន​នៅ​ពេល​តំរូវការ​មឈូស​កើនឡើង​ខ្លាំង​និង​កម្មករ​បញ្ចុះសព​ក៏​ស្លាប់​កាន់តែច្រើន​ផងដែរ​។​

​អឹម​ពូ​ម៉ា​ឡាន​ហ្កា នាយក​ទី​បញ្ចុះសព Tshipi-Noto​នៅ​អាហ្វ្រិក​ខាងត្បូង​បាន​និយាយថា​ខ្លួន​លោក​និង​បុគ្គលិក​មានការ​ខ្លាចរអា​ណាស់​ព្រោះ​«​យើង​ដឹង​ថា​វីរុស​ប្រភេទ​ថ្មី​ឆ្លង​ខ្លាំង​ហើយ​យើង​ខ្លាច​ដូច​​អ្នក​រាល់​គ្នា​ដែរ​។​យើង​មាន​ឪពុកម្តាយ ដូច្នេះ​ពិតជា​មាន​ការភ័យខ្លាច​ក្នុងចំណោម​ពួកយើង​»​។​

​វីរុស​ប្លែង​រូប​នៅ​អាហ្វ្រិក​ខាងត្បូង​ឈ្មោះ 501.V2 ត្រូវបាន​រកឃើញ​នៅក្នុង​ទីក្រុង​កេប​ថោន​កាលពី​ខែ​ធ្នូ​ឆ្នាំ​មុន និង​ត្រូវ​គេ​ជឿ​ថា​ឆ្លង​ជាង​វីរុស​ប្លែង​រូប​មួយទៀត​នៅ​អង់គ្លេស​ដែល​កំពុង​បង្ខំ​អោយ​អង់គ្លេស​​បិទ​ប្រទេស​ប៉ះពាល់​មនុស្ស​រាប់លាន​នាក់​។​

​ការឆ្លង​នៅ​អាហ្វ្រិក​ខាងត្បូង ឡើង​ពី​ប្រមាណ​៣.០០០​នាក់​ក្នុង​មួយ​ថ្ងៃ​នៅ​ដើម​ខែ​ធ្នូ មក​ជាង​១៥.០០០​នាក់​ក្នុង​មួយ​ថ្ងៃ​កាលពី​ម្សិលមិញ ៕

​អ្នក​បញ្ចុះសព​ជាប់រវល់​រហូដ​ដោយសារ​ការ​ស្លាប់​ដោយកូវី​ដ​១៩​កើន​ឡើង​ខ្លាំង​

​គំនូសតាង​បង្ហាញ​កំណើន​ឆ្លង​និង​ស្លាប់​ដោយកូវី​ដ​១៩​នៅ​អាហ្វ្រិក​ខាងត្បូង​

ទីតាំងផ្សាយពាណិជ្ជកម្ម

- Advertisment -

Most Popular