Home ព័ត៌មានជាតិ សេដ្ឋកិច្ច ក្រសួង​ការងារ...

ក្រសួង​ការងារ​ប្រកាស​ប្តូរ​ដំណើរការ​សេវាសាធារណៈ​តាម​ប្រព័ន្ធ​ស្វ័យប្រវត្តិកម្ម​ចាប់ពី​ថ្ងៃ​ច័ន្ទ​តទៅ​

ដោយ​: ពៅ​និមល​/​ភ្នំពេញ​: គិត​ចាប់ពី​ចាប់ពី​ថ្ងៃ​ចន្ទ ទី​១១ ខែមករា​តទៅ ក្រសួង​ការងារ​និង បណ្តុះបណ្តាល​វិជ្ជាជីវៈ នឹង​ដាក់ឱ្យ​ដំណើរការ​សេវាសាធារណៈ​ពាក់ព័ន្ធ​វិស័យ​ការងារ និង​បណ្តុះបណ្តាល​វិជ្ជាជីវៈ តាម​ប្រព័ន្ធ​ស្វ័យប្រវត្តិកម្ម​ជំនួស​ដោយផ្ទាល់​វិញ​។​

​ក្នុង​សេចក្តីជូនដំណឹង ស្តីពី​ការដាក់ឱ្យ​ដំណើរការ​សេវាសាធារណៈ​ពាក់ព័ន្ធ​វិស័យ​ការងារ និង​បណ្តុះបណ្តាល​វិជ្ជាជីវៈ​តាម​ប្រព័ន្ធ​ស្វ័យប្រវត្តិកម្ម​របស់​ក្រសួង​ការងារ​និង​បណ្តុះបណ្តាល វិជ្ជាជីវៈ កាល​ថ្ងៃទី​៦ ខែមករា ឆ្នាំ​២០២១​កន្លងទៅ បានឱ្យដឹងថា យោងតាម​សំណើរ​របស់ វិស័យ​ឯកជន​នៅក្នុង​ក្រុមការងារ​ផ្នែក​ទំនាក់ទំនង​វិជ្ជាជីវៈ នៃ​វេទិកា​រដ្ឋាភិបាល​ផ្នែក​ឯកជន និង​ដើម្បី​បង្កលក្ខណៈ​ងាយស្រួល និង​ចំណេញ​ពេលវេលា​ក្នុងការ​ស្នើសុំ​សេវាសាធារណៈ ពាក់ព័ន្ធ​វិស័យ​ការងារ និង​បណ្តុះបណ្តាល​វិជ្ជាជីវៈ ជាពិសេស​លើកកម្ពស់​ការប្រើប្រាស់ ប្រព័ន្ធ​បច្ចេកវិទ្យា​ព័ត​មាន​នា​សម័យ​ឧស្សាហកម្ម​៤.០ ក្រសួង នឹង​ដាក់ឱ្យ​ដំណើរការ​សេវា សាធារណៈ​ពាក់ព័ន្ធ​វិស័យ​ការងារ និង​បណ្តុះបណ្តាល​វិជ្ជាជីវៈ​តាម​ប្រព័ន្ធ​ស្វ័យប្រវត្តិកម្ម ចំពោះ​សេវាសាធារណៈ​ដែល​ស្ថិតនៅក្រោម​ដែន​សមត្ថកិច្ច​របស់​ថ្នាក់កណ្តាល​ក្រសួង​ការងារ​និង​បណ្តុះបណ្តាល​វិជ្ជាជីវៈ នូវ​សេវាសាធារណៈ ពាក់ព័ន្ធ​ដូចជា​៖ វិស័យ​ការងារ​, វិស័យ​អប់រំ បណ្តុះបណ្តាល​បច្ចេកទេស​និង​វិជ្ជាជីវៈ និង​ពាក់ព័ន្ធ​ជនបរទេស​។​

​ក្រសួង​បន្ថែមថា ដោយឡែក ចំពោះ​សេវាសាធារណៈ​ដែល​ស្ថិតនៅក្រោម​ដែន​សមត្ថកិច្ច របស់​មន្ទីរ​ការងារ និង​បណ្តុះបណ្តាល​វិជ្ជាជីវៈ និង​អង្គភាព​ច្រកចេញ​-​ចូល​តែមួយ​រាជធានី ខេត្ត នឹងត្រូវ​ដាក់ឱ្យ​ដំណើរការ​ចាប់ពី​ថ្ងៃទី​១ ខែមីនា​តទៅ​។ ក្នុង​រយៈពេល​ដំបូង​នៃ​ការ ដាក់ឱ្យ​សំណើរ​នេះ និយោជក​និង​កម្មករនិយោជិត ដែល​មិនទាន់​អាច​ស្នើសុំ​សេវា សាធារណៈ​តាម​ប្រព័ន្ធ​ស្វ័យប្រវត្តិ​កម្មបាន​អាចមក​ទទួល​សេវាសាធារណៈ​ដោយផ្ទាល់ តាម​អង្គភាព​ពាក់ព័ន្ធ​ដដែល​។ ក្រសួង​ការងារ​បញ្ជាក់ទៀតថា សម្រាប់​ព័ត៌មាន​ខាងលើនេះ ក្រសួង​សាធារណៈជន​អាចធ្វើ​ការទំនាក់ទំនង​បាន​តាម​ប្រព័ន្ធ​ទូរស័ព្ទ ១២៩៧​ដោយ​ឥត គិតថ្លៃ (​មិន​អស់ប្រាក់​) នៅ​រៀងរាល់​ម៉ោង​ធ្វើការ​៕​/PC

ទីតាំងផ្សាយពាណិជ្ជកម្ម

- Advertisment -

Most Popular