Home ព័ត៌មានសំខាន់ៗ ថៃ​ឆ្លងកូវី​ដ...

ថៃ​ឆ្លងកូវី​ដ​១៩​ចំនួន​៣០៥​នាក់​បន្ថែម និង​ស្លាប់​ម្នាក់​ទៀត​

​ប្រែ​សម្រួលៈ​វាសនា​/​បាងកក​(​បាងកក​ប៉ុស្តិ៍​)៖​រដ្ឋាភិបាល​ថៃ​កាលពី​ថ្ងៃ​ព្រហស្បតិ៍​ទី​០៧​មករា បាន​និយាយថា មនុស្ស​៣០៥​នាក់​ទៀត​បាន​ឆ្លងកូវី​ដ​១៩ ក្នុងនេះ​១៩៣​នាក់​ឆ្លង​នៅក្នុង​ស្រុក នាំ​អោយ​ចំនួន​​ឆ្លង​នៅក្នុង​ប្រទេស​នេះ​កើន​ដល់​៩.៦៣៦​នាក់ ។​រដ្ឋាភិបាល​ក៏​បាន​និយាយថា អ្នកជំងឺ​កូវី​ដ​១៩​ម្នាក់​ទៀត​បាន​ស្លាប់ នាំ​អោយ​ចំនួន​ស្លាប់​ដោយ​ជំងឺឆ្លង​នេះ​នៅ​ថៃ​កើន​ដល់​៦៧​នាក់​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩ លោក​ថា​វី​ស៊ី​ល វី​សានុ​យ៉ូ​ធី​ន បាន​និយាយថា​អ្នកស្លាប់​ចុងក្រោយ​នេះ​ជា​បុរស​ថៃ​អាយុ​៨៨​ឆ្នាំ ដែល​ក៏មាន​ជំងឺមហារីក​ដេក​លើ​គ្រែ​ជាប់​។​ជនរងគ្រោះ​​បាន​ឆ្លងកូវី​ដ​១៩​ពី​កូនប្រុស​គាត់​នៅក្នុង​ខេត្ត​រ៉ា​យ៉ង​។​

​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩ បានអោយដឹង​ថា​ការឆ្លង​ថ្មី​នៅ​២៤​ម៉ោង​កន្លងមកនេះ រួមមាន​៤៦​នាក់​នៅ​ក្រុង​បាងកក​, ៣៧​នាក់​នៅ​សាមុត សា​ខន ,២៧​នៅ​ឈុន ប៊ូ​រី ,២៥​នៅ​សាមុត ប្រា​កាន​, ២៣​នៅ​រ៉ា​យ៉ង និង​៨​នាក់​នៅ​ចាន់ថា​ប៊ូ​រី​។​

​ក្នុងចំណោម​ការឆ្លង​ទាំង​៩.៦៣៦​នាក់ ៤.៥២១​នាក់​(៤៦,៩%)​បាន​ជា​ពី​ជំងឺ​កូវី​ដ​១៩ រួមមាន​១០៣​នាក់​បាន​ជា​នៅ​២៤​ម៉ោង​កន្លងទៅ និង​នៅ​សល់​៥.០៤៨​នាក់​កំពុង​ត្រូវ​ព្យាបាល​។​

​លោក​ថា​វី​ស៊ី​ល វី​សានុ​យ៉ូ​ធី​ន​បាន​និយាយថា រដ្ឋាភិបាល​ខិតខំ​ទប់ស្កាត់​កូវី​ដ​១៩​ជា​ហេតុ​បង្ក​ការលំបាក​ដល់​ប្រជាជន​ដែល​ចង់​ធ្វើដំណើរ​ទៅ​និង​មក​ពី​ខេត្ត​រងគ្រោះ​ខ្លាំង​ចំនួន​៥ គឺ សាមុត សា​ខន​,​ឈុន ប៊ូ​រី​,​រ៉ា​យ៉ង​,​ត្រាត​និង​ចាន់​ថា​ប៊ូ​រី រួម​ទាំង​ខេត្ត​នៅ​ជុំវិញ​ចំនួន​២៣​ទៀត​។​ពួក​មន្ត្រី​កំពុង​ប្រចាំការ​នៅ​ប៉ុស្តិ៍​ត្រួតពិនិត្យ​ទាំង​នៅ​តាម​ផ្លូវ​ធំ​និង​ផ្លូវ​តូច​ដែល​ភ្ជាប់​ខេត្ត​ទាំងនេះ​។​អ្នកណា​ដែល​ចង់​ធ្វើ​ដំណើរ​រវាង​​ខេត្ត​ទាំង​នេះ​ត្រូវ​បង្ហាញ​ឯកសារ​ផ្លូវការ​ដើម្បី​បង្ហាញថា ដំណើរ​របស់​គេ​ស្ថិតក្នុង​ភាពចាំបាច់ ហើយ​និយោជិត​ឬ​មន្ត្រី​មូលដ្ឋាន​អាច​ចេញ​ឯកសារ​ទាំងនេះ​។​

​លោក​ថា​វី​ស៊ី​ល វី​សានុ​យ៉ូ​ធី​ន បាន​បន្ថែមថា នៅ​កន្លែង​ត្រួតពិនិត្យ មន្ត្រី​អាច​ពិនិត្យ​កំដៅ​ខ្លួន ឯកសារ​ធ្វើដំណើរ​និង​ប្រវត្តិ​នៃ​ការធ្វើដំណើរ​។​

​នៅលើ​ពិភពលោក​ក្នុងពេល​ជាមួយគ្នា កូវី​ដ​១៩​បាន​បន្ថែម​អ្នក​ឆ្លង​៧៨១.១០៣​នាក់​ទៀត​នៅ​២៤​ម៉ោង​មក​នេះ រហូត​ដល់​ចំនួន​សរុប​៨៧,៦៤​លាន​នាក់ និង​ស្លាប់​ឡើងដល់​១,៨៩​លាន​នាក់ ក្រោយ​មាន​​មនុស្ស​១៤.១២៦​នាក់​ទៀត​ស្លាប់​។​

​អាម៉េរិក​នាំមុខគេ ដោយ​មាន​អ្នក​ឆ្លង​២១,៨៦​លាន​នាក់ ក្រោយ​កើន​២៦០.៩៧៣​នាក់​និង​អ្នកស្លាប់​កើន​ដល់​៣៦៩.៩៩០​នាក់​៕

 

ទីតាំងផ្សាយពាណិជ្ជកម្ម

- Advertisment -

Most Popular