ក្រុមគ្រួសារ​សព និង​កុមារ​រងគ្រោះ ដោយ​ពុល​ពង​គីង្គក់ ចំនួន ៧ នាក់ បានទទួល​អំណោយ​មនុស្សធម៌

​ដោយៈ គ្រញូង / បាត់ដំបងៈ នៅ​ព្រឹក​ថ្ងៃទី​៧ ខែមករា ឆ្នាំ​២០២១ បាន​ចាត់​តំណាង ដឹកនាំ​ដោយ លោក កង ប៊​ន អនុប្រធាន​អចិន្ត្រៃយ៍ និង​ជា​តំណាង​លោក​បណ្ឌិត ប៊ុត គឹមស៊ាន ប្រធាន​គណៈកម្មាធិការ សាខា​កាកបាទក្រហមកម្ពុជា ខេត្តបាត់ដំបង និង​សហការី នាំយក​សម្ភារ និង​ថវិកា​មួយចំនួន ចុះសួរសុខទុក្ខ​កុមារា និង​ចូលរួម​រំលែក​ទុក្ខ គ្រួសារ​សព​កុមារា ចំនួន ៧​នាក់ ដែល​ពុល​ពង​គីង្គក់ ឪពុកម្តាយ មិន​នៅ បណ្តាលអោយ​ស្លាប់​១​នាក់ កាលពី​រសៀល ថ្ងៃទី​៥ មករា ឆ្នាំ​២០២១ នៅ​ចំណុច​ភ្នំ​ព្រះ ភូមិ​បាសាក់ ឃុំ​បាសាក់ ស្រុក​រុក្ខ​គិរី ។​

​លោក កង ប៊​ន បាន​មានប្រសាសន៍​ឲ្យ​ដឹងថា ក្រុមគ្រួសារ​កុមារា ដែល​ពុល​ពង​គ​ង្គ​ក់ រួមមានៈ ១.​ឈ្មោះ ឈួ​ម ធា​រិ​ទ្ធ អាយុ​១៣​ឆ្នាំ (​ស្លាប់​) អ្នកធ្វើ​ម្ហូប , ២.​ឈ្មោះ ឈួ​ម វ​ឌ្ឍ​នា អាយុ ១២ ឆ្នាំ , ៣.​ឈ្មោះ គឿន យុទ្ធ អាយុ ១១​ឆ្នាំ , ៤.​ឈ្មោះ ចាន់ អូរ​ជៀង , ៥.​ឈ្មោះ ហ៊​ន សីហា , ៦.​ឈ្មោះ ភក្តី សុវណ្ណ​រ័ក្ស , ទាំងបី​នាក់​នេះ មាន​អាយុ ៨ ឆ្នាំ ដូចគ្នា និង​៧.​ឈ្មោះ ហ៊​ន មេ​ង​ហ៊ួ អាយុ ៦​ឆ្នាំ​។​

​សម្ភារ​ដែល​សាខា ចូលរួម​រំលែក​ទុក្ខ ដល់​គ្រួសារ​សព មាន​អង្ករ ១០០ គីឡូក្រាម ទឹកបរិសុទ្ធ ចំនួន ១០ កេស ថវិកា ២០ ម៉ឺន​រៀល ដោយឡែក កុមា​រងគ្រោះ សម្រាក​នៅ​មន្ទីរពេទ្យ ចំនួន ៦ នាក់ ក្នុង​១​នាក់ អង្ករ ២៥ គីឡូក្រាម ទឹកបរិសុទ្ធ ២​យួរ ភួយ​១ ក្រមា​១ និង​ថវិកា ១០ ម៉ឺន​រៀល​៕/V

ទីតាំងផ្សាយពាណិជ្ជកម្ម

- Advertisment -

Most Popular